YOSUA 9:8 - KITAB NU TUMPU ALLA LELE MA'IMAI'

⁸ Aha notatae, “Kami sanang na kinyonyoa mombau maumo pa' apaa na anu opalentahkon nu to Tutuuma.” “Belemiu aiya ihe? Ka' lengkat mae i lipu' apaa?” pinokilawa hi aha.

YOSUA 9:8 ပူးပေါင်းရင်းမြစ်များ

2 TOMU-TOMUNDO' 10:5

Kalana aitu kapala nu laigan nu tomundo' ka' anu mongkuasai kota' aijo' tiba to tu'a-tua'nyo nu mian da'isan ka' mian anu nompotuu' anak makumpu i Ahab nompakatumo lele aiya sumo uuka, hi Yehu, “Kami ta'alukmo hi belento Tuan, ka' apaa na anu opokauhakon hi kami nu belento Tuan tionyo ahi' obau mami. Kami madi' mohangkat bau tomundo' maumo pa' ihe. Bau ahi' mae apaa na anu ma'ima' anu nukahanda'i nu belento Tuan.”

PO'ULE' INGULIT 20:11

De aha montuhea'akonmo tumban nu sabatan daka' nu kota ka' madi'mo mongewa, aha iwi-iwi' tionyo ahi' opotimbalimo posaihon nu belemiu ka' mombau kalaja anu opakisakon nu belemiu.

YOSUA 10:6

Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 9:11

To pola-polaya' ka' iwi-iwi' na anu jojoong i lipu' mami nompokaumo mae kami da montoukai mantu da mamba mo'uuka mae mahampia to Tutuuma. Ka' mompoto'i kami aiya da ta'alukmo hi to Tutuuma. Kalana aitu okakase mami kanonongan nu to Tutuuma da mombau palajanjian tiba kami.

YOSUA 9:23

Kalana belemiu nombaumo sumo aijo' Tumpu Allah mohukumo belemiu. Bansa miu saja'mo bau posaihon, bau pongala kau' ka' bau pongasu uee i laigan nu Tumpu Allah-ngku.”

YOSUA 9:25

Uuka aiya kami kinuasanmo nu belento Tuumangku. Palentahmo mae na kami yayamo na anu otoa ma'ima' nu belento Tuumangku.”

YOSUA 9:27

Panyo aha oppotimbalimo posaihon – bau pongala kau' ka' bau pongasu uee nu aha mian Israel ka' i mezbah nu Tumpu. Sampe tempo' uuka aha daagi' mombau kalaja susumo aijo' i tampat anu pinile'anmo nu Tumpu da bau tampat ponsomban Ia.