YOSUA 9:20 - KITAB NU TUMPU ALLA LELE MA'IMAI'

²⁰ Kita madi'mo timbali mompatei aha kalana kita nojanji'mo; ka' de kita molanggaimo janji' aijo', Tumpu Allah mohukumo kita.

YOSUA 9:20 ပူးပေါင်းရင်းမြစ်များ

2 TAWARIKH 36:13

I tomundo Nebukadnezar nompakisamo i Zedekia da basumpa'mo i uno nu sanggo nu Tumpu Allah tukoonyo da ia tulu-tulutanmo hi Nebukadnezar. Panyo mamanga ahi i Zedekia notomuhukmo hi Nebukadnezar. I Zedekia pinanggagamo hi Tumpu, Tumpu Allah Israel. Ia madi'mo mongka'oho' mompala'i dosa'nyo ka' madi'mo poule' palesaya hi Tumpu.

AMSAL 20:25

Maisa pe'e monjanji monsombahkon koloban hi Tumpu opikin mo ahi ima'-ima'. Da boli beleyum mompele-pele' imihinyo mae.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

ROMA 1:31

aha madi' mongka'oho' monsumbu' mian sangga'at; aha panggaga, tiba madi' monsumbu' atulan hi sangko mian.

1 TIMOTIUS 1:10

mongkona to mia-mian anu lewa' masala', talalo napisu nyo, lewa' mompopalaihakon to ana-anak talalo baleko'; to saki-sakisi baleko', ka' maumo ihe na mombau hahan anu mompaha sala' tiba pangajalan anu totu'u.

YOSUA 9:19

Panyo polaya' haha aijo' nontaami, “Bemanau'! Kami nojanji'mo hi aha ka' binasumpa'mo tiba sanggo nu Tumpu Allah Israel. Uuka aiya kita madi'mo timbali mombau anu ma'idek hi aha.

YOSUA 9:21

Jadi bakasmo na aha tumuu', panyo kita iwi-iwi' mompotimbalimo aha bau pongala kau' ka' bau pongasu uee hi kita iwi-iwi'.” Sumo aijo' na pinoto'i nu polaya' haha aijo'.