YOSUA 9:11 - KITAB NU TUMPU ALLA LELE MA'IMAI'

¹¹ To pola-polaya' ka' iwi-iwi' na anu jojoong i lipu' mami nompokaumo mae kami da montoukai mantu da mamba mo'uuka mae mahampia to Tutuuma. Ka' mompoto'i kami aiya da ta'alukmo hi to Tutuuma. Kalana aitu okakase mami kanonongan nu to Tutuuma da mombau palajanjian tiba kami.

YOSUA 9:11 ပူးပေါင်းရင်းမြစ်များ

KAJADIAN 43:12

Oboa suele na doi lipat pinduan, kalana doi anu i humpak i uno nu kalung nu belemiu aijo' tionyo po'ule' osule'akon nu belemiu. Ugaat aijo' sinangkalingamo.

2 TOMU-TOMUNDO' 10:5

Kalana aitu kapala nu laigan nu tomundo' ka' anu mongkuasai kota' aijo' tiba to tu'a-tua'nyo nu mian da'isan ka' mian anu nompotuu' anak makumpu i Ahab nompakatumo lele aiya sumo uuka, hi Yehu, “Kami ta'alukmo hi belento Tuan, ka' apaa na anu opokauhakon hi kami nu belento Tuan tionyo ahi' obau mami. Kami madi' mohangkat bau tomundo' maumo pa' ihe. Bau ahi' mae apaa na anu ma'ima' anu nukahanda'i nu belento Tuan.”

ESTER 8:17

Ka' mule' i toto sa'angu' na kota' ka' propinsi, anu binasa'akonmo na sulat palentah i tomundo, to mia-mian nu Yahudi ilame'mo, lewa'mo binasanang-sanang ka' nombaumo bau-bauon. Sahingga nanjoo'mo na aha tumpu nu lipu' tinimbalimo bansa Yahudi, kalana aha nabuhukmo hi nu aha na bansa aijo'.

LUKAS 9:3

“Boli momboa apa-apaa bau kapalaluan i lumambanan miu,” tukoonyo i Yesus hi aha. “Boli momboa tokon kabai botutu pongisian anu obee' nu mian, kabai kaanon, kabai doi, kabai mule' ohua' na paan na baju'.

YOSUA 1:11

da mamba i songko-songko na kemah nu aha mian Israel ka' nombee'i palentah sumo uuka, “Potoukai na mantu kalana daagi' tolun sinaa belemiu tionyo ahi' motaapmo i Kaunyo nu Yordan da jojoongmo i lipu' anu binee'mo nu Tumpu Allah nu belemiu hi belemiu.”

YOSUA 9:10

ka' apaa na anu binau-Nyomo hi aha ohua' na tomundo nu Amori, i sasu kabete'an nu Kaunyo Yordan, aijo'mo: i Sihon tomundo nu Hesybon ka' i Og tomundo nu Basan anu jojoong i Astarot.

YOSUA 9:12

Toamo aiya to Tutuuma, na roti mantu mami aiya. Tempo'nyo kami nambamo mae, roti aiya daagi' mapanas. Panyo aiya toamo! Binengkengmo ka' ingombulonmo.

YOSUA 9:8

Aha notatae, “Kami sanang na kinyonyoa mombau maumo pa' apaa na anu opalentahkon nu to Tutuuma.” “Belemiu aiya ihe? Ka' lengkat mae i lipu' apaa?” pinokilawa hi aha.