YOSUA 9:1 - KITAB NU TUMPU ALLA LELE MA'IMAI'

¹ Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

YOSUA 9:1 ပူးပေါင်းရင်းမြစ်များ

2 SAMUEL 24:7

Lengkat i kiijo' aha nambamo i Tirus sasu selatan kota anu ko bentengnyo aijo'. Ka' mule' aha nambamo i to kota-kota iwi-iwi' hi aha mian nu Hewi ka' mian nu Kanaan ka' ahennyo nambamo nokiijo' i Bersyeba i sasu selatan Yehuda.

NOSABATMO 23:23

Malaekat-Ku na mambaje momona lantas belemiuje, ka' momboa belemiu i lipu' nu bansa Amori, Het, Feris, Kana'an, Hewi ka' Yebus, ka' aha Ku silakaimo.

NOSABATMO 23:31

Potempasan nu lipu' nu belemiu Ku potataapje lengkat mae i Luoknyo nu Akaba toka-toka i Kaunyo nu Efrat, ka' lengkat mae i Ambai anu i totonga'nyo toka-toka i padang bola. Belemiu Ku bee'imo kuasa mompalentah mian anu jojoong i lipu' aijo', sahingga aha olaa'mo nu belemiu salatan belemiu mambamo mompo'ago tano' aijo'.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 34:11

Tuluti na to atu-atulan anu Ku bee' hi belemiu sinaa aiya. Aku nolaa'mo bansa Amori, Kana'an, Het, Feris, Hewi, ka' Yebus da belemiu mambamo mahampate.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

NOMBILANGMO 34:6

Ambai anu Totonga'nyo aijo'mo na potempasan nu lipu' miu i sasu kinsoban.

PO'ULE' INGULIT 1:7

Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 3:25

Pobee' mae na aku motaap i Kaunyo nu Yordan o Tumpu da montoa lipu' anu ma'omuk kiijo' mae i santoanyo nu da'erah nu Bungkutnyo anu ma'ima' ka' Bungkutnyo nu Libanon.

PO'ULE' INGULIT 4:49

ka' songko-songko na da'erah i sasu kabete'an Kaunyo nu Yordan toka-toka i sasu selatan Ambai Mate i tengke nu Bungkutnyo Pisga.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 1:4

Da'erah nu belemiu otampu'uni lengkat mae i padang bola sasu Selatan toka-toka i Bungkutnyo nu Libanon sasu Utara ka' lengkat mae i Kaunyo nu Efrat anu daka' aijo' i sasu kabete'an lau-laus mokiijo' monsangkup lipu' nu bansa Het toka-toka i Ambai anu Totonga'nyo i sasu kinsoban.

YOSUA 10:23

Liang aijo' binukaanmo, lantas to tomu-tomundo nu Yerusalem, Hebron, Yarmut, Laghis ka' Eglon sinabatakonmo mae,

YOSUA 11:17

Ko ewanyo nu da'erah aijo' lengkat pe'e mae i Bungkutnyo anu Madi' ko anu tumuu' i sasu selatan koko Edom, toka-toka i sasu utara kojo'onnyo toka-toka i Baal-Gad i Bangka'nyo nu Libanon sasu selatan Bungkutnyo nu Hermon. Pinin hondo na i Yosua nahampate tiba to tomu-tomundo i da'erah aijo', panyo ahennyo pinaha hakopnyomo na aha ka' pinateannyomo na aha iwi-iwi'.

YOSUA 13:5

ka' mule' da'erah nu bansa Gebal, ka' iwi-iwi' na da'erah Libanon mompatui sasu kabete'an, lengkat mae i Baal-Gad sasu selatan Bungkutnyo nu Hermon, lau-laus mompatui toka-toka i jalan anu mamba i Hamat.

YOSUA 15:12

anu salakumo potempasan sasu kinsoban da'erah nu aha tulunan nu bansa Yehuda. I da'erahmo haha aijo' na kinajojoongan nu to utu-utus mae nu tulunan nu bansa Yehuda.

YOSUA 22:4

Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.

YOSUA 23:4

Tano' nu to bansa-bansa anu daagi' tinontuha', sumo aijo' mule' tano' iwi-iwi' nu bansa anu i hungku'ankumo, aijo'mo tano' anu i sasu kabete'an i Kaunyo nu Yordan lau-laus nokiijo' i sasu kinsoban toka-toka mokiijo' i Ambai anu Totonga'nyo, iwi-iwi' aijo' binagiakonkumo da timbalimo anu miu.

YOSUA 24:11

Lapas aijo' belemiu notaapmo i Kaunyo nu Yordan, ka' tinokamo i Yerikho. Aha mian nu Yerikho nompahampateakonmo belemiu sumo aitu mule' na aha mian nu Amori, mian nu Feris, Kana'an, Het, Girgasi, Hewi tiba mian nu Yebus. Panyo belemiu pino'untung-Kumo na nahampate nongewa aha iwi-iwi'.

YOSUA 3:10

De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 6:27

Tumpu saja' mombaya'i i Yosua, ka' sanggo i Yosua tinalasanggomo i songko-songko na lipu' aijo'.

YOSUA 9:7

Panyo aha mian nu Israel notatae, “Bau apaa na kami mombau palajanjian tiba belemiu? Ugaat kajojoongan nu belemiu ola oha-ohani lengkat i aiya!”