YOSUA 8:35 - KITAB NU TUMPU ALLA LELE MA'IMAI'

³⁵ Batu-batu palentah i Musa binasa'akonmo i Yosua hi aha iwi-iwi' mian Israel anu sinihuk ikiijo' tibamo to bou-boune, to ana-anak, ka' to mia-mian anu lengkat mae i salipu'an anu jojoong kiijo' hi aha.

YOSUA 8:35 ပူးပေါင်းရင်းမြစ်များ

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

NEHEMIA 8:2

Lantas binoamo i Ezra na kitab aijo' i ahop nu mian anu sinilimu'mo, aijo'mo to momo'ane, to boboune ka' to ana-anak anu tu'amo ka' anu sinsumbu'mo.

NEHEMIA 8:3

Lantas lengkat pe'e daagi' subu-subu tinoka-toka sonsu'unmo na sinaa, i Ezra nombasa'mo Atulan aijo' i ahop nu aha. Aha iwi-iwi' singkapmo nompotombihing totu-totu'u.

NOSABATMO 12:38

Aha nomboa manjoo' na sapi' domba ka' mee'. Ka' mian anu i salipu'an mae suele pa' aha sangkuka na konjoo'nyo nombatukimo.

YEREMIA 26:2

Tumpu notataemo mae hi belengku, “Lako mamba tuminjo' ipopasan nu Laigan-Ku ka' potataemo hi aha mian anu jojoong Yehuda anu toka mae monsombah ikiijo'. Poto'i hi aha iwi-iwi' na anu Ku palentahkon hi beleyum da opoto'iakon hi aha. Boli oga'ai mau ola sangkiding.

YOËL 2:16

Posihukmo mae na iwi-iwi' mian da'isan palentah na mian anu sinihukmo. Pokau mae da toka na to tu'a-tu'anyo, to ana-anak ka' to bunga-bunga mea' suele. Ka' suele to boti-boting anu salaje' inika' tionyo ahi' toka mae. Pokau mae na aha mompala'i Salipi'nyo.

ZAKHARIA 8:23

I sinaa haha aijo' aha sampulu' na mian anu isalipu'an tokamo mae hi samian na Yahudi ka' motatae, ‘Kami mongkahanda'i suele da mohumpak dale' susumo belemiu'.’ ” Tumpu Anu Daka' na Kuasanyo notataemo.

MARKUS 10:14

Montoa han aijo', i Yesus pinusa lantas Ia notatae hi anu saja' mombatuki Ia, “Pojohok da to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali minsoop mian anu palesayamo hi Tumpu.

SISIKON NU TO RASUL-RASUL 20:27

Madi' toho' aku mompala'i pakalaja'anku montutuhakon hi komiu iwi-iwi' na tanga'an nu Tumpu.

SISIKON NU TO RASUL-RASUL 21:5

Panyo salatan ilapasmo na tempo'nyo kami jinojoong i kiijo', kami nompala'imo aha ka' nolausakon lajang kami. Aha iwi-iwi' hingga-hinggat tiba anak ka' bengkele' nu aha nomboa kami tinoka i sambiha' nu kota'. I kiijo' mae i biwi nu bone', kami iwi-iwi' dinumaladupumo ka' binalado'a.

PO'ULE' INGULIT 29:10

Sinaa aiya belemiu iwi-iwi' tuminjo i ahop nu Tumpu Allah nu belemiu, iwi-iwi' na kapala nu tulunan nu bansa, to tu'a-tu'anyo, to kapa-kapala nu suludadu, to momo'ane iwi-iwi',

PO'ULE' INGULIT 29:11

boune, to ana-anak ka' iwi-iwi' na mian anu lengkat mae i salipu'an anu jinojoongmo atina' hi belemiu ka' nontulungimo belemiu nongalapimo kau' anu oposuun ka' nongasuimo uee.

PO'ULE' INGULIT 29:9

Jadi tionyo ahi' belemiu saja' montuluti ka' mombau iwi-iwi' na palajanjian aijo' da apaa na anu obau nu belemiu iwi-iwi' mingkaliangan.

PO'ULE' INGULIT 31:12

Pokau na to momo'ane iwi-iwi', to bou-boune, ka' to ana-anak tiba mian anu lengkat mae i salipu'an anu jojoong i kota miu iwi-iwi' da sihuk mohongo anu obasa'akon aijo', da aha balagulu' lewa' mongadati Tumpu Allah nu belemiu ka' saja' montuluti palentah-Nyo.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.