YOSUA 8:29 - KITAB NU TUMPU ALLA LELE MA'IMAI'

²⁹ Tomundo nu kota aijo' sinegot ka' pinokalayo'mo i kau' anu pinototon ka' pinojohokmo ikiijo' sampe mamalom. Salatan sinaa nakakinsapmo, i Yosua nompokaumo mian da mongala bangke'nyo aijo' ka' ingalinmo i ahop nu sabatan daka' nu kota. Lapas mae aijo' tinambulanmo nu batu manjo-manjoo' hondo. Batu haha aijo' daagi' kiijo' sampe tempo' uuka aiya.

YOSUA 8:29 ပူးပေါင်းရင်းမြစ်များ

2 SAMUEL 18:17

Lapas aijo' bangke i Absalom ihangkatmo ka' tinuamo i uno nu bubung anu maleeng kiijo' i alas. Bubung aijo' tinabuhanmo nu aha nu batu sampe na bungkut. Iwi-iwi' na gombuan nu suludadu nu aha Israel nopalaimo namba ilaigan nu aha toto samian.

ESTER 7:10

Sumo aijo' na i Haman pinokalayo'mo i ohi' anu pinototonnyomo anu kiniboli' bau pompokalayo'annyo i Mordekhai, lantas ilapas na aijo' atina'je ka' i tomundo madi'mo notambuha'.

MAZMUR 107:40

Tumpu nompatundu'mo anu mongkuasai aha, ka' nompalentahmo aha lewa' namba i tampat padang anu mateges anu madi' ko jalannyo.

MAZMUR 110:5

Tumpu i Sasu koanan nu beleyum, de Ia motambuha', to tomu-tomundo, Nu patundu'mo.

YOHANES 19:31

Anu mongkuasai Yahudi madi' mongka'oho' bangke' nu to mia-mian mate anu sinalib aijo' tataap kala-kalayo' i kau' salib i Sinaa nu Sabat, pakalaus uuka aiya Sabat aijo' Sinaa Daka' anu samata-mata aijo' na anu o lame'akon. Kalana i Yesus sinalib kinona ma'isa pe'e Sinaa nu Sabat aijo', to mia-mian nu Yahudi nomoita hi Pilatus da opobee' mompato'akon tengke nu aha anu sinalibmo ka' montau'akon bangke'nyo haha aijo' i kau' salib.

SISIKON NU TO RASUL-RASUL 12:23

I tempo'mo aitu na malaikat nu Tumpu nohapa' i Herodes, kalana ia madi' mongadati Tumpu. I Herodes kinaan nu ias lantas i mate.

YOSUA 10:30

Tumpu suele nombee'imo ka'untungan nahampate hi aha mian nu Israel nongewa kota aijo' tiba tomundo'nyo. Mau mule' ola samian madi' pinotumuu'; iwi-iwi' na mian i kota aijo' pinatean. Binau i Yosua na tomundo nu kota aijo' sumo ia nombau tomundo nu Yerikho.

YOSUA 10:33

I Horam, tomundo nu Gezer tinokamo mae nontulungi Lakhis, panyo pinatundu'mo i Yosua na ia tiba suludadunyo; mau pe' ola samian madi'mo daagi' ko anu pinotumuu' iwi-iwi' pinateanmo.

YOSUA 12:9

To tomu-tomundo anu pinatundu'mo, iwi-iwi' konjoo'nyo aha tolumpulu' ka' sa'angu' na mian; aijo'mo to tomu-tomundo anu i kota haha aiya: Yerikho, Ai (koko Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek. Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (kiijo' i Karmel), Dor (i sonibi nu ambai), (kiijo' i Galilea) ka' Tirza.

YOSUA 7:26

Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.

YOSUA 8:23

ola i tomundo nu aha Ai yo madi' pinatean. Ia i hakop ka' binoa nangadap hi Yosua.