YOSUA 8:2 - KITAB NU TUMPU ALLA LELE MA'IMAI'

² Ai ka' tomundo'nyo tionyo ahi' nu bau susumo beleyum nombaumo Yerikho ka' tomundo'nyo u'utu mae. Panyo uuka aiya to bala-balang nu aha ka' potuu'onnyo timbalimo o ala nu belemiu, belemiumo na tumpunyo. Paha potoukamo da mambamo montumbuhi kota aijo' opotolokengkeng lengkat mae i hikunyo nu kota aijo'.”

YOSUA 8:2 ပူးပေါင်းရင်းမြစ်များ

2 TAWARIKH 13:13

Tempo'nyo aijo' i Yerobeam nonsaimo sambagian na gombuan nu suludadunyo da montumbuhimo gombuan nu suludadu nu aha Yehuda lengkat mae i hiku nu aha ka' sambagian mule' lengkat mae i ahop.

2 TAWARIKH 20:22

Tempo'nyo anu manyanyi haha aijo' lewa'mo na nyanyi hoso-hoson pinotabuntala'mo nu Tumpu na suludadu nu sampo bali' anu montampu'unimo mae nontumbuhi.

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

AMSAL 13:22

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

AMSAL 28:20

Mian anu madi' tageo' na kinyonyoanyo nubalakati nu Tumpu, panyo mian anu kahanda' da malia' kaya, madi' nupala'i nu hukuman.

YEREMIA 17:11

Sumomo ahi' tomonsi' mongokobi anu misa' nggalau'nyo, sumo aijo'mo na mian anu tageo' na kinyonyoanyo nohumpak halata'nyo. Toka ipohintonga'anmo nu umunnyo mingkotmo na halata'nyo aijo' iwi-iwi'. Ipupuusnyomo nu kantumuu'annyo, onyata'je taalu' ia mian anu ponga' ahi' hondo.

YEREMIA 51:12

Bee'i tanda de montumbuhimo pagan mesen nu Babel. Pohoson na ponjaga'an. Po una'i mian anu monjaga. Potouka na mian anu montumbuhi!” Tumpu momposidamo apaa na anu tinanga'an-Nyomo obau hi aha mian nu Babel.

PO'ULE' INGULIT 2:35

Potuu'on nu aha ingalantomo ka' to kota-kota'nyo ingagoantomo.

PO'ULE' INGULIT 20:14

Panyo belemiu timbali mongala to bou-boune, to ana-anak, potuu'on ka' maumo apaa na anu daagi' i kota aijo'. Iwi-iwi' na halata' nu sampobali' miu aijo' timbali opake nu belemiu. Tumpu Allah nu belemiu nombee'mo aijo' hi belemiu.

PO'ULE' INGULIT 3:2

Panyo Tumpu notataemo hi belengku, ‘Boli mabuhuk Musa hi ia. Ku bee'mo na ia, suludadunyo ka' songko-songko na da'erahnyo hi belemiu. Bau na ia susumo anu pinombaumo nu belemiu Sihon, tomundo nu aha Amori anu nompalentah Hesybon.’

YOSUA 10:1

I Adoni-Zedek, tomundo nu Yerusalem, nohongomo lele i Yosua nompatundu'mo ka' nongideimo kota Ai, ka' nompateimo tomundo'nyo susumo anu binaunyomo i Yerikho tiba tomundo'nyo. Ia nohongo suele aha mian nu Gibeon nombaumo palajanjian da mobela'mo tiba aha mian nu Israel ka' jinojoongmo hi aha.

YOSUA 10:28

Sinaa aijo' i Yosua nontumbuhimo Makeda, ka' nompatundu'mo kota aijo' tiba tomundo'nyo. Iwi-iwi' na anu jojoong i kota aijo' pinateannyomo; mau pe'e ola samian madi' pinotumuu'. Pinombau i Yosua tomundo nu Makeda sumomo ia nombau tomundo nu Yerikho.

YOSUA 11:14

Iwi-iwi' na mian anu jojoong i kota haha aijo' pinateanmo; mau pe'e ola samian madi'mo daagi' ko anu pinotumuu'. Panyo iwi-iwi' na balangnyo anu mahan na olinyo ka' potuu'on nu aha ingalamo nu aha mian Israel tinimbalimo aha na tumpunyo.

YOSUA 6:21

Iwi-iwi' na anu i kota aijo', mian anu motu'amo kabai mian anu daagi' anak, boune kabai mo'ane pinahantabasakonmo nu bajak sahingga natemo. Iwi-iwi' na potu'on sapi', domba ka' suele keledai pinateanmo.

YOSUA 8:12

Konjoo'nyo kila-kila 5.000 na mian anu pinokaunyomo natisuluk i sasu kinsoban kota aijo' olotnyo nu Ai ka' Betel.

YOSUA 8:14

Salatan i tomundo Ai nontoamo suludadu anu monsangalui i Yosua, ia sampamo lia-lia' nogogia'. Ia ka' iwi-iwi' na mian nosabatmo ka' nambamo i bangka'nyo nu Yordan da montumbuhimo aha mian nu Israel i tampat anu u'utu mae. Ia madi' monsumbu' saba' gagana' uuka ia otumbuhimo lengkat mae i hiku nu kota.

YOSUA 8:19

Salatan tinangkakonmo i Yosua na limanyo, suludadu anu natisuluk aijo' sampamo lako' nontumbuhi kota aijo', lantas pinatundu'mo nu aha. Ka' balomo pinapuan nu aha na kota aijo'.

YOSUA 8:24

Noko lapas na gombuan nu aha suludadu Israel nompatei ingko-ingkot suludadu nu sampobali' anu nololoi' aha i padang mateges, ninsusule'mo na aha nokiijo' i Ai, ka' nompatei iwi-iwi' na mian anu kiijo' mae.

YOSUA 8:3

Sahingga i Yosua nompotoukamo mamba i Ai hingga-hinggat tiba suludadunyo iwi-iwi'. Ia nompile'imo 30.000 na suludadu anu makolit na mahampate, lantas nonsaimo aha mamba pihi-pihi,

YOSUA 8:7

Ikiijo'je na tempo'nyo belemiu tionyo ahi' mosabatmo mae i paninsulukan nu belemiu, ka' otumbuhimo sampe kota aijo' ohungku'imo. Tumpu Allah nu belemiu mombee'mo hi belemiu.

YOSUA 8:8

De opoko hungku'imo papuimo na kota aijo', susumo anu pinalentahkonmo nu Tumpu. Sumo aijo' na beleyum mombau.”

YOSUA 8:9

Lapas aijo' i Yosua nonsaimo aha ka' aha nambamo natisuluk i sasu kinsoban nu Ai olotnyo nu Ai ka' Betel, lantas nompopea'mo ikiijo'. Panyo i Yosua daagi' nale i kemah nu aha mian Israel.

YOSUA 9:3

Panyo aha mian nu Gibeon anu nolengkat mae i bansa Hewi nohongomo apaa na anu binaumo i Yosua kiijo' mae i Yerikho tiba Ai.