YOSUA 8:15 - KITAB NU TUMPU ALLA LELE MA'IMAI'

¹⁵ I Yosua ka' suludadunyo anu monsangalui ia nombaumo susumo au'aitu aha tolosule'mo; aha nalaimo namba i da'erah anu padangnyo mateges hondo.

YOSUA 8:15 ပူးပေါင်းရင်းမြစ်များ

YOSUA 15:61

I da'erah nu padang bola, daagi' ko kota'nyo anom tibamo kampu-kampung anu kiijo' i daerahnyo; Bet-Araba, Midin, Sekhakha, Nibson, Kota Garam, ka' En-Gedi.

YOSUA 16:1

Potempasan nu tano' anu binee'mo bau bagi nu lee' i Yusuf, otampu'uni lengkat mae i Kaunyo nu Yordan koko Yerikho sasu kabete'an anu ko matanyo nu uee kiijo' i Yerikho toka-toka mokiijo' i bone' anu ewa na tampatnyo sumomo padang. Lengkat mae i Yerikho, potempasannyo aijo' mokiita'mo toka-toka i Betel i da'erah nu bungkutnyo.

YOSUA 18:12

I sasu utara potempasan nu tano' nu aha, otampu'uni lengkat mae i Kaunyo nu Yordan, lantas mokiita'mo i sohipi' nu bungkutnyo sasu utara Yerikho, lapas aijo' mompanjolongimo sasu kinsoban motulu da'erah anu ko bungkutnyo kojo'onnyo toka-toka i da'erah nu padang bolaa Bet-Awen.

YOSUA 8:14

Salatan i tomundo Ai nontoamo suludadu anu monsangalui i Yosua, ia sampamo lia-lia' nogogia'. Ia ka' iwi-iwi' na mian nosabatmo ka' nambamo i bangka'nyo nu Yordan da montumbuhimo aha mian nu Israel i tampat anu u'utu mae. Ia madi' monsumbu' saba' gagana' uuka ia otumbuhimo lengkat mae i hiku nu kota.

TO MIA-MIAN KOPIAN 20:36

Atina'je ka' mian nu Benyamin nonsumbu' taalu' aha nahungku'mo. Suludadu nu Israel anu pinile'anmo nontotonggolakonmo nopalai nompala'i aha mian nu Benyamin kalana aha nontaha'imanimo suludadu nu aha i tampat pinaninsulukan kiijo' mae i Gibea.

TO MIA-MIAN KOPIAN 20:42

Jadi aha nalaimo nompala'i mian nu Israel nambamo i da'erah padang anu mapeges, panyo aha madi' noko ala nopalai. Aha nati'una'mo i totonga' tinikubanmo nu suludadu anu pinile'anmo nu Israel tiba suludadu sangga'at anu tempo'nyo aijo' tinokamo mae lengkat i kota. Mian nu Benyamin nonta'upmo hondo kasansala'an kalana nahungku'mo.