YOSUA 8:14 - KITAB NU TUMPU ALLA LELE MA'IMAI'

¹⁴ Salatan i tomundo Ai nontoamo suludadu anu monsangalui i Yosua, ia sampamo lia-lia' nogogia'. Ia ka' iwi-iwi' na mian nosabatmo ka' nambamo i bangka'nyo nu Yordan da montumbuhimo aha mian nu Israel i tampat anu u'utu mae. Ia madi' monsumbu' saba' gagana' uuka ia otumbuhimo lengkat mae i hiku nu kota.

YOSUA 8:14 ပူးပေါင်းရင်းမြစ်များ

ANU MOMPOLELE POTATAE NU TUMPU 9:12

Mian madi' monsumbu' pa' hipian na tempo'nyo toka mae. Susumo tomonsi' nu konamo nu so'o ka' mule' ikan nu konamo nu buani'. Sumo aitumo na manusia de nu tokaimo mae nu balaa' isa'angu' na tempo anu madi' sinangka-sangka.

YESAYA 19:11

Memang pikok ahi' na to pola-polaya' nu kota' Zoan! Aha mian nu Mesir anu pande hondo nombee'imo pokinde' anu madi' totu'u! Baani hondo na aha motatae hi tomundo' tukoonyo aha lee' mae nu to tomu-tomundo' tempo'nyo nai puan mae!

YESAYA 19:13

Aha to pola-polaya' nu Zoan tiba Memfis singkap to mia-mian anu pikok. Aha na misa' ahi' to pola-polaya', panyo ola mule' ahi' momposala' jalan nu aha bansanyo.

DANIEL 4:31

Aku ma'isa pe'e pinupus na notatae, nohongomo potatae lengkat mae aita' i langit, “O, Tomundo' Nebukadnezar potombihing mae na uuka! Kakuasa'an nu belento salaku tomundo' po ule'mo ingala atina' hi belento.

MATIUS 24:39

Tempo'nyo iyaba' aijo' noleetabi aha iwi-iwi', atina'je ka' aha nonsumbu' apaa na anu tinimbali. Sumo aitumo suele na lupanyo saidi' mae de Anak nu Mian tokamo.

MATIUS 24:50

Lapas aitu tuannyo ninsusule'mo mae i sinaa ka' jam anu madi' sinangka-sangka.

PO'ULE' INGULIT 1:1

Kitab aiya isinyo potatae anu pinotoi i Musa toka hi bansa Israel tempo'nyo aha kijo i padang bola i bangka'nyo nu Yordan. Bangka, nyo aijo ikijo sasu kabetean kaunyo nu Yordan. Bangka'nyo aijo ikijo sasu kabeteau kaunyo nu Yordan ohani kota Suf olot nu kota Paran ka'kota-kota Tofel, Labau, Hazerot ka Di-Zahabab.

YOSUA 8:13

Jadi pinongatun suludadu anu montumbuhi aijo' binau sumo uuka: gombuan nu suludadu anu otaha'imani hondo pino'una' i sasu utara kota aijo' ka' gombuannyo sangga'at pino'una' i sasu kinsoban lantas i Yosua namba i bangka'nyo pihi-pihimo aitu.

YOSUA 8:15

I Yosua ka' suludadunyo anu monsangalui ia nombaumo susumo au'aitu aha tolosule'mo; aha nalaimo namba i da'erah anu padangnyo mateges hondo.

YOSUA 8:16

Iwi-iwi' na to momo'ane i kota Ai pinalentahmo da mololoi' i Yosua ka' suludadunyo aijo'. Panyo aha salolo-loloi'nyo i Yosua, ola ahi' mompaka pajo'on mo na aha i kota nu aha.

YOSUA 8:5

Aku ka' suludadu anu monsangalui aku na mongohanije kota aijo'. De aha mian nu Ai mosabatmo mae mongewa kami, kami tolosule'mo ka' mopalai susumo u'utu mae.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

TO MIA-MIAN KOPIAN 20:37

Mian haha aijo' anu natisuluk lia-lia' sampamo nontumbuhi Gibea; aha nobagi-bagimo nompinsoopi kota ka' nompatei mian iwi-iwi' ikiijo'.