YOSUA 8:10 - KITAB NU TUMPU ALLA LELE MA'IMAI'

¹⁰ Daagi' subu-subu hondo i Yosua nobulamo ka' nompalentahmo suludadunyo da sihukmo mae. Lapas aijo' ia ka' to pola-polaya' nu aha mian Israel nomboamo suludadu haha aijo' namba i Ai.

YOSUA 8:10 ပူးပေါင်းရင်းမြစ်များ

KAJADIAN 22:3

Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia.

MAZMUR 119:60

Ku lia-lia'imo ka' madi'mo montanda'i na mompojalan palentah nu Belento.

YOSUA 3:1

Dodododopnyo, i Yosua ka' iwi-iwi' na mian nu aha Israel daagi' subu-subu hondo aha nobulamo, lantas nompala'imo tampat pinombauan nu aha kemah kiijo' i Sitim, ka' nambamo nokiijo' i Kaunyo nu Yordan. Tinoka ikiijo' aha nombaumo kemah polalanuan hipian na motaap.

YOSUA 6:12

Dodododopnyo subu-subu hondo, i Yosua nobulamo lantas ko pinduannyomo na to ima-imam ka' suludadu nojiji ka' ilumajang montikubi kota aijo' susumo anu binaumo momona; anu namba momonanyo aha anu ko toongon bau pahampate lapas aijo' aha popitu' na imam anu mompuhi tolompet, lapas aijo' atina'je mae na to ima-imam anu molemban Peti' Palajanjian ka' anu imihinyo mae atina'je ka' anu ko toongon bau pahampate. Hau-haunyo aijo' tolompet saja'mo o puhi.

YOSUA 7:16

Dodododopnyo subu-subu hondo, i Yosua nompokaumo aha mian nu Israel toka mae toto sa'angu' na tulunan nu bansa. Jadi kinona hi tulunan nu bansa Yehuda.

YOSUA 8:11

Suludadu haha aijo' tiba i Yosua i lumajang nompatui sabatan daka' kota Ai, lantas binakemahmo i sasu utara, ikiijo' daagi' ko bangka'nyo mongoloti aha tiba kota aijo'.

YOSUA 8:9

Lapas aijo' i Yosua nonsaimo aha ka' aha nambamo natisuluk i sasu kinsoban nu Ai olotnyo nu Ai ka' Betel, lantas nompopea'mo ikiijo'. Panyo i Yosua daagi' nale i kemah nu aha mian Israel.