YOSUA 8:1 - KITAB NU TUMPU ALLA LELE MA'IMAI'

¹ Tumpu notataemo hi Yosua, “Posihuk mae na suludadu nu beleyum iwi-iwi', ka' lako'mo tiba aha mamba i Ai. Boli hente na kinyonyoa ka' boli mabuhuk! Ku bee'mo hi belemiu na tomundo nu Ai, kalana opatundu'mo nu belemiu na aha. Layatnyo, kota'nyo, lipu' nu aha opatundu'mo nu belemiu.

YOSUA 8:1 ပူးပေါင်းရင်းမြစ်များ

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 46:11

Ia notatae, “Belentimo na mahampate; da osumbu' saba, Akumo aiya na Tumpu, Aku talasanggo madi' pokakana bansa-bansa, talasanggo isongko-songko na dunia.”

YESAYA 12:2

Memang totu'u Tumpu aijo' anu Momposalamat aku, aku palesayamo hi Ia. Aku madi'mo mabuhuk, kalana Ia nompohosonmo mae aku. Anu momposalamat aku aijo'mo Tumpu, aku manyanyimo nyanyian bau pontalima kaseh hi Ia.

YESAYA 43:2

De beleyum motapmo i uee, Aku na monsangalui beleyum, beleyum madi' mule' molomos i uno nu kasansala'an-kasansala'an nu beleyum. De motulu i apu, beleyum madi' mule' motoyo', palasoba'an anu toto daka-daka' madi' mule' monsilakai beleyum.

YEREMIA 46:27

“O mian nu Israel anu palesayamo hi beleng-Ku, boli mabuhuk! Posaihon-Ku i Yakub boli langkakatan! Belemiu tiba lee' nu belemiu Ku posalamatmo lengkat mae ilipu' anu majo'on, tampat pinomboan belemiu. Belemiu minsusule'mo ka' jojoongmo ilipu' nu belemiu ka' madi'mo ko anu mompoposia. Belemiu tumuu'mo ma'ima'; madi'mo daagi' ko anu okabuhuk nu belemiu.

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 4:25

Belento Tuanku olaa'mo nu mian da'isan ka' tumuu'mo tiba to bina-binatang i padang. Kopinnyo popitu' na taun na belento Tuanku mongkaanmo hemput susumo sapi' ka' hoyotmo i tano' anu madi' ko atopnyo nu humpisimo nu dondu'ok. Lapas aijo' o akuimo nu belento na Tumpu Allah Anu Matangkas na Kuasanyo i kalaja'an nu manusia ka' kalaja'an aijo' Ia na mombee' hihe na anu pinile'an-Nyomo.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

MATIUS 8:26

“Kadaka' komiu mabuhuk?” Tukoonyo i Yesus. “Komiu madi' talalo palesaya hi belengku!” Lapas aijo' i Yesus tinuminjo ka' nonsegai mombun tiba dowiwi aijo'. Lantas dowiwi aijo' nolinomo hondo.

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 31:8

Tumpu na momboa ka' montulungi beleyum. Ia madi' ola mompojohok belemiu sahingga belemiu mompele-pele'mo kabai mompala'i beleyum. Kalana aijo' boli mabuhuk kabai bata-bata.”

PO'ULE' INGULIT 7:18

Panyo boli okabuhuk na aha; o' inau' apaa na anu binaumo nu Tumpu Allah nu belemiu hi tomundo nu Mesir ka' hi iwi-iwi' na layatnyo.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 10:7

Lantas i Yosua ka' suludadunyo iwi-iwi' tiba gombuan nu suludadunyo anu pande mahampate, nambamo lengkat mae i Gilgal da mambamo mahampate.

YOSUA 10:8

Tumpu notataemo hi Yosua, “Boli mabuhuk hi aha. Ka'untungan mahampate Ku bee'mo hi belemiu, kalana aijo' samian pe'e na aha madi' moko ala totahan mongewa belemiu.”

YOSUA 2:24

Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 6:2

Tumpu notataemo hi Yosua, “Uuka aiya Ku bee'mo hi beleyum na Yerikho tiba tomundo'nyo ka' suludadunyo iwi-iwi' anu singkaap baani aijo'.

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”