YOSUA 7:7 - KITAB NU TUMPU ALLA LELE MA'IMAI'

⁷ I Yosua notataemo hi Tumpu, “O Tumpu Allah Tumpungku! Te mosia na tanga'an nu belento nomboa mae kami tinoka mae i santoa nu Yordan aiya? Pa' obee'mo na kami hi aha mian nu Amori? Da kami matemo? Sahanyo kami jinojoongmo kiijo' mae, i santoa nu Yordan!

YOSUA 7:7 ပူးပေါင်းရင်းမြစ်များ

2 TOMU-TOMUNDO' 3:10

“Silakamo na kita!” na koonyo i Tomundo' Yoram. “Kita totolu' aiya ingusahakonmo nu Tumpu da obee'mo hi Tomundo' Moab!”

MAZMUR 116:11

De aku bingungmo aku motataemo, “Madi'mo ko samiannyo na timbali opalesaya.”

NOSABATMO 16:3

Aha notataemo, “Sahanyo kami pinateanmo nu Tumpu i Mesir. Ikiijo' mae kami daagi' moko ala sumuhang mongkaan ponoha' ka' roti sampe mobosu. Panyo belemiu nomboamo mae kami no'uuka da kami iwi-iwi' matemo nu ohop.”

NOSABATMO 17:3

Panyo mian haha aijo' talalomo hondo negot sahingga aha saja'mo nososon hi Musa. Koonyo nu aha, “Kadaka' binoamo mae nu beleyum na kami nosabat lengkat mae i Mesir? Sahingga kami, to ana-anak mami ka' potuu'on mami i natemo nu megot?”

NOMBILANGMO 14:16

Belento nompateimo mian anu pinalesayamo hi Belento i padang bolaa kalana Belento madi'mo moko ala momboa aha i lipu' anu jinanji'mo nu Belento.

NOMBILANGMO 14:3

Bau apaa na Tumpu momboa kita i lipu' aijo'? Mateje na kita i pahampatean ka' to bengke-bengkele' to, to ana-anakto nuboamo nu aha. Sahanyo lebe ma'ima' minsusule'mo i Mesir!”

MATIUS 17:17

I Yesus nontaami, “Palias na komiu aiya! Komiu totu-totu'u to mia-mian anu palangues ka' madi' palesaya. Piangkuka na kopinnyo na Aku tionyo jojoong tiba komiu ka' monsabaanakon komiu? Boamae na anak aijo'!”

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

IBRANI 12:5

Ka' boli mongkolilimi pokinde' nu Tumpu aiya, anu binee'mo hi beleyum salaku to ana-anak-Nyo: “Anak-Ku, o intomakon ima-ima' na pangajalan nu Tumpu, ka' boli ise-ise' na kinyonyoa de Ia montambuha'imo beleyum.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

YOSUA 7:8

O Tumpu! Sampobali' nohungku'imo ka' ninsusule'mo mae na aha mian nu Israel. Uuka aiya apaa na anu tionyo ahi' ku taloakon!

1 SAMUEL 4:3

Salatan tuha' nu suludadu anu nahungku'mo ninsusule'mo i kemah nu aha, to pola-polaya' nu aha Israel notataemo, “Kadaka' Tumpu nompojohokmo kita da ihungku'anmo nu mian Filistin sinaa aiya? Imbo' da mamba o'alanto na Peti' Palajanjian nu Tumpu kiijo' mae i Silo, da oboantomo mae da nu tulungi nu Tumpu na kita ka' oposalamatmo na kita madi'mo nupatei nu sampo bali'.”