YOSUA 7:26 - KITAB NU TUMPU ALLA LELE MA'IMAI'

²⁶ Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.

YOSUA 7:26 ပူးပေါင်းရင်းမြစ်များ

2 SAMUEL 18:17

Lapas aijo' bangke i Absalom ihangkatmo ka' tinuamo i uno nu bubung anu maleeng kiijo' i alas. Bubung aijo' tinabuhanmo nu aha nu batu sampe na bungkut. Iwi-iwi' na gombuan nu suludadu nu aha Israel nopalaimo namba ilaigan nu aha toto samian.

2 SAMUEL 21:14

Lapas aijo' buku i Saul tiba i Yonatan haha aijo' tiba bukunyo nu aha popi-popitu' haha aijo' ilamunmo i pinolamunan i Kish tuuma i Saul kiijo' i Zela i da'erah nu aha Benyamin. Salatan iwi-iwi' pinokobaumo susumo koonyo nu palentah i tomundo' Tumpu Allah nontalimamo do'a nu aha, nondo'akon lipu' aijo'.

2 TAWARIKH 29:10

Uuka aiya aku kahanda'mo mombau palajanjian tiba Tumpu, Tumpu Allah nu Israel, da Ia madi'mo montambuha'i kita.

EZRA 10:14

De timbali da to pola-polaya mami na jojoong pe'e i Yerusalem mongulus palakala aijo'. Lantas toto samian anu jojoong kota' mami, anu ko bengkele'nyo bansa nu aha salipu'an, atina' na toka mae i sa'angu' na tempo' anu otantukan, tiba to pola-polaya' nu aha, ka' to mia-mian kopian nu aha i kota' nu aha toto samian.

MAZMUR 85:4

Aha madi'mo tinambuha'an nu Belento; tambuha' nu Belento anu taha-tahahumo po'ule'mo ingampunan nu Belento.

NOSABATMO 32:12

De Belento monsilakaimo aha nutaloakonmo nu mian Mesir tukoonyo nu aha belento nolaya' mae bansa aijo' nosabat nolengkat mae i Mesir da opatei na aha i bungkutnyo ka' monsilakai aha iwi-iwi'. Boli sumo aijo'.

YESAYA 40:2

Potenangmo nakinyonyoa nu aha Yerusalem, poto'i taalu' tobotuanan imadi'anmo. Kasala'an nu aha ingampunan-Kumo, iwi-iwi na dosa nu aha ihukum-Kumo lipat pinduan.”

YESAYA 65:10

Mian anu palesayamo hi beleng-Ku monsombahmo Aku; domba ka' sapi' nu aha mongototmo hemput i Hatanyo nu Saron ka' i Bangka'nyo nu Akhor.

MOHAANGI 3:53

I uno nu bubung anu madi'mo ko ueenyo na aha nongalin aku, titu-tituu' lantas nontabuhimo aku nu batu.

HOSEA 2:15

Iwi-iwi' na ale' nu anggurnyo Ku sule'akonje hi ia, ka' Bangka'nyo nu Kasusa'an Ku pojadimo tumban anu otaha'imani. Ikiijo' mae ia montalimamo Aku susumo tempo'nyo daagi' olitau, tempo'nyo ia sala'je no sabat mae lengkat i Mesir.

HOSEA 2:17

Aku madi'mo daagi' mompobee' ia molaga sanggo nu Baal sahingga mian mongkolilimimo sanggo aijo'.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

YOËL 2:18

Lantas Tumpu nompalahatikanmo tano'-Nyo ka' nongkalibosimo mian-Nyo anu palesayamo.

YUNUS 1:15

Lantas aha nolumbu'akonmo i Yunus nokaiyong i ambai. Sahingga antong aijo' madi'mo nakansang.

ZAKHARIA 6:8

Lapas aijo' malaekat aijo' notataemo mae daka-daka' hi belengku, “Ajahan anu namba i Babel aijo' nombali'imo tambuha' nu Tumpu da madi'mo notambuha'.”

NOMBILANGMO 25:8

lantas tinumputnyomo na mo'ane ka' boune aijo' i uno nu kemah. Ua-ua'aha na mian aijo' binunu'nyomo nu talombo' aijo' sahingga madi'mo daagi' kino balaa' anu jinadi i Israel.

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

PO'ULE' INGULIT 13:18

asan belemiu montuluti totu-totu'u iwi-iwi' na palentah-Nyo anu pinotokakonkumo hi belemiu sinaa aiya, ka' mombau iwi-iwi' apaa na anu Nu ka'ima'i.”

YOSUA 10:27

Salatan batu nu sinaa nakakinsapmo, pinalentahmo i Yosua da bangke' haha aijo' otau'akonmo, lantas otuamo i liang anu uuka mae pinatisulukan nu tomundo haha aijo'. Lapas mae batu anu toto daka-daka' haha aijo' opaha tuamo i sabatan nu liang aijo'. Sampe tempo' uuka aiya batu haha aijo' daagi' ikiijo'.

YOSUA 7:24

Lapas aijo' i Yosua tiba iwi-iwi' aha mian nu Israel nohakopmo i Akhan, ka' nomboa i Bangka'nyo Kasusa'an tiba iwi-iwi' na to anak-anaknyo, potu'onnyo sapi', keledai, domba, kemah ka' iwi-iwi' na anunyo tiba salaka, jubah ka' mosoni' anu tinomangnyo.

YOSUA 8:29

Tomundo nu kota aijo' sinegot ka' pinokalayo'mo i kau' anu pinototon ka' pinojohokmo ikiijo' sampe mamalom. Salatan sinaa nakakinsapmo, i Yosua nompokaumo mian da mongala bangke'nyo aijo' ka' ingalinmo i ahop nu sabatan daka' nu kota. Lapas mae aijo' tinambulanmo nu batu manjo-manjoo' hondo. Batu haha aijo' daagi' kiijo' sampe tempo' uuka aiya.