YOSUA 7:21 - KITAB NU TUMPU ALLA LELE MA'IMAI'

²¹ To bala-balang anu ihumpakto nahampate, sala'sa'angu' tinoangku jubah anu ma'ima' hondo, anu kina'ut nu aha Babilonia, ka' suele salaka ku gantang ohua' na kilogram ka' sangkolong na mosoni' mintonga' na kilogram ko labinyo sangkiding. Kinamiluankumo hondo na balang haha aijo', sahingga ingalangkumo ka' pinosulukumo i uno nu tano' kiijo' i kemah-ku; salaka kaiyong i aluknyo hondo-hondo.”

YOSUA 7:21 ပူးပေါင်းရင်းမြစ်များ

KAJADIAN 10:10

Momona kalaja'annyo monsongkohi Babel, Erekh ka' Akad, toto-totolu' aijo' i tano' Babilonia.

KAJADIAN 3:6

Tinoa nu boune aijo' na pu'un nu kau' aijo' taalu' ma'ima' ka' bua'nyo tinoanyo ma'ima' na okaan. Ka' ia binapikinmo mosia na ko ima'nyo de ia timbalimo pande. Kalana aijo tinipunyomo na bua' nu kau' aijo' ka' kinaannyo, ka' suele binee'annyomo na langkai'nyo ka' suele nongkaanmo.

KAJADIAN 34:27

Noko lapas na nompatei, to ana-anak i Yakub sangga'at nompahuhuimo kota aijo' salaku pombalosi nu aha kalana utus ise' nu aha binusikanmo na sanggonyo.

KAJADIAN 6:2

to mala-malaekat nontoamo langkoyang haha aijo' to handa-handa. Lantas aha nongosoaimo langkoyang haha aijo' iya na anu nuka'ima'i nu aha.

2 SAMUEL 11:2

Daagi kino sansinaan mamalommo salatan i Daud nobulamo lengkat i hoyot ia ihoyot ia kinolalajangmo aita mae iloteng nu laigan nu tomundo' anu kakajojoongannyo aijo'. Ikiita' ia nontoamo samian na boune hau-haunyo mindii' ka' mule' boune aijo' handa hondo.

2 TOMU-TOMUNDO' 7:8

Aha opa-opat anu ko panyakit kilit aijo' tinokamo i sohipi' nu kemah nu aha aijo' ka' ninsoopmo i sa'angu' na kemah. Aha nongkaanmo ka' nonginummo i kiijo' ka' nongalamo mosoni', salaka ka' to baju-baju' lantas nambamo pinosuluk nu aha. Lapas aijo' aha po'ule' mule' ninsusule' mae ka' nompinsoopi kemah sangga'at, lantas nombaumo mule' susumo anu binaumo nu aha.

AYUB 31:1

Sinumpa'kumo na palajanjianku madi'mo ko napisu na aku montoa to lalangkoyang.

MAZMUR 119:37

Jagai mae na aku da boli ola mololoi' anu madi' ko kaliangannyo, bee'i mae kantumuu'an na aku susumo anu Nu kahanda'i.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

AMSAL 1:19

Memang mian anu molio anu okaan panyo olio nu kalakuan lewa' pagala mompakisa, posi nyawanyo je na bau pombayannyo.

AMSAL 23:31

Bolimo mompojohok anggur monggoda beleyum, maumo otoa talalo ma'ima' ka' jongkilaban i uno nu galas moili minsoop ma'ima' hondo' i unonu gogohong.

AMSAL 28:22

Mian anu mangoa mongka'oho' da malia' kaya; madi' nusumbu' saba' kasiasi malia'mo montokai ia.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

YESAYA 28:15

Belemiu notatae tukoonyo nu belemiu, belemiu nombaumo palajanjian tiba kapatean ka' mule' nombaumo palasitujuan tiba dunia nu mian anu sinilakamo. Pinastikanmo nu belemiu na balaa' anu saidi' mae toka madi' koko mongkona butong nu belemiu, kalana belemiu nompakemo kapandean anu timbali monjagai butong nu belemiu.

YESAYA 29:15

Silakamo na mian anu bala'usaha momposuluk tanga'annyo anu nolengkat mae hi Tumpu! Aha balabuat aijo' hoko-hokot ka' monsangka tukoonyo madi' ko samian anu montoa kabai monsumbu' apaa na anu binaumo nu aha.

HABAKUK 2:9

Kinutukan na beleyum! Beleyum nompokayamo auan nu beleyum nu kauntungan anu i humpak nu beleyum kalana nompakisamo, da laigan nu beleyum amanmo ka' madi'mo ko kasusa'an ka' mule' balaa' anu montokai mae.

LUKAS 12:15

Lapas aijo', kona hi mian iwi-iwi' anu daagi' i kiijo', i Yesus notatae, “Obala'ingati ka' bajaga-jaga, boli sampe komiu mangoa. Kalana kantumuu'an nu mian madi' ola taha'iman i kakaya'annyo mau mule' halata'nyo molabi-labi.”

LUKAS 12:2

Madi' ko anu sulu-suluk na anu madi' kantoan, ka' madi' ko anu opohowini na anu madi' oponyata.

EFESUS 5:3

Komiu te mian anu palesayamo hi Tumpu. Mokonyo aijo' han masala' ka' anu ma'idek ka' madi' mingkona, kabai mule' mangoa anu madi' pantas hi komiu. Boli sampe mian sangga'at ko pikilan montaloakon tukoonyo komiu mombau hahan anu sumo aijo'.

EFESUS 5:5

Palahatikan ima-ima': mian anu ko gau' masala' kabai anu madi' mingkona, kabai mangoa, (kalakuan sumo aijo' sumomo monsombah pilogot), mian aijo' madi' timbali minsoop mian anu palesayamo, anu nu palentah i Kristus ka' Tumpu.

PO'ULE' INGULIT 7:25

Opapui na to pato-patong nu pilogot anu nusombah nu aha. Boli mongkamilui salaka kabai mosoni' anu kona-kona hi aha ka' boli mongala bau kapalaluan nu posi butong miu. De olanggai miu na palentah aijo' belemiu suele silakamo, kalana Tumpu Allah nu belemiu mongka'ideki de monsombah patong nu pilogot.

KOLOSE 3:5

Mokonyo aijo' bolimo monginde'i hahan anu nu kamilui nu dunia anu mompigalapi butong miu, sumo masala', hahan anu madi' pantas, napisu nu kinyonyoa, mongkamilui anu ma'idek, ka' mangaluk, (kalana mangaluk sumomo palesaya hi pilogot).

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YAKOBUS 1:15

Ka' mule', de tanga'annyo anu ma'idek aijo' obatuki, atina'je ka' toka na dosa'; ka' de dosa' tahahumo ka'ahenannyo aijo'mo na kapatean.

YOSUA 7:20

“Totu'u,” na koonyo i Akhan, “Aku nombaumo dosa' hi Tumpu, Tumpu Allah nu Israel. Aiya na anu binaungkumo:

YOSUA 7:22

Lantas i Yosua nonsaimo mian lia-lia' namba i kemah i Akhan. Totu-totu'u balang haha aijo' anu madi' timbali o ala, iwi-iwi' daagi' ikiijo', pinosuluk i uno nu tano' ka' salakanyo kaiyong mae i aluknyo hondo-hondo.

2 PETRUS 2:15

Kalana aha madi' mongka'oho' montuluti jalan anu hodi', sahingga aha tinalasmo. Aha nongalamo jalan anu tinuus i Bileam, anak i Beor naipuan mae. I Bileam aiya mongka'ima'i hondo da mohumpak doi i palabuatannyo anu ma'idek.