YOSUA 7:2 - KITAB NU TUMPU ALLA LELE MA'IMAI'

² Tempo'nyo aitu i Yosua nompokaumo tinopia-piangkuka na mian lengkat mae i Yerikho namba i Ai, sa'angu' na kota sasu kabete'an Betel, koko Bet-Awen. Mian haha aijo' binee'anmo palentah da mamba mompalesa pa' mosia na balu-balu'nyo na da'erah aijo'. Salatan aha noko pojalanmo palentah aijo',

YOSUA 7:2 ပူးပေါင်းရင်းမြစ်များ

KAJADIAN 12:8

Lapas aijo' ia nambamo i sasu selatan, mokiijo' i da'erah anu mabungkut i sasu kabete'an kota nu Betel, ka' nombaumo kemah i olot nu Betel ka' Ai: Betel i sasu kinsoban ka' Ai i sasu kabete'an. Ka' suele mule' ikiijo' ia nompotinjomo mezbah ka' nonsombahmo Tumpu.

KAJADIAN 28:19

Tampat aijo' sinanggohannyomo Betel. (Naipuan mae sanggonyo Lus.)

1 TOMU-TOMUNDO' 12:29

Lantas pino'una'mo i Yerobeam na sa'angu' na sapi' mosoni' aijo' i Betel ka' sangga'at i Dan.

NEHEMIA 11:31

Daagi mule' tino pia-piangkuka na tulunan mae nu bansa Benyamin jojoong i Geba, Mikhmas, Ai, Betel ka' kampung toto ise-ise' anu mompaha ohani,

AMSAL 20:18

Tanga'an ko hasinnyo kalana pinopikilakon mo; kalana aijo' boli pe'e mombau apa-apaa de madi' opopikilakon pe'e ma'i-ma'ima'.

AMSAL 24:6

Kalana ma'ise pe'e mahampate tionyo ahi' ko tanga'anmo momona, anu matantu, ka' lebe manjoo' na anu mompokinde'i, lebe daka' mule' na halapan ka'untungan de mahampate anu o'ima-imani.

YESAYA 10:28

Suludadu nu aha Asyur nompatundu'mo kota' Ayat. Aha noliu-liumo Migron! Posadia'on anu nu kaan nu aha pinala'ianmo nu aha i Mikhmas!

YEREMIA 49:3

O, mian nu Hesybon, haangmo kalana kota' Ai ihansunmo! O, to bou-boune kota' nu Raba pohangimo! Pompusokmo hude kalung salaku tanda sinusa'mo. Paha popadeka'anmo mokiijo' mae ka' mo uuka mae kalana biningongmo. Milkom pilogot nu belemiu oboamo itampat pomboan tiba to ima-imam ka' mule' to mia-mian anu kopangkatnyo ipamalentahan!

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

EFESUS 5:15

Mokonyo aijo', opokopiani ima-ima' na gau' nu kantumuu'an miu. Boli tumuu' sumo to mia-mian ponga'; tumuu'mo sumo to mia-mian anu pande.

YOSUA 12:9

To tomu-tomundo anu pinatundu'mo, iwi-iwi' konjoo'nyo aha tolumpulu' ka' sa'angu' na mian; aijo'mo to tomu-tomundo anu i kota haha aiya: Yerikho, Ai (koko Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek. Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (kiijo' i Karmel), Dor (i sonibi nu ambai), (kiijo' i Galilea) ka' Tirza.

YOSUA 18:12

I sasu utara potempasan nu tano' nu aha, otampu'uni lengkat mae i Kaunyo nu Yordan, lantas mokiita'mo i sohipi' nu bungkutnyo sasu utara Yerikho, lapas aijo' mompanjolongimo sasu kinsoban motulu da'erah anu ko bungkutnyo kojo'onnyo toka-toka i da'erah nu padang bolaa Bet-Awen.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 7:3

aha ninsusule'mo mae ka' nompoto'imo hi Yosua. Aha notatae, “Madi' pilenje kita mamba iwi-iwi' mompahampateiakon Ai. Ola kila-kila ohua' kabai totolu' na madala na mian na osai. Boli iwi-iwi' na suludadu osaimo mamba mahampate, kalana kota aijo' ise'.”

1 SAMUEL 13:5

Tempo'nyo aijo' aha mian nu Filistin nosa'angu'mo suele kahanda'mo montumbuhi aha mian nu Israel; aha ko kaleta anu bau pahampate 30.000, ka' 6.000 na mian anu monsake'i ajahan, tiba to sulu-suludadu konjoo'nyo sumomo bone' ibiwi nu ambai. Aha binakemahmo i kiijo' i Mikhmas sasu kabete'an Bet-Awen.

1 SAMUEL 14:23

Aha nahampate nontuusakon jalan tinoka-toka noliu-liu Bet-Awen. Tumpu nomposalamatmo Israel sinaa aitu.

1 SAMUEL 30:27

Kota haha aijo', aijo'mo Betel tiba Rama anu i sasu salatan Yehuda, Yatir, Aro'er, Sifmot, Estemoa, Rakhal, ka' suele to kota-kota' nu aha mian Yehrameel, to kota-kota' nu aha mian Keni, Horma, Bor-Asan, Atakh tiba Hebron. Iwi-iwi' na kota' anu toho'mo kinajojoongan i Daud tiba suludadunyo pinahapakatuannyo palasen aijo'.