YOSUA 7:19 - KITAB NU TUMPU ALLA LELE MA'IMAI'

¹⁹ I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”

YOSUA 7:19 ပူးပေါင်းရင်းမြစ်များ

2 TOMU-TOMUNDO' 20:15

“Apaa na kahanda' tinoa nu aha i laigan nu tomundo',” na koonyo i Yesaya mule'. “Iwi-iwi'!” na koonyo i Hizkia. “Madi' ko halata' i uno nu laigan nu tomundo' na madi' pinotoangku hi aha.”

2 TAWARIKH 30:22

To mia-mian nu Lewi haha aijo' pande hondo na mongatun mosia na monsombah Tumpu, sahingga i Hizkia nompuji'mo aha. Salatan pinitunsinaamo na kinopinnyo na aha lewa' nongkaan i lamean aijo' ka' mule' nonsombahkonmo koloban bau pontalima kase hi Tumpu, Tumpu Allah mompolee' nu aha,

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

MAZMUR 51:3

Kalibosiakon mae na aku o Tumpu, kalana Belento tetap mongkalibosi, hapusakon na dosa'ku kalana kalibosan nu Belento anu daka' hondo.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YESAYA 13:12

Mian anu oposalamat ola sangkiding, aha lebemo tomajo'onan samian ka' samian, sahanyomo mosoni' anu madi' kogalo'nyo na dengke na okabot.

YEREMIA 13:16

Tumpu Allah nu belemiu tionyo ahi' opopodaka' nu belemiu ma'isa pe'e Ia mompotoka mae kapintungan, ka' tengke nu belemiu tosumpunmo aita' mae ibungkutnyo, ma'isa pe'e jingka anu nu taha'imani Nu bali'imo timbali kapintungan.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

LUKAS 17:18

Kadaka' ola mian nu santano'an aiya na ninsusule' mae nontalima kase hi Tumpu?”

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

ROMA 10:10

Kalana mian palesaya i kinyonyoanyo, sahingga Tumpu nontalima ia salaku mian anu nompaha ima'mo tiba Tumpu. Ka' mule' tiba nganga'nyo mian mangaku, sahingga ia o posalamat.

2 TIMOTIUS 2:25

Ia madi' ko sega-sega na mongajan mian anu ka'oho' monggagakon; o'amalakon da Tumpu mombee'i kasampatan hi mian haha aijo' da balatobat mombabali'i dosa-dosa' nu aha, ka' monsumbu' pangajalan anu totu'u.

TITUS 2:2

Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

YAKOBUS 1:20

Mian anu motambuha' madi' moko ala mombau anu ma'ima', anu momposanang kinyonyoa nu Tumpu.

YOSUA 7:20

“Totu'u,” na koonyo i Akhan, “Aku nombaumo dosa' hi Tumpu, Tumpu Allah nu Israel. Aiya na anu binaungkumo:

ANU PINOTO'I HI YOHANES 16:9

Mian pinapuanmo nu anu talalo hondo mapanas aijo' sahingga aha nongkutukimo sanggo nu Tumpu, anu mongkuasai balaa' haha aijo'. Mau mule' sumo aitu, aha madi' mongka'oho' da madi'mo lewa' mombau dosa' nu aha, ka' madi'mo mongka'oho' mompuji' katalasanggoan nu Tumpu.

1 SAMUEL 14:43

Lantas notataemo na i Saul hi Yonatan, “Apaa na anu binaumo nu beleyum?” Tinaaman i Yonatan, “Aku nongkaanmo ka' nonginumo sangkiding na juu' nu uani' anu ingalangku sinusukku nu puusnyo nu tokonku; bakasmo da aku silakamo.”

1 SAMUEL 6:5

Jadi belemiu tionyo ahi' mombau anu susumo bisun tiba anu susumo bokoti' anu nompoko idekmo lipu' nu belemiu. Tiba jalan anu sumo aijo' belemiu mongadatimo Tumpu Allah nu aha Israel. Ihe na monsumbu' da Ia madi'mo mohukum mae belemiu. Ka' to pilo-pilogot ka' mule' tano' nu belemiu.