YOSUA 7:11 - KITAB NU TUMPU ALLA LELE MA'IMAI'

¹¹ Mian nu Israel nombaumo dosa'. Pinalentang-Kumo na aha da montuluti totu-totu'u Palajanjian-Ku hi aha, panyo aha madi' nompajuli! To bala-balang anu tionyo ahi' ohopu'i ingalamo nu aha. Tinomangmo nu aha ka' pinosulukmo nu aha i uno nu to bala-balang nu aha da madi' osumbu-sumbu'.

YOSUA 7:11 ပူးပေါင်းရင်းမြစ်များ

2 TOMU-TOMUNDO' 18:12

Samaria pinatundu'mo kalana mian nu Israel madi'mo nontuluti Tumpu, Tumpu Allah nu aha. Aha madi'mo montapali apaa na anu jinanji'mo nu Tumpu hi aha, ka' aha madi'mo nombau apaa na anu pinalentahkonmo i Musa posaihon nu Tumpu aijo' Madi'mo aha mongka'oho' mohongo-hongo ka' madi'mo kahanda' montuluti.

2 TOMU-TOMUNDO' 5:24

Salatan tinokamo i bungkutnyo tampat kajojoongan i Elisa, i Gehazi nongalamo doi'ka' baju' aijo' hi to posa-posaihon i Naaman, lapas aijo' pino'una'nyomo i laigan. Posaihon haha aijo' pinokaunyomo ninsusule',

YESAYA 24:5

Tano' mahumimi'mo kalana nu saduakon nu palabuatan nu mian anu monjojoongi nolanggaimo iwi-iwi na palentah nu Tumpu, nongabali'mo iwi-iwi na anu tinantukannyomo ka' madi'mo nontoongi palajanjian anu binau-Nyomo tiba aha sampe toka sidu-sidutu'.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

HOSEA 6:7

Panyo susumo kiijo' i Adam, belemiu madi'mo nongganapi palajanjian nu belemiu hi beleng-Ku.

IMAMAT 5:15

De daagi' ko mian madi' nontotonggolakon nombaumo dosa' ola kalana tinongkolilimo na nombee' anu tionyo ahi' osombahkon hi Tumpu, saba' mian aijo' tionyo ahi' momboa koloban bau polugi'i. Koloban aijo' tionyo ahi' sa'angu' na domba kabai mee' lakinyo anu madi' ko panyakitnyo ka' olinyo o angga'i susumo angga'nyo anu biasa obau i Kemah nu Tumpu.

HABAKUK 2:6

Panyo iwi-iwi na anu pinatundu'nyomo aijo' saidi' mae lewa'mo monsisik han anu ma'idek ka' mule' lewa'mo mongalu. Aha motatae, “Kinutukan na beleyum kalana montambun balang anu misa' belemiu na tumpunyo! Daagi hipian na kopinnyo na beleyum mompokaya butong nu beleyum anu lewa'mo mompakisa to mia-mian anu kosamaya'nyo hi beleyum da bau pombayan samaya nu aha?”

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

MATIUS 22:21

“Tomundo,” tinaaman nu aha. Saba' i Yesus notatae hi aha, “Desumo aitu, bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.”

SISIKON NU TO RASUL-RASUL 5:9

Lantas i Petrus notatae hi ia, “Kadaka' beleyum ka' langkai'um mosa'angu' monsobai Roh nu Tumpu? Hongo pe'e! To mia-mian anu nolamun langkai'um ninsusule'mo. Aha momboaje suele beleyum mosabat.”

PO'ULE' INGULIT 17:2

De belemiu mohongo daagi' ko sala'sa'angu' na kota nu belemiu daagi' ko mian binaladosa'mo hi Tumpu Allah nu belemiu kalana nolanggaimo palajanjian

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YOSUA 23:16

De belemiu molanggai anu jinanji'mo ka' anu pinalentahkon-Nyomo hi belemiu, nu Tumpu Allah nu belemiu da otuluti, panyo belemiu mambamo monsombah to pilo-pilogot sangga'at ka' montulutimo pilogot haha aijo' nutambuha'imo nu Tumpu ka' mohukumo belemiu. I uno nu tempo' anu madi' pin belemiu iwi-iwi' mohopu'mo i lipu' anu ma'ima' aiya, anu binee'mo nu Tumpu hi belemiu.”

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)

YOSUA 7:10

Tinaaman nu Tumpu na i Yosua, “Pobulamo! Madi' ko kaliangannyo na beleyum tinolodadupu susumo atina'!

TO MIA-MIAN KOPIAN 2:20

Kalana aijo' Tumpu nontambuha'imo hondo mian nu Israel, ka' notatae, “Aku nompalentahmo mompolee' nu bansa aiya da montoongi palajanjian-Ku hi aha. Panyo bansa aijo' nongkakabasakonmo palajanjian aijo'; aha nolanggaimo palentah-ngKu.

1 SAMUEL 14:38

Kalana aijo' notataemo na i Saul hi to pola-polaya' nu aha mian da'isan, “Po uuka mae iwi-iwi' ka' toa pa' apaa na dosa' anu binaumo sinaa uuka.