YOSUA 6:23 - KITAB NU TUMPU ALLA LELE MA'IMAI'

²³ Sahingga ua'aha anu namba nondoyoni aijo' nambamo ka' nosabatakonmo mae i Rahab hingga-hinggat tiba tuuma ka' tinanyo, ka' to utu-utusnyo, ka' to julu-julunyo sangga'at. Iwi-iwi' na aha sambonua i Rahab aijo' tiba to posa-posaihonnyo sinabatakonmo ka' binoamo mae i tampat anu madi' ko anu mompoposia koko kemah nu aha mian nu Israel.

YOSUA 6:23 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

KAJADIAN 18:24

De lapangnyo daagi' ko limapulu' na mian anu madi' ko sala'nyo i uno nu kota aijo', pa' songko-songko na kota aijo' nusilakai nu Belento Tumpu? Pa' madi' Belento Tumpu mongampuni da mian anu limampulu' aijo' salamat?

KAJADIAN 19:29

Sumo aijo'mo na tempo'nyo Tumpu Allah nohopu'imo kota haha aijo' i bangka'nyo kajojoongan i Lot. Tumpu Allah nonginau' i Abraham ka' nontulungimo i Lot nompalaihakonmo butongnyo.

NOMBILANGMO 31:19

Ka' belemiu iwi-iwi' anu nompateimo mian kabai nongkanyangmo anu sinilakamo tionyo ahi' jojoongmo i sambiha' nu kemah pitun sinaa na kopinnyo. I sinaa ko itolunnyo ka' ko ipitunnyo belemiu ka' iwi-iwi' na to bou-boune anu i hakopmo ka' binoamo mae nu belemiu aijo' tionyo ahi' mombau atulannyo pomposusi' butong.

SISIKON NU TO RASUL-RASUL 10:28

Lantas ia notatae hi aha, “Posi to Utu-utus monsumbu' saba' mian nu Yahudi o tewa' nu agamanyo na mamba molenga kabai mompahasumbu' tiba to mia-mian lengkat i bansa sangga'at. Panyo Tumpu nompotoamo hi belengku, saba' aku madi' timbali monsangka mau pe'e ihe pahengas kabai madi' timbali o kaan.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

1 KORINTUS 5:12

Memang momputusi kasala'an nu to mia-mian anu misa' Kristen misa' ulusanku. Panyo posi Tumpuje na momputusi kasala'an nu aha. Panyo mongkona to mia-mian Kristen i jama'at miu, te misa' posi komiu ahi' na anu tionyo momputusi kasala'an nu aha? I uno nu Kitab nu Tumpu tinulismo, “O laa' na mian anu ma'idek itina' hi komiu.”

EFESUS 2:12

Tempo'nyo aitu komiu ma'isa nosa'angu' tiba i Kristus, komiu mian anu i salipu'an anu madi' minsoop i mian anu pinile'anmo nu Tumpu. Komiu madi' sinegotan nu palajanjian anu binaumo nu Tumpu Allah tiba mian anu palesayamo hi Ia. Komiu tumuu' i uno nu dunia aiya madi' ko anu otaha'imani, ka' madi' pilenje ko Tumpu.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

YOSUA 2:16

“Lako' pontulu aita' mae i da'erah nu bungkutnyo,” na koonyo i Rahab hi aha, “Da to mia-mian anu sinai i tomundo madi' bisa mohakop belemiu. Paninsuluk itina' tolun sinaa na kopinnyo sahingga aha minsusule'mo mae atina'je ka' belemiu timbali molausakon lajang miu.”

YOSUA 2:18

Ola uuka na anu tionyo ahi' nu bau. De kami montumbuhimo lipu' nu belemiu aiya, sabole-bole kahohon mea-mea' aiya nu posegot i tolongan aiya, tampat pinonguluakonanmo nu beleyum kami. Tuuma ka' tina nu beleyum, to utu-utus nu beleyum, iwi-iwi' na aha sa'anakan nu tuuma nu beleyum tionyo ahi' sihuk i laigan nu beleyum aiya.

TO MIA-MIAN KOPIAN 1:25

Sahingga mian aijo' nompotiju'mo jalan pinsoopan i kota aijo'. Lantas aha mian nu Efraim tiba Manasye ninsoopmo i kota aijo' ka' nompateimo iwi-iwi' na anu jojoong ikiijo' ola mian aijo' tiba to utu-utusnyo na madi' pinatean.