YOSUA 6:22 - KITAB NU TUMPU ALLA LELE MA'IMAI'

²² Aha ua'aha na anu namba nondoyoni pinoto'imo i Yosua, “Lako' i laigan nu boune anu lewa' masala' aijo', ka' boamo mae na ia, sabatakon mae hingga-hinggat tiba to utu-utusnyo tiba aha motoanak sambonua susumo anu jinanji'mo nu belemiu hi aha.”

YOSUA 6:22 ပူးပေါင်းရင်းမြစ်များ

2 SAMUEL 21:2

To mia-mian nu Gibeon misa' mian nu Israel; aha mian nu Amori anu minsoop tompukan nu mian anu ola sangkiding. To mia-mian nu Israel nonjanji'mo hi aha madi' mompoposia aha, panyo i Saul nompateimo aha kalana ia nonginau'mo kapalaluan nu mian Israel tiba Yehuda.) Lantas ilagamo i Daud na mian nu Gibeon haha aijo',

2 SAMUEL 21:7

Panyo kalana i Daud tiba Yonatan nompaha sumpa-sumpa'mo samian ka' samian sahingga i Daud madi'ahi' nombee' i Mefiboset anak i Yonatan.

MAZMUR 15:4

anu monsangka madi'mo ko angga'nyo na mian, de madi'mo nukali-kalinga nu Tumpu, panyo mongadati mian anu mohongo-hongo Tumpu; anu madi' toho' mombaleko'i apaa na anu jinanji'mo, maumo ahi' lugi'

YEHEZKIEL 17:13

Lantas ia nompile'imo sala'samian na poto utusan mae nu tomundo' Yehuda ai-aijo', ka' nombaumo palajanjian tiba ia, ka' nompokaumo ia binasumpa' da montulutimo ia. Tomundo' nu aha Babel aijo' nontahanmo mian anu toto penti-penting haha aijo',

YEHEZKIEL 17:16

Atas sanggong-Ku, Tumpu anu tumuu', Tumpu Anu Matangkas na Kuasanyo, i tomundo' Yehuda silakamo kiijo' mae i Babel, kalana ia nolanggaimo sumpa'nyo ka' nolanggaimo mule' palajanjiannyo hi tomundo' Babel anu nombee'imo kapalentahan hi ia.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

YOSUA 6:17

Iwi-iwi' na kota ka' isinyo mule' iwi-iwi' tionyo ahi' ohopu'i ingko-ingkot salaku bau palasombahan hi Tumpu. Ola i Rahab, boune anu lewa' masala' aijo' tiba to utu-utusnyo ka' aha sambonua na opotumuu' kalana ia nontulungimo anu sinainto nondoyoni.

YOSUA 6:23

Sahingga ua'aha anu namba nondoyoni aijo' nambamo ka' nosabatakonmo mae i Rahab hingga-hinggat tiba tuuma ka' tinanyo, ka' to utu-utusnyo, ka' to julu-julunyo sangga'at. Iwi-iwi' na aha sambonua i Rahab aijo' tiba to posa-posaihonnyo sinabatakonmo ka' binoamo mae i tampat anu madi' ko anu mompoposia koko kemah nu aha mian nu Israel.

YOSUA 9:15

I Yosua nombaumo palajanjian da mobela'mo tiba mian nu Gibeon haha aijo', ka' nojanji'mo madi'mo daagi' mompatei aha. To pola-polaya' nu aha mian Israel suele binasumpa'mo da boli okolilimi na palajanjian aijo'.

TO MIA-MIAN KOPIAN 1:25

Sahingga mian aijo' nompotiju'mo jalan pinsoopan i kota aijo'. Lantas aha mian nu Efraim tiba Manasye ninsoopmo i kota aijo' ka' nompateimo iwi-iwi' na anu jojoong ikiijo' ola mian aijo' tiba to utu-utusnyo na madi' pinatean.