YOSUA 6:21 - KITAB NU TUMPU ALLA LELE MA'IMAI'

²¹ Iwi-iwi' na anu i kota aijo', mian anu motu'amo kabai mian anu daagi' anak, boune kabai mo'ane pinahantabasakonmo nu bajak sahingga natemo. Iwi-iwi' na potu'on sapi', domba ka' suele keledai pinateanmo.

YOSUA 6:21 ပူးပေါင်းရင်းမြစ်များ

1 TOMU-TOMUNDO' 20:42

Sahingga notataemo na nabi aijo' hi tomundo', “Aiyamo na anu tinaloakonmo nu Tumpu: 'Mian anu pinalentah-ngKumo da opatei ola pinojohok da malai. Kalana aitu tionyo ahi' beleyum mate da bau pontokong Suludadu nu beleyum timbali mohopu' kalana nompopilayamo suludadu nu sampo bali' nalaimo.’ ”

YEREMIA 48:18

O, mian anu jojoong i Dibon, pintatau'mo mae atina' itampat nu beleyum anu oholomati hondo; ka' suhangmo itano' ka' i abu'. Kalana anu mongidei Moab lipu' nu beleyum atina' tinokamo mae, ka' mohansunimo iwi-iwi' na benteng nu beleyum.

PO'ULE' INGULIT 13:16

Iwi-iwi' na halata' nu anu jojoong i kota aijo' tionyo ahi' otoluki ka' opotambun i tanalapang, lantas iwi-iwi' na halata'nyo tionyo ahi' opapui salaku koloban anu osombahkon hi Tumpu Allah nu belemiu. Lapas aijo' opala'imo nu belemiu da timbalimo tampat salaku bau tanda pinompapuan ka' madi'mo timbali daagi' po'ule' opotinjo.

PO'ULE' INGULIT 2:34

Tempo'nyo aitu mule' kita nongalamo ka' nongideimo toto sa'angu' na kota, ka' nompateimo iwi-iwi' na miannyo, to momo'ane tiba to bou-boune tiba to ana-anak. Madi' ko anu pinobee' tumuu'!

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

YOSUA 10:28

Sinaa aijo' i Yosua nontumbuhimo Makeda, ka' nompatundu'mo kota aijo' tiba tomundo'nyo. Iwi-iwi' na anu jojoong i kota aijo' pinateannyomo; mau pe'e ola samian madi' pinotumuu'. Pinombau i Yosua tomundo nu Makeda sumomo ia nombau tomundo nu Yerikho.

YOSUA 10:39

Kota aijo' tiba tomundo'nyo tiba iwi-iwi' na kota sangga'at anu mompaha ohani ikiijo' pinatundu'mo i Yosua. Iwi-iwi' na mian anu ikiijo' pinateanmo. I Yosua nombau Debir ka' tomundo'nyo sumomo ia nombau Hebron tiba Libna ka' tomundo'nyo.

YOSUA 11:14

Iwi-iwi' na mian anu jojoong i kota haha aijo' pinateanmo; mau pe'e ola samian madi'mo daagi' ko anu pinotumuu'. Panyo iwi-iwi' na balangnyo anu mahan na olinyo ka' potuu'on nu aha ingalamo nu aha mian Israel tinimbalimo aha na tumpunyo.

YOSUA 8:2

Ai ka' tomundo'nyo tionyo ahi' nu bau susumo beleyum nombaumo Yerikho ka' tomundo'nyo u'utu mae. Panyo uuka aiya to bala-balang nu aha ka' potuu'onnyo timbalimo o ala nu belemiu, belemiumo na tumpunyo. Paha potoukamo da mambamo montumbuhi kota aijo' opotolokengkeng lengkat mae i hikunyo nu kota aijo'.”

YOSUA 9:3

Panyo aha mian nu Gibeon anu nolengkat mae i bansa Hewi nohongomo apaa na anu binaumo i Yosua kiijo' mae i Yerikho tiba Ai.

ANU PINOTO'I HI YOHANES 18:21

Ilapas na aijo', samian na malaikat anu baani nohangkatmo sa'angu' na batu – sumo kodaka' nu batu ponggiling anu daka' –, lantas i lumbu'akonnyomo i uno nu ambai ka' notatae, “Sumo aiya na balu-balu'nyo nu kota Babel anu talasanggo aijo' o'alinje hoso-hoson sahingga madi'mo daagi' o humpak.

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”

1 SAMUEL 15:8

Iwi-iwi' na aha mian da'isan tiba suludadu nu aha Amalek pinateanmo i Saul. Panyo i Agag tomundo' nu aha Amalek i hakop ka' pinotumuu' i Saul ka' suele suludadunyo madi' pinatean, sumo aijo' mule' na dombanyo nu aha tiba sapi' nuaha anu molompo' hondo, anak nu sapi' tiba anak nu domba anu molompo' hondo tiba iwi-iwi' na anu ko angga'nyo; ola potuu'on anu madi' ko angga'nyo ka' anu madi' ko gunanyo na pinateanmo.