YOSUA 6:2 - KITAB NU TUMPU ALLA LELE MA'IMAI'

² Tumpu notataemo hi Yosua, “Uuka aiya Ku bee'mo hi beleyum na Yerikho tiba tomundo'nyo ka' suludadunyo iwi-iwi' anu singkaap baani aijo'.

YOSUA 6:2 ပူးပေါင်းရင်းမြစ်များ

2 SAMUEL 5:19

I Daud nompokilawamo hi Tumpu, “Pa' ku tumbuhimo na aha mian nu Filistin haha aijo'? Pa' obee'mo mae nu Belento na ka'untungan mahampate hi belengku?” “Tumbuhimo!” na koo-Nyo nu Tumpu. “Ku bee'mo na ka'untungan mahampate hibeleyum!”

NEHEMIA 9:24

Lee' nu aha nompatundu'mo tano' Kana'an; Mian anu jojoong ikiijo' pinatundu'mo nu belento. Mian anu palesayamo hi Belento binee'anmo nu Belento kuasa da mombau maumo pa' apaa. Kona hi aha bansa Kana'an ka' mule' hi aha to tomu-tomundo' nu aha.

DANIEL 2:21

Iamo na anu nompotataap loonu ka' wakitu, Ia na mompobelenti ka' mompojadi anu balakuasa. Lamo ia suele na anu mombee'i kapandean, tiba mule' mombee'i da mangalati'.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 4:17

Sumo aijo' na kaputusan nu kami to mala-malaekat anu binalajaga-jagamo ka' siniapmo. Pongka oho' mami da to mia-mian maumo pa' iyamae mongakui saba' Tumpu Anu Matangkas na Kuasanyo mongkuasaimo kalaja'an nu manusia ka' kalaja'an aijo' Nu bee' hihe na anu pinile'an-Nyomo ka' mule' hi mian anu madi' ko alati'nyo apa-apaa!’

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

DANIEL 5:18

Tumpu Anu Matangkas na Kuasanyo, nompojadimo tuuma i Nebukadnezar nu belento Tuanku da tinimbali tomundo' anu daka' hondo na kakuasa'annyo, ka' mule' kaholomatan tinalasanggomo.

PO'ULE' INGULIT 7:24

Ia mombee'mo tomundo nu aha haha aijo' hi belemiu. Opateimo nu belemiu na aha, ka' sanggo nu aha okolilimimo nu belemiu. Samian pe'e madi' moko ala mongewa mongahopi belemiu,

YOSUA 12:9

To tomu-tomundo anu pinatundu'mo, iwi-iwi' konjoo'nyo aha tolumpulu' ka' sa'angu' na mian; aijo'mo to tomu-tomundo anu i kota haha aiya: Yerikho, Ai (koko Betel), Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek. Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (kiijo' i Karmel), Dor (i sonibi nu ambai), (kiijo' i Galilea) ka' Tirza.

YOSUA 2:24

Lapas aijo' aha notataemo, “Memang matantumo na Tumpu mombee'mo iwi-iwi' na lipu' aijo' hi kita, iwi-iwi' na mian anu kiijo' mae nongkabuhukmo kita.”

YOSUA 2:9

ka' notatae hi aha, “Ku sumbu' Tumpu nombee'mo lipu' aiya hi belemiu. Iwi-iwi' na mian aiya nabuhukmo hi belemiu.

YOSUA 20:1

Lapas aijo' Tumpu nompokaumo i Yosua,

YOSUA 6:1

I kota Yerikho iwi-iwi' na sabatan daka' nu kota jinagaanmo totu-totu'u ka' tinumbanmo hoso-hoson da aha mian nu Israel madi' moko ala minsoop. Madi' timbali ko samian pe'e na anu opobee' minsoop kabai mosabat i kota aijo'.

YOSUA 6:3

Beleyum ka' suludadu nu beleyum tionyo ahi' mojiji ka' lumajang montikubi kota aijo' sansinaa obau minsan, ka' obau anon sinaa.

YOSUA 8:1

Tumpu notataemo hi Yosua, “Posihuk mae na suludadu nu beleyum iwi-iwi', ka' lako'mo tiba aha mamba i Ai. Boli hente na kinyonyoa ka' boli mabuhuk! Ku bee'mo hi belemiu na tomundo nu Ai, kalana opatundu'mo nu belemiu na aha. Layatnyo, kota'nyo, lipu' nu aha opatundu'mo nu belemiu.

TO MIA-MIAN KOPIAN 11:21

Panyo Tumpu Allah nu aha Israel nombee'imo ka'untungan nahampate na mian nu Israel nongewa Sihon ka' to sulu-suludadunyo. Sumo aijo' na mian nu Israel nohumpak iwi-iwi' na tano' nu aha mian nu Amori anu jojoong i lipu'nyo aijo'.

TO MIA-MIAN KOPIAN 11:24

Ka' tempo' uuka aiya tantu ko kahanda'mo na beleyum po'ule' mongala? Tano' anu binee'mo i Kamos, aijo'mo pilogot nu belento hi belemiu na tataap ahi' belemiu na tumpunyo. Panyo apaa na anu binee'mo nu Tumpu, Tumpu Allah mami hi kami, sabole-bole ahi' o ala mami.