YOSUA 6:19 - KITAB NU TUMPU ALLA LELE MA'IMAI'

¹⁹ Iwi-iwi' na pakakas, salaka, mosoni', tambaga ka' besak aijo' bau bagi nu Tumpu ka' opo'una' i tampat pompo'una'an halata' nu Tumpu.”

YOSUA 6:19 ပူးပေါင်းရင်းမြစ်များ

2 SAMUEL 8:11

I Tomundo' Daud nonsombahkonmo palasen haha aijo' iwi-iwi' hi Tumpu, da ogunakon de monsombahmo Tumpu. Sumo aijo' suele na mosoni' tiba salaka anu pinahuhuakonnyo mae hi Hadadezer tiba hi to bansa-bansa sangga'at anu pinatundu'nyomo aijo'mo bansa Edom, Moab, Amon, Filistin tiba Amalek.

1 TOMU-TOMUNDO' 14:26

Iwi-iwi' na pakakas anu mahan na olinyo i uno nu Laigan nu Tumpu tiba i laigan nu tomundo' ka' mule' to kanta-kanta anu mosoni' na pinoki bau i Salomo pinahuhuakonnyomo.

1 TOMU-TOMUNDO' 7:51

Salatan i Tomundo' Salomo noko potimbalimo Laigan nu Tumpu, pinaha po'una'nyomo i uno nu gudang nu Laigan aijo', iwi-iwi' na salaka', mosoni' ka' to paka-pakakas sangga'at apaa na anu sinombahkonmo i Daud tuumanyo, hi Tumpu.

2 TOMU-TOMUNDO' 24:13

Iwi-iwi' na mosoni' anu binau i tomundo' Salomo anu opake i Laigan nu Tumpu ingideanmo i tomundo' Nebukadnezar Lantas iwi-iwi' na pakakas anu ko angga'nyo anu kiijo' i Laigan nu Tumpu ka' anu kiijo' i laigan nu tomundo' binoanyomo i Babel. Iwi-iwi' aijo' jinadimo susumo anu polo'mo pinoto'i nu Tumpu ma'isa pe'e han aijo' jinadi.

1 TAWARIKH 18:11

Iwi-iwi' na palasen aijo' sinombahkon i Daud hi Tumpu da ogunakon de monsombahmo Tumpu. Susumo aitu suele na ia nombau pakakas mosoni' ka' salaka anu pinahuhuakonnyo mae hi Hadadezer ka' to bansa-bansa anu pinatundu'nyomo, aijo'mo bansa Edom, Moab, Amon, Filistin ka' Amalekh.

1 TAWARIKH 26:20

To mia-mian sangga'at kona hi tulunan nu bansa Lewi binee'an kalaja montoa pakakas anu opake i Laigan nu Tumpu, ka' anu pino'una' i gudang, apa-apaa na anu binee' nu mian hi Tumpu Allah.

1 TAWARIKH 26:26

I Selomit tiba to julu-julunyo monjagai ka' montoa iwi-iwi' apaa na anu nu bee' ka' nu sombahkon i Tomundo' Daud, ka' anu nu bee' nu to tu'a-tu'annyo nu auwan, ka' to pola-polaya' nu auwan, ka' to sulu-suludadu anu toto tangka-tangkas na pangkatnyo.

1 TAWARIKH 26:27

Iwi-iwi' na anu nu bee' mae nu aha aijo' to bala-balang anu nu pahuhuakon mae tempo'nyo aha mamba mahampate sambagian na nusombahkon nu aha i Laigan nu Tumpu anu samata-mata opake i Laigan nu Tumpu,

1 TAWARIKH 26:28

jadi osaisanggo-sanggomo, i Salomo ka' to utu-utusnyo na monjagai ka' montoa iwi-iwi' apaa na anu binee'mo da opake samata-mata i Laigan nu Tumpu, tibamo iwi-iwi' na anu sinombahkon i Tomundo' Saul, ka' mule' i Abner anak i Ner, ka' mule' i Yoab anak i Zeruya. Lantas binee'mo i Nabi Samuel hi Tumpu.

1 TAWARIKH 28:12

I Daud mule' nombee'i iwi-iwi' na tanga'an anu pinile'annyomo anu bau popasannyo ka' mule' salipi'nyo titikup, ka' mule' to guda-gudang pompo'una'an talakanan anu opake i Laigan nu Tumpu aijo' ka' mule' to guda-gudang pompo'una'an apa-apaa na anu nu bee' nu mian hi Tumpu.

2 TAWARIKH 15:18

Iwi-iwi' na mosoni' ka' salaka ka' mule' balang sangga'at anu i humpak pinahuhuakon i pahampatean anu nu tuumanyo ka' mule' anunyo suele pino una'nyomo i Laigan nu Tumpu da baumo anu nu Tumpu.

2 TAWARIKH 31:12

lantas ingisimo nu aha iwi-iwi' apaa na anu binee'mo nu mian ka' sambahagian mule' na anu ingala, i sampulu' na bahagian, iwi-iwi' aijo' pino'isimo i gudang haha aijo'. Aha mian nu Lewi samian sanggonyo i Konanya, binee'an kalaja monjagai, ka' i Simei utusnyo ise' na suele i hangkat montulungi ia.

NEHEMIA 10:38

Panyo samian na imam lee' mae i Harun tionyo ahi' monsangalui mian nu Lewi haha aijo' de aha molimu'mo palasombahan haha aijo'. Ka' mule' iwi-iwi' na palasombahan haha aijo' obagi sampulu' na bagian lantas sambagian oboamo ka' oposopmo nu aha mian nu Lewi haha aijo' i salipi' anu lewa' pompo'una'an mantu posadiaon kiijo' i Laigan nu Tumpu.

YEREMIA 38:11

Sahingga nambamo na i Ebed-Melekh tiba aha totolu' na mian haha aijo' igudang anu kiijo' ilaigan nu tomundo' ka' nongalamae hude anu nahudemo ikiijo' lantas inguluakonmo nu aha tiba kahohon hi belengku i uno nu bubung aijo'.

IMAMAT 19:24

I taun ko opatnyomo iwi-iwi' na bua'nyo tionyo ahi' osombahkonmo bau pontalima kase nu belemiu hi beleng-Ku, Tumpu.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

NOMBILANGMO 31:11

Lapas aijo' aha mian nu Israel nongalamo iwi-iwi' apaa na anu pinahuhuakonmo tiba anu i hakop ka' binatang,

NOMBILANGMO 31:12

lantas binoamo hi Musa ka' hi Imam Eleazar ka' hi iwi-iwi' mian nu Israel. Tempo'nyo aitu aha hau-haunyo binakemahmo i hatanyo nu Moab, i sohipi' nu kaunyo nu Yordan koko kota Yerikho.

NOMBILANGMO 31:22

Iwi-iwi' apaa anu madi' nukaan nu apu, sumo mosoni', salaka, tambaga, besak, timah mopute' ka' timah mo'itom, tionyo ahi' oposusi' aijo'mo opapui nu apu. Lapas mule' balang haha aijo' tionyo ahi' oposusi' suele nu uee anu opake mombau atulannyo momposusi' da madi'mo mahumimi'. Iwi-iwi' na balang sangga'at anu madi' nukaan nu apu tionyo ahi' oposusi' nu uee anu opake mombau atulannyo momposusi'.

MATIUS 27:6

Kapala nu to Ima-imam nontoluk doi aijo' ka' notatae, “Doi aiya, doi nu baso'. Koonyo nu atulan nu agama, doi aiya madi' timbali oposoop i uno nu tampat ponguna'an doi i Laigan nu Tumpu.”

MARKUS 12:41

Tempo'nyo sinumuhang mompaha ahop tiba peti' palasombahan i Laigan nu Tumpu, i Yesus nompalahatikan to mia-mian momposoop doi nu aha i uno nu peti' aijo'. Da'isan na mian kaya nomposoop manjoo' na doi;

YOSUA 7:11

Mian nu Israel nombaumo dosa'. Pinalentang-Kumo na aha da montuluti totu-totu'u Palajanjian-Ku hi aha, panyo aha madi' nompajuli! To bala-balang anu tionyo ahi' ohopu'i ingalamo nu aha. Tinomangmo nu aha ka' pinosulukmo nu aha i uno nu to bala-balang nu aha da madi' osumbu-sumbu'.