YOSUA 6:17 - KITAB NU TUMPU ALLA LELE MA'IMAI'

¹⁷ Iwi-iwi' na kota ka' isinyo mule' iwi-iwi' tionyo ahi' ohopu'i ingko-ingkot salaku bau palasombahan hi Tumpu. Ola i Rahab, boune anu lewa' masala' aijo' tiba to utu-utusnyo ka' aha sambonua na opotumuu' kalana ia nontulungimo anu sinainto nondoyoni.

YOSUA 6:17 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

EZRA 10:8

De ihe na madi' toka i uno nu tolunsinaa aiya, o'ala na halata'nyo iwi-iwi' ka' ia madi'mo oposoop bubuu' sangko gampa. Apaa na anu binebakonmo aijo' tinekengmo nu to polo-polaya' nu aha mian da'isan.

YESAYA 34:6

Bajak nu Tumpu aijo' nu kampuhimo nu baso' ka' kahomo lompo' nu aha, sumomo ahi' baso' tiba lompo' nu binatang anu kinolobanakonmo. Kalana Tumpu nomposadiamo koloban i Bozra ka' nompahangkolotakonmo manjoo' hondo itano' nu Edom.

YEREMIA 46:10

Panyo aku, i Yeremia mompoto'i saba' aiyamo na sinaa nu Tumpu Allah Anu Matangkas na Kuasanyo ka' Mahakuasa; toka isinaa aijo' Ia mombalosakonmo hi aha iwi-iwi' na sampobali'-Nyo. Bajak-Nyo mongkaanmo aha sampe mobosu, ka' monginumo baso' nu aha sampe ma'osa. Sinaa uuka Tumpu Anu Mahakuasa, mongkolot iwi-iwi' na koloban-Nyo isasu utara, isonibi nu Kaunyo Efrat aijo'.

YEHEZKIEL 39:17

Tumpu Anu Matangkas na Kuasanyo notataemo mae hi belengku, “O manusia anu madi' tumuu' batu, laga na tomonsi' iwi-iwi' tiba binatang sangga'at da aha toka mae lengkat iyaya mae na tampat da mongkaan anu singkapmo sinilaka anu pinotoukan-Kumo hi aha. Aku mombaumo bau-bauon anu daka' aita' i to bungku-bungkutnyo nu Israel, ikiita' mae aha mongkaanmo ponoha' ka' monginumo baso'.

IMAMAT 27:21

I Taun Monsule'akonmo aiya mae i ahop ale' aijo' anumo nu Tumpu sampe toka sidu-sidutu'; ka' obee'mo hi to ima-imam.

MIKHA 4:13

Tumpu notatae, “O, mian anu jojoong i Yerusalem lako'mo ka' pahampeja' akonmo na to sampo-sampobali' nu belemiu! Ku pojadije na belemiu da mahoson susumo sapi' anu nintandukmo besak ka' ningkonukumo tambaga. Belemiu mohansunije manjoo' hondo na bansang ka' mule' kakaya'an anu i humpak nu aha kalana lewa' nompahuhuakon, osombahkonmo mae hi beleng-Ku, Tumpu nu songko-songko na dunia.”

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

1 KORINTUS 2:7

Kapandean anu kupoto'i aitu aijo'mo kapandean lengkat mae hi Tumpu. Kapandean aijo' madi' nusumbu' nu dunia, panyo tinoukanmo nu Tumpu bau kabilahianto salatanmo pe'e dunia aiya ma'isa binau.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 3:12

Panyo atulan nu agama madi' mimpu'u i kapalesaya'an anu totu-totu'u. I uno nu Kitab nu Tumpu tinulismo tukoonyo mian anu mompojalan atulan nu agama, timbali tumuu' kalana atulan aijo'.

PO'ULE' INGULIT 20:17

Susumo anu pinalentahkon nu Tumpu Allah nu belemiu, belemiu tionyo ahi mompatei aha mian nu Het, Amori, Kana'an, Feris, Hewi ka' Yebus.

IBRANI 11:31

Ola kalana bala'iman, sahingga i Rahab, boune anu lewa-lewa' masala' aijo', madi' pinatean hingga-hinggat tiba to mia-mian anu madi' tunduk hi Tumpu; kalana ia na nontalima ima-ima' mian nu Israel anu namba nondoyoni.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

YAKOBUS 2:25

Toa suele na i Rahab, boune anu lewa' masala' aijo'. Ia pinototu'umo nu Tumpu kalana apaa na anu binaunyomo tempo'nyo ia nomposoop i uno nu laigannyo anu namba nondoyoni bansa Israel ka' nontulungimo aha nopalai nontului jalan sangga'at.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 2:22

Lantas ua'aha na mian anu namba nondoyoni aijo' nambamo nokiita' mae i da'erah nu bungkutnyo ka' naninsulukmo. Tinolun sinaa na kopinnyo na aha anu sinai mae i tomundo nolio aha iyaya mae sinongko na da'erah aijo', panyo madi' kinabot na aha. Ahennyo aha anu sinai aijo' ninsusule'mo mae i Yerikho.

YOSUA 7:1

Tumpu nompalentahmo aha mian nu Israel da iwi-iwi' na anu kiijo' i kota Yerikho, tionyo ahi' ohopu'imo iwi-iwi', maumo ola sa'angu' madi' timbali o ala. Panyo palentah aijo' madi' tinulutan nu aha. Samian na mo'ane sanggonyo i Akhan madi'mo nompajuli palentah aijo', sahingga Tumpu talalomo hondo nontambuha'i aha mian nu Israel. (Tuumanyo i Akhan sanggonyo i Karmi ka' utusnyo tu'a sanggonyo i Zabdi minsoop tompukan i Zerah tulunan mae nu bansa Yehuda.)

1 SAMUEL 15:3

Jadi lako'mo ka' tumbuhimo na aha mian nu Amalek ka' o idei na apa-apaa na anu nu aha iwi-iwi'. Boli opotuha' maumo pa' apa-apaa; patei iwi-iwi' na to momo'ane, to bou-boune tiba to ana-anak, ka' mule' to bunga-bungamea'; ka'suele sapi', domba, unta tiba keledai.”

1 SAMUEL 15:6

Ia mule' nompotuunmo pokinde'nyo hi aha mian nu Keni, tukoonyo, “Lako'mo ka' pala'imo naha mian nu Amalaek da boli belemiu kupatei hingga-hinggat tiba aha, kalana naipuan mae nompolee' nu belemiu nompotoamo kalakuan anu mompahakona tiba aha mian nu Israel tempo'nyo mian nu aha Israel tinokamo lengkat mae i Mesir.” Sahingga mian nu aha Keni nompala'imo tampat aijo'.