YOSUA 6:12 - KITAB NU TUMPU ALLA LELE MA'IMAI'

^12-13 Dodododopnyo subu-subu hondo, i Yosua nobulamo lantas ko pinduannyomo na to ima-imam ka' suludadu nojiji ka' ilumajang montikubi kota aijo' susumo anu binaumo momona; anu namba momonanyo aha anu ko toongon bau pahampate lapas aijo' aha popitu' na imam anu mompuhi tolompet, lapas aijo' atina'je mae na to ima-imam anu molemban Peti' Palajanjian ka' anu imihinyo mae atina'je ka' anu ko toongon bau pahampate. Hau-haunyo aijo' tolompet saja'mo o puhi.

YOSUA 6:12 ပူးပေါင်းရင်းမြစ်များ

KAJADIAN 22:3

Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia.

PO'ULE' INGULIT 31:25

Salatan pinoko tulisnyomo ia notataemo hi to ima-imam nu aha Lewi anu binee'anmo kalaja mongkalesang Peti' Palajanjian,

YOSUA 3:1

Dodododopnyo, i Yosua ka' iwi-iwi' na mian nu aha Israel daagi' subu-subu hondo aha nobulamo, lantas nompala'imo tampat pinombauan nu aha kemah kiijo' i Sitim, ka' nambamo nokiijo' i Kaunyo nu Yordan. Tinoka ikiijo' aha nombaumo kemah polalanuan hipian na motaap.

YOSUA 6:11

Sumo aijo' na i Yosua nompalentahmo suludadunyo nomboa Peti' Palajanjian montikubi minsan kota aijo', lapas aijo' minsusule'mo i kemah ka' male'mo ikiijo' mae.

TO MIA-MIAN KOPIAN 20:19

Dodododopnyo subu-subu nambamo na aha ka' binakemahmo koko kota Gibea.