YOSUA 5:4 - KITAB NU TUMPU ALLA LELE MA'IMAI'

^4-6 Tempo'nyo aha mian nu Israel haha aijo' nosabatmo mae lengkat i Mesir, to momo'ane iwi-iwi' polo'mo sinunat. Panyo salatan aha lewa'mo jinojoong ka' nonsongkohimo tampat anu ewa hondo na bone'nyo pinatompulu' na taun na kinopinnyo, to ana-anak mo'ane nu aha mau samian ma'isa ko anu sinunat. Ka' salatan pinatompulu'mo na taun aijo', to momo'ane anu tempo'nyo nosabatmo mae lengkat i Mesir umunnyo anu timbalimo minsoop suludadu iwi-iwi' sinilakamo, kalana madi' mombatuki palentah nu Tumpu. Sahingga susumo anu sinumpa'akonmo nu Tumpu aha madi'mo timbali opobee' montoa lipu' anu pohumpakan ka'ima'an ka' ma'omuk anu jinanji'-Nyomo hi Mompolee' nu aha.

YOSUA 5:4 ပူးပေါင်းရင်းမြစ်များ

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

1 KORINTUS 10:5

Mau mule' sumo aitu kanjoo'annyo na aha madi' nuka'ima'i nu Tumpu, ka' aijo'mo na sababnyo bangke' nu aha haha aijo' notanata i padang bolaa.

PO'ULE' INGULIT 2:14

Aijo' jinadi kinopinnyo tinolumpulu' ka' ualu' na taun salatan kita nompala'imo mae Kades-Barnea. Iwi-iwi' na Suludadu anu i hangkat tempo'nyo aitu sinilakamo susumo anu tinaloakonmo nu Tumpu.

PO'ULE' INGULIT 2:16

Salatan aha iwi-iwi' sinilakamo,

YOSUA 5:3

Sahingga binaumo i Yosua na palentah nu Tumpu ka' nonsunatmo aha mian nu Israel haha aijo' i tampat anu sinanggohanmo Bungkutnyo nu Pinonsunatan.