YOSUA 5:2 - KITAB NU TUMPU ALLA LELE MA'IMAI'

² Tempo'nyo aitu Tumpu notataemo hi Yosua, “Ala na batu ka' obau piso', ka' baumo mule' na adat ponsunatan hi aha mian nu Israel.”

YOSUA 5:2 ပူးပေါင်းရင်းမြစ်များ

NOSABATMO 4:25

I Zipora, bengkele'nyo, nongalamo sa'angu' na batu anu matajom ka' sinayu'annyo na kilit bagi nu mo'ane hi anaknyo, ka' pinokelanyo hi tengke i Musa. Notataemo na i Zipora, “Beleyum langkai'ku anu kinelankumo baso'.”

ROMA 2:29

Panyo sabenannyo ahi', samian anu totu-totu'u Yahudi aijo'mo mian anu mingkinyonyoa Yahudi, ka' anu totu-totu'u sinunat, aijo'mo sunat i uno nu kinyonyoa anu binau nu Roh nu Tumpu, misa' anu tinulis i uno nu kitab. Mian anu sumo aijo' mohumpak pompuji' lengkat hi Tumpu, misa' lengkat hi mian.

ROMA 4:11

Ia sinunat i mihinyo, ka' sunatnyo aijo' ola sa'angu' na tanda, kalana Tumpu nontalimamo ia salaku mian anu momposanang kinyonyoa nu Tumpu, kalana palesaya hi Tumpu Allah. Ia tinalima nu Tumpu tempo'nyo ia ma'isa pe'e mombatuki atulan nu sunat. Ka' i Abraham tinimbalimo tuuma i uno nu kapalesaya'an mongkona iwi-iwi' na mian anu palesaya hi Tumpu Allah, ka' anu tinalimamo nu Tumpu salaku mian anu momposanang kinyonyoa-Nyo, mau mule' aha madi' mombatuki atulan nu sunat.

PO'ULE' INGULIT 10:16

Jadi mulai uuka aiya belemiu tionyo ahi' tulu-tulutan hi Tumpu ka' bolimo daagi' panggaga.

PO'ULE' INGULIT 30:6

Belemiu ka' lee' nu belemiu obee'imo kinyonyoa anu mohongo-hongo sahingga belemiu mongkanonongimo Tumpu Allah nu belemiu totu-totu'u i uno nu kinyonyoa nu belemiu ka' sainjojoongmo i lipu' aijo'.

KOLOSE 2:11

Kalana nosa'angu'mo tiba i Kristus komiu sinunatmo, misa' sumo sunat anu binau nu mian, panyo sunat anu binau i Kristus, anu nompobebasmo komiu i kuasa nu tabiat anu baladosa'.

YOSUA 5:3

Sahingga binaumo i Yosua na palentah nu Tumpu ka' nonsunatmo aha mian nu Israel haha aijo' i tampat anu sinanggohanmo Bungkutnyo nu Pinonsunatan.