YOSUA 5:1 - KITAB NU TUMPU ALLA LELE MA'IMAI'

¹ Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

YOSUA 5:1 ပူးပေါင်းရင်းမြစ်များ

KAJADIAN 12:6

i Abram nonsongkohi tano' aijo' sampe tinokamo i kau' anu ko balakatnyo kiijo' i More, aijo'mo tampat ponsomban Tumpu kiijo' i Sikhem. (Tempo'nyo aitu mian nu Kana'an daagi' monjoongi tano aijo'!)

KAJADIAN 48:22

Olamo hi beleyum, misa' hi to utu-utus nu belemiu, ku bee'mo na Sikhem da'erah anu molumba' aijo' anu i humpaku nompatundu' mian nu Amori nu bajak ka' pana'ku.”

2 SAMUEL 21:2

To mia-mian nu Gibeon misa' mian nu Israel; aha mian nu Amori anu minsoop tompukan nu mian anu ola sangkiding. To mia-mian nu Israel nonjanji'mo hi aha madi' mompoposia aha, panyo i Saul nompateimo aha kalana ia nonginau'mo kapalaluan nu mian Israel tiba Yehuda.) Lantas ilagamo i Daud na mian nu Gibeon haha aijo',

1 TOMU-TOMUNDO' 10:5

mosia na ia mongatun anu ko pangkatnyo mokalaja i laigan nu tomundo' ka' mule' pibaju' nu aha anu pokakana na buhitnyo, ka' laigan kajojoongan nu aha. Ia nontoamo kaanon ka' anu o inum tinatuakon, mosia na to pangga-panggalima mokalaja i bau-bauon, ka' iwi-iwi' na koloban anu osombahkon i Salomo hi Laigan nu Tumpu. Tomundo' boune nu lipu' Syeba salatan nontoamo aijo' iwi-iwi', binangangmo ka' naha unda'anmo.

EZRA 9:1

Salatan iwi-iwi' aijo' binaumo, pa' aha sangkuka na aha to tu'a-tu'anyo nu Israel tinokamo mae hi belengku. Pinoto'i nu aha tukoonyo mian da'isan nu aha Israel, tibamo to ima-imam, ka' to mia-mian nu aha Lewi madi' mosi po'iwi' da boli maninggalo' hi to bansa-bansa anu jojoong i kiijo', aijo'mo bansa Amon, Moab, Mesir, Kana'an, Het, Feris, Yebus ka' Amosi. Aitu mule' to ima-imam ka' to mia-mian nu aha Lewi suele nombaumo kalakuan anu ma'idek anu binaumo nu bansa haha aijo'.

MAZMUR 135:11

Sihon tomundo' nu Amori ka' Og tomundo' nu Basan, tiba iwi-iwi' na tomundo' i Kana'an.

NOSABATMO 23:28

Sampobali' nu belemiu Ku potimbalimo da madi' mosa'angu' ka' to bansa-bansa Hewi, Kana'an ka' Het Ku laa'mo da mompala'imo belemiu, da belemiu lumajang lau-laus.

YESAYA 41:5

Mian anu jojoong ilipu' anu toto jo'o-jo'on nontoamo mae apaa na anu binaung-Kumo. Aha tinolokengkengmo ka' ilakatnyomo kalana nabuhukmo, lantas sinihukmo hingga-hinggat ka' tinokamo mae.

YEHEZKIEL 16:3

Tumpu Anu Matangkas na Kuasanyo nonsaimo mae aku da mompotokakon potuunon aiya hi aha Yerusalem, “O, Yerusalem, beleyum i hampe i tano' Kana'an. Tuuma nu beleyum mian nu Amori ka' tina nu beleyum mian nu Het.

YEHEZKIEL 21:7

De aha mompokilawa kadaka' beleyum nososonmo saba' poto'i taalu' beleyum sinusa'mo na kinyonyoa kalana lele nu balaa' anu saidi' mae toka. Lele aijo' mompolangkakatanmo kinyonyoa nu aha, lima nu aha lundengmo, ka' ike-ike' nu aha suele langkakatanmo ahi', aha madi'mo daagi' bilak. Memang sinaanyo aijo' tokamo mae, ka' iwi-iwi' aijo' tionyo ahi' jadimo. Aku, Tumpu Anu Matangkas na Kuasanyo notataemo.”

DANIEL 5:6

Ia inesemo hondo ka' nabuhukmo sahingga bukunyo i lakatnyomo.

AMOS 2:9

Maumo sumo aijo', belemiu mian-Ku anu palesayamo, kalana belemiu sahingga Aku nohopu'imo mian nu Amori anu toto tangka'-tangkas susumo kau' cemara ka' mokuut susumo kau' terpentin.

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

YOSUA 17:12

Panyo tulunan nu bansa Manasye madi' noko ala nolaa' mian anu jojoong i kota haha aijo'; mokonyo aijo' aha mian nu Kana'an sinajojoongnyomo ikiijo'.

YOSUA 17:18

Alamo na da'erah anu i bungkutnyo, kalana maumo da'erah aijo' daagi' alas timbali okalaja nu belemiu na da'erah aijo', ka' o alamo iwi-iwi'. Ka' mian nu Kana'an haha aijo' opoko alamo o laa' miu, maumo aha mahoson ka' ko kareta besak anu opake mahampate.”

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

YOSUA 3:16

tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.

ANU PINOTO'I HI YOHANES 18:10

Aha tuminjoje aijo' mae jo'o-jo'on, kalana aha mabuhuk na nukona nu kasansala'an anu saidi' mae nu oa'i. Aha notatae, “Ibeh, palias na balaa' nu kota anu talasanggo aijo' – kota Babel anu mahoson! I uno nu ola sajam hukuman pinokonamo!”

TO MIA-MIAN KOPIAN 1:1

Salatan i Yosua sinilakamo, aha mian nu Israel nompokilawamo hi Tumpu, “O Tumpu, tulunan nu bansa ihe anu aiya hi kami na tionyo ahi' momona mamba montumbuhi aha mian Kana'an?”

TO MIA-MIAN KOPIAN 11:23

Jadi tumpu Allah nu aha Israel aijo'mo na nolaa' aha mian nu Amori kalana bau kapentingan nu mian anu pinalesayamo hi Tumpu.

TO MIA-MIAN KOPIAN 3:3

Aha bansa-bansa anu daagi' jinojoong i lipu' aijo', aijo'mo: bansa anu jojoong i olima' na kota Anu aha mian Filistin, iwi-iwi' na bansa Kana'an, bansa Sidon tiba bansa Hewi anu jojoong i bungkutnyo nu Libanon, lengkat pe'e mae i Bungkutnyo nu Baal-Hermon toka-toka i jalan anu mamba i Hamat.

TO MIA-MIAN KOPIAN 4:2

Sahingga Tumpu nompojohokmo aha da i hungku'an i Yabin tomundo nu aha Kana'an anu jojoong i kota Hazor. Kapala nu suludadu anu matangkas hondo na pangkatnyo aijo'mo i Sisera anu jojoong i Harose-Hagoyim.

1 SAMUEL 25:37

Dodododopno subu-subu salatan i Nabal madi'mo nalangu, pinoto'imo nu bengkele'nyo hi ia, iwi-iwi' na kalakuan anu ma'idek aijo'. Lantas i Nabal kinonamo nu sakit kiijo' i sulenyo sahingga songko-songko na butongnyo kinapi'mo.