YOSUA 4:7 - KITAB NU TUMPU ALLA LELE MA'IMAI'

⁷ tionyo ahi' opoto'i nu belemiu hi aha taalu' Kaunyo nu Yordan madi'mo no'ili tempo'nyo Peti' Palajanjian nu Tumpu tinaapakonmo i kaunyo aijo'. Batu haha aijo' bau tanda da saja' monginau' na bansa Israel apaa na anu jinadimo i aiya.”

YOSUA 4:7 ပူးပေါင်းရင်းမြစ်များ

MAZMUR 111:4

Tumpu aijo' pangkalibosi ka' manonong hondo, Ia nombaumo hahan anu okabangangi da kita sabole-boleh ahi' monginau'.

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 30:16

Limu' na doi aijo' hi bansa Israel, ka' balanjakon bau kapalaluan de monsombahmo i Kemah-Ku. Iwi-iwi' aijo' te doi bau pontobus butong nu aha, ka' aha saja' Ku inau' da ojagai.”

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

NOMBILANGMO 16:40

Aijo' baumo pompo'ingat bansa Israel saba' de misa' lee' i Harun madi' timbali ko samian pe'e toka i mezbah da mompapu kamangian ka' osombahkon hi Tumpu. Mian anu molanggai atulan aijo' opateimo susumo i Korah tiba anu monsangaja'imo ia. Iwi-iwi' aijo' binaumo susumo anu pinalentahkonmo nu Tumpu hi Musa ka' pinoto'inyomo hi Eleazar.

NOMBILANGMO 17:5

Tokon nu mian anu Ku pile'imo atina' minsumpemo. Tiba jalan anu sumo aijo', Ku pobelentimo na pososon nu to mia-mian anu saja' monsosoli belemiu.”

1 KORINTUS 11:24

ka' noko taloakon na Ia talima kaseh hi Tumpu mongkona roti aijo', pinuge-puge-Nyomo na roti aijo' nu lima-Nyo, ka' notatae, “Aiyamo na butong-Ku anu binee'mo kalana komiu. Bau na aiya salaku ponginau' Aku.”

PO'ULE' INGULIT 16:3

Palasombahan i Paskah aijo' tionyo ahi' okaan tiba roti anu madi' ko raginyo. Pitun sinaa na kopinnyo na belemiu tionyo ahi' mongkaan roti anu madi' ko raginyo susumo tempo'nyo belemiu nompala'imo mae tano' nu Mesir anu nolosia'mo mae hondo. Kaanmo na roti aijo', roti anu osanggohi roti nu kasansala'an, da i uno nu kantumuu'an nu belemiu, saja' belemiu tonginau' i sinaa tempo'nyo belemiu nompala'imo mae Mesir, tampat miu nongoa'i kasansala'an.

YOSUA 4:6

Batu haha aijo' salaku bau pompo'ingat bansa aiya mongkona apaa na anu binaumo nu Tumpu. Saidi' mae imihinyo de to ana-anak nu belemiu mompokilawa apaa na alati'nyo nu batu haha aiya hi belemiu,