YOSUA 4:24 - KITAB NU TUMPU ALLA LELE MA'IMAI'

²⁴ da iwi-iwi' na mian anu i dunia aiya monsumbu' palias na kodaka'nyo na kuasanyo nu Tumpu. Ka' tiba jalan anu sumo aijo' belemiu mongadatimo Tumpu, Tumpu Allah nu belemiu sampe toka sidu-sidutu'.”

YOSUA 4:24 ပူးပေါင်းရင်းမြစ်များ

1 TOMU-TOMUNDO' 8:40

da mian anu pinalesayamo hi Belento saja' tulu-tulutan hi Belento hau-haunyo aha daagi' jojoong i lipu' anu bineemo nu Belento hi mompolee' mami.

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

2 TOMU-TOMUNDO' 19:19

O Tumpu, Tumpu Allah mami, lapasakon mae na kami aijo' hi aha to mia-mian nu Asyur da iwi-iwi' na bansa i dunia aiya monsumbu' taalu' ola ahi' belento sa'a-sa'angu'nyo na Tumpu Allah.”

2 TOMU-TOMUNDO' 5:15

Lantas ia ka' iwi-iwi' na anu nombatuki ia po'ule'mo namba hi Elisa. “Uuka aiya sinumbu'kuje,” na koonyo i Naaman hi Elisa. “Taalu' i songko-songko na dunia ola samian na Tumpu Allah. Aijo'mo Tumpu Allah anu osombah nu mian Israel. Kalana aijo' belento Tuan sanang ahi' mae na mongala anu ku bee' aiya.”

1 TAWARIKH 29:12

Iwi-iwi' na kakaya'an ka' kabilahian nolengkat mae hi belento; iwi-iwi' nu kuasai nu Belento nu kahosonan ka' kakuasa'an nu Belento anu madi'mo ko anu molingkudui. Belento ko kuasa mompotimbali mian maumo pa' ihe timbali mian anu ko angga'nyo ka' baani.

AYUB 40:9

Pa' totu'u beleyum mahoson sumo aku? Nupoko ala nu beleyum na motatae sumo gohung pokakana sumo potataengku?

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 89:13

Belentomo na nompotimbali utara ka' selatan, Bungkutnyo nu Tabot ka' Hermon nontaligalaimo Belento.

MAZMUR 89:7

Aita' mae i langit madi' ko anu susumo Belento o, Tumpu, madi' ko malaekat nu suluga' anu mompokakanai Belento.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 20:20

Tinaaman i Musa, “Boli mabuhuk. Tumpu Allah toka mae ola monsobai belemiu da belemiu tataap montuluti Ia, ka' madi' baladosa'.”

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 52:10

Tumpu mompotoamo kakuasa'an-Nyo, i ahop nu mata iwi-iwi' na bansa. Sahingga songko-songko na dunia timbalimo monsakisi'i kasalamatan anu lengkat mae hi Tumpunto.

YEREMIA 32:40

Aku mombaumo palajanjian anu sampe toka sidu-sidutu' hi aha. Aku madi' toho' belenti na mombau palabuatan ma'ima' hi aha. Ku pojadimo na aha da mabuhuk ka' moholomati mae Aku nu kinyonyoa anu totu-totu'u ahi' da aha madi'mo matikojo'on hi Belengku.

PO'ULE' INGULIT 28:10

Sahingga iwi-iwi' na bansa anu i dunia aiya montoamo taalu' belemiu bansa anu pinile'anmo nu Tumpu ka' aha mongkabuhukmo belemiu.

PO'ULE' INGULIT 6:2

Belemiu ka' lee' nu belemiu tionyo ahi' mongadati Tumpu Allah nu belemiu i uno nu kantumuu'an nu belemiu ka' montuluti iwi-iwi' na atulan-Nyo anu binee'kumo hi belemiu, da belemiu pin na tumuu' i lipu' aijo'.

1 SAMUEL 17:46

Sinaamo uuka aiya na Tumpu mombee' mae beleyum hi belengku, beleyum ku patundu'mo ka' ubak nu beleyum ku kolongmo. Butong nu beleyum tiba butong nu to sulu-suludadu nu Filistin ku bee'mo hi tomonsi ka' binatang, da nu kaan nu aha. Sahingga songko-songko na dunia monsumbu'je taalu' kami bansa Israel ko Tumpu Allahnyo anu osombah mami.