YOSUA 4:19 - KITAB NU TUMPU ALLA LELE MA'IMAI'

¹⁹ Mian nu Israel tinokamo i santoanyo nu Yordan i tanggan sampulu' bitu'on anu momonanyo ka' aha binakemahmo i Gilgal i sasu kabete'an Yerikho.

YOSUA 4:19 ပူးပေါင်းရင်းမြစ်များ

2 TOMU-TOMUNDO' 2:1

Tempo'nyo tinokamo, nuhangkatmo nu Tumpu na i Elia mambamo i Suluga' ia i hangkatmo nu mombun anu makansang hondo. Tempo'nyo aitu i Elia ka' i Elisa nambamo lengkat i Gilgal.

AMOS 4:4

Tumpu Anu Matangkas na Kuasanyo na notatae! “O mian nu Israel! Lako'mo i tampat pogalejaan i Betel, ka' pombau mae dosa' ikiijo'! Lako'mo mokiijo' i Gilgal, ka' pombaumo dosa' yayamo na kasanangan nu kinyonyoa nubelemiu! Lako'mo monsombahkon koloban de subu-subumo ka' momboa mae anu obagi sampulu', sambahagian na o'ala anu ohumpak toto tolun sinaa!

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

PO'ULE' INGULIT 1:3

Tinoka tanggan saangu bituon sampulu ka'saangu i uno nu taun ko patompulu'nyo salatan aha nompala i Mesir, Musa nompoto'imo bangsa aijo iwi-iwi na pinalentah nu Tumpu da opotokakon hi aha.

PO'ULE' INGULIT 11:30

Bungkutnyo aijo' ohu-ohua' kiijo' i sasu kinsoban Kaunyo nu Yordan, i da'erah nu aha mian Kana'an anu jojoong i Bangka'nyo nu Yordan mo'ahop i sasu kinsoban madi' majo'on i kau' haha kiijo' tampat bau ponsomban kiijo' i More koko kota Gilgal.)

YOSUA 10:43

Lapas aijo', i Yosua ninsusule'mo tiba suludadunyo nambamo i kemah nu aha kiijo' mae i Gilgal.

YOSUA 10:6

Aha mian nu Gibeon nompolelemo lele aiya hi Yosua kiijo' i kemah nu aha i Gilgal, “Boli opojohok nu belento na kami ola sausa' Tuumangku! Lia-lia' toka mae montulungi kami, kalana suludadu lengkat mae hi tomundo nu aha Amori iwi-iwi' i da'erah anu i bungkutnyo nosa'angu'mo mongewa kami!”

YOSUA 15:7

lapas aijo' i lau-lausmo nokiijo' i Bangka'nyo Kasusa'an toka-toka i Debir, lantas nosele mule' mompanjolongi utara mongahopimo Gilgal i tampat anu mompaha ahop tiba sohipi' nu bungkutnyo anu kiijo' mae i Adumin sasu selatan bangka'nyo aijo'. Lengkat ikiijo' i lau-laus mule' i mata nu uee En-Semes, lantas nokiijo'mo i En-Rogel,

YOSUA 24:11

Lapas aijo' belemiu notaapmo i Kaunyo nu Yordan, ka' tinokamo i Yerikho. Aha mian nu Yerikho nompahampateakonmo belemiu sumo aitu mule' na aha mian nu Amori, mian nu Feris, Kana'an, Het, Girgasi, Hewi tiba mian nu Yebus. Panyo belemiu pino'untung-Kumo na nahampate nongewa aha iwi-iwi'.

YOSUA 4:18

Salatan imam haha aijo' tinokamo aijo' mae i sonibi nu kaunyo, uee nu kaunyo aijo' po'ule'mo no'ili ka' dinaka'mo susumo uuka mae momonanyo.

YOSUA 5:10

Hau-haunyo aha binakemahmo i hatanyo nu Gilgal madi'mo majo'on lengkat i Yerikho, aha mian nu Israel nolame'akonmo Paskah mamalom tanggal sampulu' ka' opat i bitu'on aijo'.

YOSUA 5:9

Tumpu notataemo hi Yosua, “Sinaa aiya ka'ambangan nu belemiu salaku to posa-posaihon kiijo' mae i Mesir ingalinakon-Kumo.” Mokonyo aijo' sinanggohanmo Gilgal na tampat aijo' sampe sinaa aiya.

YOSUA 9:6

Sumo aijo' na balu-balu'nyo nu aha namba nompaha pia i Yosua i kemahnyo kiijo' mae i Gilgal, lantas motatae hi ia ka' hi aha mian nu Israel, “Kami lengkat mae i lipu' anu majo'on hondo ko kahanda' da mombau palajanjian tiba to Tutuuma.”

1 SAMUEL 10:8

Lapas aijo' beleyum tionyo ahai' mambamo i Gilgal ka' otanda'i kiijo' mae pitunsinaa. Tokaje na aku monsombahkon koloban bau pompodame ka' mompoto'i hi beleyum apaa na anu tionyo ahi' nu bau nu beleyum.”

1 SAMUEL 15:33

Lantas i Samuel notataemo, “Susumo bajak nu beleyum nombaumo manjoo' na tina nu anak amdi'mo ko anaknyo, sumo aitumo na beleyum saidi' mae madi'mo ko anaknyo.” Lantas pinahantabasakonmo i Samuel na i Agag i ahop nu mezbah ikiijo' i Gilgal.