YOSUA 4:12 - KITAB NU TUMPU ALLA LELE MA'IMAI'

¹² Susumo anu pinalentahkonmo i Musa, to sulu-suludadu nu tulunan bansa Ruben, Gad ka' sambahagian na tulunan nu bansa Manasye nambamo momona notaap kaunyo.

YOSUA 4:12 ပူးပေါင်းရင်းမြစ်များ

NOSABATMO 13:18

Kalana aitu Tumpu nomboamo aha notulu i jalan mompoliliit da monsahak padang bola mokiijo' i sasu ambai Gelagah. Tempo'nyo nompala'imo Mesir na aha mian nu Israel haha aijo' bubu'mo nomboa toongon susumo anu mahampatemo.

NOMBILANGMO 32:17

Kami mosadiamo mamba mahampate hingga-hinggat tiba to utu-utus mami. Kami na mamba aita' momona montumbuhi ka' momboamo aha minsoop i lipu' anu saidi' mae nu alamo nu aha. Hau-haunyo aijo' to ana-anak ka' bengkele' mami jojoong i aiya i to kota-kota anu ko bentengnyo, anu madi' nupoko ala mae nu tumpumbuhi nu mian i lipu' aiya.

PO'ULE' INGULIT 3:18

Tempo'nyo aitu binee'kumo na palentah aiya hi aha: Tumpu Allah nu belemiu nombee'mo hi belemiu da'erah sasu kabete'an Kaunyo nu Yordan da bau kajojoongan nu belemiu. Panyo to sulu-suludadu miu tionyo ahi' momboa toongon ka' motaap i Kaunyo nu Yordan ka' mamba momona mau ma'isa pe'e na to tulu-tulunan nu aha Israel sangga'at mamba.

PO'ULE' INGULIT 33:21

Tano' anu lebe ma'ima' ingalanyomo hi ia anu mompalentah binee'mo hi aha. Aha nompojalanmo iwi-iwi' na palentah ka' atulan nu Tumpu tempo'nyo to pola-polaya' nu Israel bubuu'mo sinihuk.”

YOSUA 1:14

Iwi-iwi' na anak ka' bengkele' nu belemiu ka' potuu'on nu belemiu timbalimo opo'una' i aiya, panyo belemiu anu mahampate na tionyo ahi' saja' mosadia mahampate ka' aha na mamba momona motaap i Kaunyo nu Yordan, mian nu Israel sangga'at mombatukije i mihi.

YOSUA 4:11

Salatan iwi-iwi' tinokamo i santoanyo to ima-imam anu nolemban Peti' Palajanjian aijo' i lumajangmo namba momona lantas aha imihi-mihije.

YOSUA 4:13

Iwi-iwi' 40.000 na to momo'ane anu ko toongon bau pahampate ka' hau-haunyomo mosadia mahampate. I ahop nu Tumpu, aha notaapmo namba i hatanyo koko Yerikho.