YOSUA 4:10 - KITAB NU TUMPU ALLA LELE MA'IMAI'

¹⁰ To ima-imam haha aijo' tataap satinjonyo i totonga' nu Yordan sampe mian haha aijo' noko baumo iwi-iwi' anu pinalentahkonmo nu Tumpu hi aha susumo anu pinoto'i-Nyomo hi Yosua. Aijo' pokakana sumo anu pinotiju'mo i Musa hi Yosua. Lantas sampamo na aha mian nu Israel notaap i Kaunyo nu Yordan.

YOSUA 4:10 ပူးပေါင်းရင်းမြစ်များ

MAZMUR 119:60

Ku lia-lia'imo ka' madi'mo montanda'i na mompojalan palentah nu Belento.

NOSABATMO 12:39

Aha nontunumo roti anu madi' ko raginyo anu kinomponmo, anu binoa mae nu aha lengkat i Mesir. Aha i laa' pinotolokengkeng sahingga madi' kino tempo' da nontoukaimo mantu.

AMSAL 27:1

Boli lewa' monsisik anu madi' totu'u mongkona sina dodop, kalana madi' nu sumbu' pa' apaa na anu jadi saidi' mae.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

YESAYA 28:16

Kalana aijo' Tumpu Anu Matangkas na Kuasanyo notataemo sumo uuka, “Ku potimpasmo na usoi anu mahoson hondo aita' i Sion; sa'angu' na batu bau usoi anu mahan na olinyo ka' kotulisannyo: ‘Ihe na palesaya totu-totu'u madi' mangaku kala'.’

2 KORINTUS 6:2

I uno nu Kitab nu Tumpu, Tumpu notataemo, “I tempo' anu kinaima'an-Kumo, Aku nohongomo beleyum, ka' i sinaa kasalamatan, Aku nontulungimo beleyum.” Tutugi ima-ima', uukamo aiya na tempo' anu Ku ka'ima'i aijo'. Uukamo aiya na sinaanyo bau pomposalamatan!

PO'ULE' INGULIT 31:9

Lantas i Musa nontulismo atulan nu Tumpu Allah ka' binee'nyomo hi to ima-imam nu aha Lewi anu binee'anmo kalaja da mongka'lesang Peti' Palajanjian, ka' hi to pola-polaya' nu aha Israel.

YOSUA 24:11

Lapas aijo' belemiu notaapmo i Kaunyo nu Yordan, ka' tinokamo i Yerikho. Aha mian nu Yerikho nompahampateakonmo belemiu sumo aitu mule' na aha mian nu Amori, mian nu Feris, Kana'an, Het, Girgasi, Hewi tiba mian nu Yebus. Panyo belemiu pino'untung-Kumo na nahampate nongewa aha iwi-iwi'.

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

YOSUA 4:11

Salatan iwi-iwi' tinokamo i santoanyo to ima-imam anu nolemban Peti' Palajanjian aijo' i lumajangmo namba momona lantas aha imihi-mihije.

YOSUA 4:9

I totonga' nu Yordan aijo' suele i Yosua nompotambunmo sampulu' ka' ohua' na batu i tampat kinatinjoan nu to ima-imam anu nolemban Peti' Palajanjian aijo'. (Batu haha aijo' daagi' sabole-bole ikiijo' sampe tempo' uuka aiya.)