YOSUA 3:8 - KITAB NU TUMPU ALLA LELE MA'IMAI'

⁸ Uuka aiya palentahmo na to ima-imam anu molemban Peti' Palajanjian aijo', da salatan tokamo na aha i kaunyo aha lumolongmo i kaunyo aijo' ka' tuminjo koko sonibinyo.”

YOSUA 3:8 ပူးပေါင်းရင်းမြစ်များ

2 TOMU-TOMUNDO' 2:6

Lapas aijo' notataemo na i Elia hi Elisa, “Jojoongmo i aiya. Aku sinaimo nu Tumpu da mambamo i kaunyo Yordan.” Panyo' tinaaman i Elisa, “I uno nu sanggo nu Tumpu anu tuumu' ka' kalana nyawa nu belento Tuumangku, aku madi' mompala'i belento Tuumangku.” Jadi aha lau-lausmo namba i Kaunyo Yordan,

2 TAWARIKH 29:15

Lapas aijo' aha nomposihukmo to mia-mian nu Lewi sangga'at, ka' aha iwi-iwi' nomposusi'mo butong nu aha. Lapas aijo', to ima-imam ninsoopmo i Laigan nu Tumpu susumo anu pinalentahkonmo nu tomundo, ka' nomposusi'mo butong susumo koonyo nu atulan nu Tumpu. Iwi-iwi' na anu nahumimi'mo sinabatakonmo i popasan nu Laigan nu Tumpu. Lantas binoamo nu mian Lewi i Bangka'nyo nu Kidron i sambiha'nyo nu kota.

2 TAWARIKH 29:27

I Hizkia nombee'imo tanda da koloban anu osombahkon otampu'unimo na monsombahkon. Hau-haunyo koloban osombahkon, to mia-mian monyanyimo nyanyian pompuji' Tumpu ka' to mia-mian anu mompahaikakon musik mompuhimo tolompet ka' mule' pakakas musik sangga'at.

2 TAWARIKH 29:30

I tomundo ka' to mia-mian anu tasanggo nompokaumo da aha mian nu Lewi monyanyiakon pompuji' Tumpu anu tinulis i tomundo Daud ka' i Nabi Asaf. Iwi-iwi' mian i lame'mo hondo na nonyanyi ka' aha tinolodadupumo ka' nonsombahmo Tumpu Allah.

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

NEHEMIA 13:22

Lantas pinokaungkumo na mian nu Lewi haha aijo' mombau adatnyo pomposusi' butong ka' monjagai sabatan daka' haha aijo' montoa ka' montewa' anu toka mae, da mian iwi-iwi' mongadati sinaa nu Sabat. Aku binalado'amo, “O Tumpu Allah, inau'akon mae na aku kalana han aijo', ka' kalibosiakon mae na aku nu kalibosan nu Belento anu talalo hondo daka'.”

NEHEMIA 13:28

I Yoyada anak i Imam Daka' Elyasib, panyo sala'samian na anak i Yoyada tinimbalimo monian i Sanbalat mian nu kota' Bet-Horon. Kalana aijo' i Yoyada i laa'kumo madi'mo timbali jojoong i Yerusalem.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

MOHAANGI 3:26

Jadi, sahanyo ahi' otanda'into ima-ima' sampe Tumpu tokamo mae montulungi;

YOSUA 3:3

ka' nompalentahmo mian nu aha Israel, “De otoa nu belemiu to ima-imam molembanmo Peti' Palajanjian nu Tumpu Allah nu belemiu, belemiu suele mambamo ahi' mompala'i tampat pinombauan kemah aiya. Batuki na Peti' aijo',

YOSUA 3:7

Tumpu notataemo hi Yosua, “Otampu'uni sinaa aiya beleyum Ku potimbalimo mian daka', sahingga iwi-iwi' na mian nu Israel mongadatimo beleyum ka' nusumbu'mo nu aha na Aku aiya saja' monsangalui beleyum susumo Aku nonsangaluimo mae i Musa.

YOSUA 3:9

Lantas i Yosua nolagamo mian nu Israel haha aijo', ka' notatae, “Po'uuka mae ka 'potombihing apaa na anu pinalentahkonmo nu Tumpu nu belemiu hi belemiu.

YOSUA 4:11

Salatan iwi-iwi' tinokamo i santoanyo to ima-imam anu nolemban Peti' Palajanjian aijo' i lumajangmo namba momona lantas aha imihi-mihije.