YOSUA 3:5 - KITAB NU TUMPU ALLA LELE MA'IMAI'

⁵ I Yosua notataemo hi aha mian nu Israel, “Tionyo ahi' belemiu mompokolonde butong, kalana dodop Tumpu mompotoamo anu okabangangi aiya hi belemiu.”

YOSUA 3:5 ပူးပေါင်းရင်းမြစ်များ

AYUB 1:5

Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

MAZMUR 77:15

Belentomo na Tumpu anu nombaumo hahan anu okabangangi, kuasa nu Belento, pinonyata'mo nu Belento hi to bansa-bansa.

MAZMUR 86:10

Kalana Belento mahoson ka' baani ka' mombaumo hahan anu okabangangi, olamo samata-mata Belentomo na Tumpu.

YOËL 2:16

Posihukmo mae na iwi-iwi' mian da'isan palentah na mian anu sinihukmo. Pokau mae da toka na to tu'a-tu'anyo, to ana-anak ka' to bunga-bunga mea' suele. Ka' suele to boti-boting anu salaje' inika' tionyo ahi' toka mae. Pokau mae na aha mompala'i Salipi'nyo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 20:7

O inau' da belemiu tataap susi', kalana Akumo na Tumpu Allah nu belemiu.

NOMBILANGMO 11:8

De pihimo manna aijo' manabu'mo mae hingga-hinggat tiba dondu'ok i tampat pinombauan nu aha kemah. Daagi' subu to mia-mian montolukimo ka' o gilingmo kabai o uja'mo da timbalimo labu, ka' obau kukis anu timpodon ka' madempa'. Nyamitnyo sumo kukis anu o panggang ka' ogalo'i nu lanya' nu zaitun.

YOHANES 17:19

Bau kapalaluan nu aha, Aku mombee' butong-Ku da osumbu' ahi', taalu' kita Tuuma na tumpunyo, da aha suele timbali matungka' kita Tuuma na tumpunyo, aijo' nyata' i hahan anu hondo.

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

YOSUA 3:4

panyo lumajang boli talalo ohani hi Peti' aijo'; batuki aiya mae i mihi sa'angu' na kilometen na kojo'onnyo. Tiba jalan anu sumo aijo' da osumbu' nu belemiu na jalan anu tionyo ahi' otului nu belemiu, kalana belemiu ma'isa toho' notulu i da'erah aiya.”

YOSUA 3:6

Lantas i Yosua nompalentahmo to ima-imam da mohangkatmo Peti Palajanjian aijo' lantas mambamo momona, aha mian nu Israel na imihije mae. Lantas palentah i Yosua aijo' binaumo nu aha.

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.