YOSUA 3:16 - KITAB NU TUMPU ALLA LELE MA'IMAI'

^16-17 tempo'nyo aijo' uee aijo' madi'mo mo'ili. Majo'on hondo aita' mae i sasu matanyo, ueenyo nosa'angu'mo i Adam sa'angu' na kota anu i sasu kota Sartan. Uee anu sasu tuntulannyo anu mo'ili mokaiyong i Ambai Mate suele madi'mo ahi' no'ili, sahingga aha mian nu Israel notaapmo i tano' anu notismo anu mompaha ahop kota nu aha Yerikho. To ima-imam anu nolemban Peti Palajanjian aijo' tataap tinuminjo i totonga' nu kaunyo sahingga iwi-iwi' na aha mian nu Israel tinokamo aijo' mae i santoanyo.

YOSUA 3:16 ပူးပေါင်းရင်းမြစ်များ

KAJADIAN 14:3

Oli-olima' na tomundo aijo' nosa'angu'mo ka' nomposihukmo suludadu nu aha i Bangka'nyo nu Sidim, anu tempo' uuka sinanggohanmo Ambai Mate.

1 TOMU-TOMUNDO' 7:46

I Tomundo' noki bau pakakas haha aijo' kiijo' mae i tambaga olotnyo nu Sukot ka' Sartan i Bangka'nyo nu Yordan.

MAZMUR 114:3

Ambai Gelagah nontoamo-Ia lantas nopalaimo, Kaunyo nu Yordan madi'mo no ili.

MAZMUR 114:5

Nosiamo, o, ambai, sahingga beleyum nopalaimo, ka' mule' Kaunyo nu Yordan madi'mo no ili?

MAZMUR 29:10

Tumpu nongkuasaimo iaba' daka-daka' hondo aijo'mo air bah, Ia binalakuasamo salaku Tomundo' sampe toka sidu-sidutu'.

MAZMUR 33:7

Iwi-iwi' na ambai pinosa'angu'-Nyomo isa'angu' na tampat ndalangon anu talalo ahi' ewa tinahan-Nyomo i uno nu bandungan.

MAZMUR 66:6

Ambai ingabali'-Nyo tinimbali tano' anu kinantisanmo, mompolee' mami notaapmo nokiijo' i santoanyo i lumajang tengke. Sahingga kami i lame'mo kalana palabuatan-Nyo.

MAZMUR 74:15

Belento nompotimbalimo da mata nu uee ka' kaunyo mo'ili; kaunyo anu daka' pinotimbalimo nu Belento da no'oti.

MAZMUR 77:19

Gohung pinoli polintupo, kilat pinokalapitmo, dunia ginayu'anmo ka' i lakatnyomo.

MAZMUR 78:13

Ia nongga'atmo ambai namba poti-potimbiha' lantas nontaapakonmo aha; uee pinotinjo-Nyomo susumo bandungan.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

NOSABATMO 14:22

Uee nobagimo ohua', ka' salatan mian nu Israel notulumo i ambai anu noti-notiismo, aha i lumajangmo i lananyo, ka' uee i sohipi' koanan ka' kowi sumomo mesen anu matangkas.

NOSABATMO 14:29

Panyo tempo'nyo aha mian nu Israel notulumo i lananyo nu ambai noti-notiismo, aha i lumajang uee sumomo mesen anu matangkas i kowi ka' koanan.

NOSABATMO 15:8

Ambai pinuuhanmo nu Belento, uee ningkalulunmo tinimbalimo natangkas, tinuminjomo hodi-hodi' susumo pagan mesen, sahingga lana nu ambai timbalimo otului.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

YEHEZKIEL 47:8

Ia notataemo mae hi belengku, “Kaunyo aiya mo ili mamba isasu kabete'an montulu lipu' aiya ka' mule' montulu Bangka'nyo nu Kaunyo Yordan ka' mompanjolongimo mamba i Ambai Mate, sahingga ambai anu mapakat nu timuson aijo' binolosannyomo nu uee anu matawas.

NAHUM 1:4

Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

HABAKUK 3:8

O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.

NOMBILANGMO 34:3

I sasu selatan potempasannyo aijo' otampu'uni lengkat mae i padang bola Zin montusakon Edom. I sasu kabete'an potempasannyo otampu'uni lengkat mae i pusnyo sasu selatan Ambai Mate,

PO'ULE' INGULIT 1:1

Kitab aiya isinyo potatae anu pinotoi i Musa toka hi bansa Israel tempo'nyo aha kijo i padang bola i bangka'nyo nu Yordan. Bangka, nyo aijo ikijo sasu kabetean kaunyo nu Yordan. Bangka'nyo aijo ikijo sasu kabeteau kaunyo nu Yordan ohani kota Suf olot nu kota Paran ka'kota-kota Tofel, Labau, Hazerot ka Di-Zahabab.

PO'ULE' INGULIT 3:17

I sasu kinsoban da'erah nu aha nokiita' toka-toka i Kaunyo nu Yordan, lengkat mae i Dowiwi Galilea sasu utara toka-toka i Ambai Mate sasu selatan, lau-laus i tengke nu Bungkutnyo Pisga sasu kabete'an.

YOSUA 12:3

ka' mule' monsangkup da'erah Bangka'nyo nu Yordan sasu kabete'an lengkat pe'e mae i dowiwi Galilea mamba mompatui sasu selatan toka-toka Bet-Yesimot (i sasu kabete'an Ambai Mate), lau-laus mamba i tengke nu Bungkutnyo Pisga.

YOSUA 15:2

Lengkat pe'e mae i puusnyo nu selatan i Ambai Mate,

YOSUA 16:7

Lengkat ikiijo' potempasannyo aijo' mokaiyongmo i Atarot ka' Naharot, lantas lau-lausmo montuusakon Yerikho ka' puusnyo toka-toka i Kaunyo nu Yordan.

YOSUA 3:13

Jadi de saidi' mae to ima-imam anu molemban Peti' Palajanjian nu Tumpu mompeja'mo na tengkenyo Kaunyo nu Yordan aijo', ueenyo madi'mo mo'ili, uee anu lengkat mae i matanyo tongompomo i sa'angu' na tampat.”

YOSUA 4:22

poto'iakon hi aha taalu' aha mian nu Israel notaapmo i kaunyo nu Yordan aiya anu notismo.

YOSUA 5:1

Iwi-iwi' na tomundo nu aha Amori i sasu kinsoban Kaunyo nu Yordan, ka' iwi-iwi' na tomundo nu aha Kana'an i sonibi nu Ambai Totonga'nyo nohongomo tukoonyo Kaunyo nu Yordan pinoti'imo nu Tumpu salatan mian nu aha Israel notaapmo i kaunyo aijo'. Sahingga aha nabuhukmo hi mian nu aha Israel ka' i lakatnyomo.

TO MIA-MIAN KOPIAN 7:22

Salatan i Gideon tiba to mia-mian sangalunyo nompuhimo tolompet nu aha, Tumpu nompotimbalimo suludadu nu sampobali' haha aijo' nompaha taba-tabasmo samian ka' samian nu bajak. Aha nalaimo i sasu Zerera kojo'onnyo tinoka-toka i Bet-Sita tiba i kota Abel-Mehola koko Tabat.