YOSUA 3:10 - KITAB NU TUMPU ALLA LELE MA'IMAI'

^10-11 De belemiu mokiijo'mo mongahopimo aha, matantumo na Tumpu molaa'mo aha mian nu Kana'an, Het, Hewi, Feris, Gergasi, Amori tiba Yebus. Ka' salatan Peti' Palajanjian nu Tumpu hau-haunyomo motaap i Kaunyo nu Yordan mamba momona, lantas belemiu imihi-mihije otoamo nu belemiu na Tumpu Allah anu tumuu' atina' hi belemiu.

YOSUA 3:10 ပူးပေါင်းရင်းမြစ်များ

KAJADIAN 15:21

Amori, Kana'an, Girgasi ka' Yebus.”

1 TOMU-TOMUNDO' 22:28

I Mikha notatae, “De belento Tomundo' minsusule'mo mae ma'i-ma'ima', nyata' taalu' Tumpu memang madi' nompoto'i mae susumo anu pinoto'ingkumo! Iwi-iwi' na anu sinihuk i aiya timbalimo sakisi.”

2 TOMU-TOMUNDO' 19:4

Tomundo' Asyur nonsaimo mae samian na suludadu anu matangkas na pangkatnyo da mompopo ambang Tumpu Allah anu tumuu'. Ihe na monsumbu' Tumpu Allah nu belemiu nohongomo pinompopo'ambang aijo' ka' mohukumo aha anu nontaeakon! Kalana aijo' do'akonmo hi Tumpu Allah na mianto haha aijo' anu daagi' tutuu'.”

1 TAWARIKH 1:14

I Kana'an suele mompolee' mae nu aha mian Yebusi, Amori, Girgasi

MAZMUR 42:2

Susumo jonga mongindimo uee nu kaunyo sumo aijo'mo na santuu'ku lewa'mo mongindi' Belento, o Tumpu Allah.

MAZMUR 9:16

To bansa-bansa anu madi' monsumbu' Belento nanabu'mo i bolo' anu pinosi kekemo nu aha; aha kinonamo nu so'o anu posi ahamo na nonta'an so'o.

NOSABATMO 17:7

Tampat aijo' sinanggohanmo Masa kalana i tampat aijo' aha mian nu Israel nonsobaimo Tumpu tempo'nyo aha nompokilawa, “Pa' Tumpu monsangalui mae kita kabai madi'?” Tampat aijo' sinanggohanmo suele Meriba kalana i tampat aijo' aha mian nu Israel nososonmo.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 33:2

Aku monsaije samian na malaekat da molaya' belemiu. Aku molaa'je bansa nu Kana'an, Amori, Het, Feris, Hewi ka' Yebus.

YESAYA 7:14

Uuka aiya posi Tumpumo na mombee'i tanda hi belemiu samian na langkoyang poboa'mo ka' mompohampemo samian na anak mo'ane anu osanggohimo Imanuel.

YEREMIA 10:10

Panyo Belento, Tumpu Allah anu totu'u Tumpu Allah anu mombee'i mae kantumuu'an, tomundo' anu sampe toka sidu-sidutu'. De Belento pusamo tano' gayu'anmo de Belento motambuha'mo to bansa-bansa madi' moko ala mongahopi. (

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

NOMBILANGMO 13:29

Mian nu Amalek jojoong sasu selatan i lipu' aijo'; mian nu Het, mian nu Yebus ka' Amori jojoong i da'erah puge'nyo; panyo mian nu Kana'an monjojoongi da'erah anu montuus ambai ka' montuusakon Kaunyo nu Yordan.”

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

YOHANES 6:69

Kami pinalesayamo totu-totu'u, kalana i Tumpumo na anu susi' sinai mae lengkat hi Tumpu.”

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 5:26

Te toho' daagi' ko manusia anu tataap tumuu' salatan mohongomo Tumpu Allah anu tumuu' motatae i uno nu apu?

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

PO'ULE' INGULIT 7:21

Jadi boli mabuhuk hi bansa haha aijo'. Tumpu Allah nu belemiu na monjagai belemiu. Ia Tumpu Allah anu talasanggo ka' okabuhuk.

1 TESALONIKA 1:9

Iwi-iwi' na mian aijo' notatae mongkona mosia na komiu nontalima kami, tempo'nyo kami u'utu mae tinokamo hi komiu. Aha notatae mongkona mosia na komiu nompala'imo to pilo-pilogot ka' tinokamo samata-mata hi Tumpu anu tumuu' da palesaya hi Ia.

IBRANI 10:31

Palias na ko sansalanyo de manabu' i lima nu Tumpu Anu Tumuu'!

YOSUA 11:3

Ia suele nonsai mian namba hi mian nu Kana'an sasu kinsoban ka' sasu kabete'an nu Yordan, namba hi mian nu Amori, Het, Feris, tiba aha mian nu Yebus i da'erah nu bungkutnyo, ka' mule' aha mian nu Hewi i tengke nu Bungkutnyo nu Hermon i da'erah nu Mizpa.

YOSUA 12:8

Da'erah aijo' monsangkup da'erah nu bungkutnyo, da'erah tengkenyo nu bungkutnyo sasu kinsoban, Bangka'nyo nu Yordan tibamo da'erahnyo i tengke nu bungkutnyo, da'erah anu i sohipi' nu bungkutnyo sasu kabete'an, ka' da'erah padang bola sasu selatan. Da'erah haha aijo', aijo'mo na da'erah anu toho'mo kinajojoongan nu bansa Het, Amori, Kana'an, Feris, Hewi ka' Yebus.

YOSUA 21:45

Tumpu saja' mongganapi apaa na anu jinanji'-Nyomo hi aha mian nu Israel; madi' ko sa'angu' pe'e na anu madi' Nu ganapi.

YOSUA 22:31

Lantas notataemo na i Pinehas, anak i Imam Eleazar, hi mian haha aijo' tulunan nu bansa Ruben, Gad tiba Manasye anu i sasu Kabete'an, “Uuka aiya sinumbu'mo mami na Tumpu, saja' mombalakati kita, kalana belemiu saja' mohongo-hongo Ia: Belemiu nomposalamatmo mian nu Israel da boli nuhukum nu Tumpu.”

YOSUA 24:11

Lapas aijo' belemiu notaapmo i Kaunyo nu Yordan, ka' tinokamo i Yerikho. Aha mian nu Yerikho nompahampateakonmo belemiu sumo aitu mule' na aha mian nu Amori, mian nu Feris, Kana'an, Het, Girgasi, Hewi tiba mian nu Yebus. Panyo belemiu pino'untung-Kumo na nahampate nongewa aha iwi-iwi'.

YOSUA 3:9

Lantas i Yosua nolagamo mian nu Israel haha aijo', ka' notatae, “Po'uuka mae ka 'potombihing apaa na anu pinalentahkonmo nu Tumpu nu belemiu hi belemiu.

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

1 SAMUEL 17:26

Lantas notataemo na i Daud, “Baani hondo na mian nu Filistin anu bapilogot aijo' mongewa suludadu nu Tumpu Allah anu tumuu'!” Lapas aijo' pinokilawanyomo hi sala' samian na suludadu, “Apaa na anu nu bee'hi mian anu moko ala mompatei mian nu Filistin aijo', ka' da bau salaku pontong ambang nu aha Israel?”

1 SAMUEL 26:6

Lapas aijo' pinokilawamo i Daud hi Ahimelekh mian nu aha Het, ka' hi Abisai utus i Yoab (tina nu aha i Zeruya), “Ihe na baani minsoop tiba aku mokiijo' i uno nu kemah i Saul?” Tinaaman i Abisai, “Akumo!”