YOSUA 3:1 - KITAB NU TUMPU ALLA LELE MA'IMAI'

¹ Dodododopnyo, i Yosua ka' iwi-iwi' na mian nu aha Israel daagi' subu-subu hondo aha nobulamo, lantas nompala'imo tampat pinombauan nu aha kemah kiijo' i Sitim, ka' nambamo nokiijo' i Kaunyo nu Yordan. Tinoka ikiijo' aha nombaumo kemah polalanuan hipian na motaap.

YOSUA 3:1 ပူးပေါင်းရင်းမြစ်များ

KAJADIAN 21:14

Dodododopnyo subu-subu, binee'anmo i Abraham na i Hagar anu okaan, ka' sa'angu' na botutu kilit pinongisian uee da bau mantu ijalan. Ia nomposombung anak aijo' hi bekoang i Hagar ka' nonsaimo boune aijo' da mambamo. Lantas nambamo na i Hagar ka' jinojoongmo lewa' sinongko i padang bola Bersyeba.

KAJADIAN 22:3

Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia.

MAZMUR 119:60

Ku lia-lia'imo ka' madi'mo montanda'i na mompojalan palentah nu Belento.

YEREMIA 25:3

“Inguampulu' ka' totolu' na taun na kinopinnyo, salatanmo pe'e itaun kinosampulu'nyomo ka' totolu' na i Yosia nompalentah Yehuda anak momo'ane i Amon sampe tinoka isinaa aiya Tumpu notataemo mae hi belengku ka' madi' toho' madi' pinoto'ingku hi belemiu apaa na anu pinoto'i-Nyomo mae. Panyo madi' ahi' pinajulian nu belemiu.

YEREMIA 26:5

Belemiu tionyo mule' ahi' mompotombihing apaa na anu nu poto'i nu posaihon-Ku, to nabi-nabi anu sabole-bole saja' Ku palentah mamba hi belemiu. Panyo belemiu madi' ka'oho' mompotombihing aha.

YEREMIA 7:13

Maumo ahi' Ku po uli-ulitmo na motatae hi belemiu, panyo belemiu madi' ahi' mongka'oho' mompotombihing mae. Belemiu mombau dosa' aijo' iwi-iwi' ka' madi' mongka'oho' montaami de Ku lagamo.

MIKHA 6:5

O, mian-Ku anu palesayamo boli okolilimi apaa na anu tinanga'anmo i Balak tomundo' nu aha Moab kona hi belemiu ka' mosia na i Bileam anak i Beor nontaami hi ia. Boli okolilimi apaa na anu jinadimo i jalan olot nu pinombauan kemah kiijo' i Sitim tiba Gilgal. De madi' okolilimi nu belemiu iwi-iwi' aijo' tantu osumbu'je nu belemiu apaa na anu binaung-Kumo kahanda' momposalamat belemiu.”

NOMBILANGMO 25:1

Hau-haunyo bansa Israel jinojoongmo i Bangka'nyo nu Sitim, to momo'ane nu aha nasala'mo tiba to bou-boune nu aha Moab anu jojoong ikiijo'.

MARKUS 1:35

Dodododopnyo, daagi' subu-subu hondo i Yesus nobula ka' nompala'i laigan. Ia namba nokiijo' i tampat anu liing i sambiha' nu kota, ka' binalado'a i kiijo' mae.

YOSUA 2:1

Lapas aijo' lengkat mae i Kemah nu aha kiijo' mae i Sitim, i Yosua nonsaimo ua'aha na mian anu mamba mondoyoni Kana'an. Ua'aha na mian aijo' pinalentah da mamba montoa pa' mosia na lipu' Kana'an panyo matikohowini da boli nusumbu' nu aha, ka' anu talalo penting hondo kota Yerikho. Sahingga nambamo na aha i kota aijo' ka' nompoita da jojoong pe'e i laigan nu samian na boune anu biasa masala', sanggonyo i Rahab.

YOSUA 6:12

Dodododopnyo subu-subu hondo, i Yosua nobulamo lantas ko pinduannyomo na to ima-imam ka' suludadu nojiji ka' ilumajang montikubi kota aijo' susumo anu binaumo momona; anu namba momonanyo aha anu ko toongon bau pahampate lapas aijo' aha popitu' na imam anu mompuhi tolompet, lapas aijo' atina'je mae na to ima-imam anu molemban Peti' Palajanjian ka' anu imihinyo mae atina'je ka' anu ko toongon bau pahampate. Hau-haunyo aijo' tolompet saja'mo o puhi.

YOSUA 6:15

I sinaa ko ipitunnyomo aha nobulamo daagi' subu hondo batu nu sinaa sala'je bete' mae lantas nojiji mule' montikubi kota Yerikho aijo' susumo anu saja'mo binau. Ola i sinaa anu ko ipitunnyomo aijo' yo aha nontikubimo kota aijo' pinopimpitunmo na sinunsum.

YOSUA 7:16

Dodododopnyo subu-subu hondo, i Yosua nompokaumo aha mian nu Israel toka mae toto sa'angu' na tulunan nu bansa. Jadi kinona hi tulunan nu bansa Yehuda.

YOSUA 8:10

Daagi' subu-subu hondo i Yosua nobulamo ka' nompalentahmo suludadunyo da sihukmo mae. Lapas aijo' ia ka' to pola-polaya' nu aha mian Israel nomboamo suludadu haha aijo' namba i Ai.

TO MIA-MIAN KOPIAN 20:19

Dodododopnyo subu-subu nambamo na aha ka' binakemahmo koko kota Gibea.

1 SAMUEL 17:20

Dodododopnyo subu-subu i Daud nobulamo ka' nogogaumo. Dombanyo pinoki toanyo pe'e hi samian na polaya' domba, lapas aijo' ia nongalamo boaonnyo ka nambamo, susumo anu pinalentahkonmo nu tuumanyo. Ia tinoka i kemah nu aha Israel tempo'nyo aijo' mian nu Israel nambamo i tampat pahampatean ka' lewa'mo nolo ais, mongaisakon mahampate.