YOSUA 24:33 - KITAB NU TUMPU ALLA LELE MA'IMAI'

³³ Lapas aijo' i Eleazar anak i Harun suele sinilakamo, ka' i lamunmo kiijo' i Gibea, aijo'mo kota i da'erah nu bungkutnyo nu Efraim. Kota aijo' binee'mo hi Pinehas, anak i Eleazar. 66

YOSUA 24:33 ပူးပေါင်းရင်းမြစ်များ

YOSUA 22:13

Lantas i Pinehas, anak i Imam Eleazar, na sinai mae nu mian Israel mamba hi tulunan nu bansa Ruben, Gad tiba tulunan nu bansa Manasye anu kiijo' mae i da'erah Gilead sasu kabete'an nu Yordan.

NOSABATMO 6:25

I Harun ka' i Musa aijo'mo na anu pinalentah nu Tumpu da momboa to mia-mian nu Israel mosabat lengkat i Mesir.

IBRANI 7:24

Panyo i Yesus tumuu' sampe toka sidu-sidutu', jadi pangkat-Nyo salaku imam madi' molalin hi mian sangga'at.

SISIKON NU TO RASUL-RASUL 13:36

I Daud sinilakamo ka' kinubun mule' nohingga-hinggat tiba mompolee'nyo, noko bau na ia apaa na anu sinaiyakonmo nu Tumpu Allah. Bangke' i Daud suele nahutakmo ka' ningkotmo iwi-iwi'.

ZAKHARIA 1:5

Iyamo mae na mompolee' nu belemiu tiba to nabi-nabi tempo uuka aiya? Madi'mo daagi' ko ahanyo.

MAZMUR 49:10

da ia madi' silaka ka' daagi' timbali tumuu' sampe toka sidu-sidutu'.

AYUB 30:23

Ku sumbu', na Belento nomboamo aku i tampat anu monsilakai, pomposihukan ka' bau kajojoongan nu anu daagi' tumuu' iwi-iwi'.

YOSUA 14:1

Uuka aiya monsisikakonmo mosia na lipu' Kana'an anu i sasu kinsoban Kaunyo nu Yordan binagi-bagiakonmo hi aha mian nu Israel. Anu nombagi-bagiakon tano' aijo' hi aha mian nu Israel i Imam Eleazar, i Yosua anak i Nun, tiba to tu'a-tu'anyo nu auwan anu hi aha tulunan nu bansa Israel.

NOMBILANGMO 3:32

Polaya' tulunan nu aha Lewi aijo'mo i Eleazar, anak i Harun. Ia na montoa to mia-mian anu mokalaja i Salipi' anu Susi'.

NOSABATMO 6:23

I Korah kino anak aha totolu' na mo'ane: I Asir, i Elkana ka' i Abiasaf. Aha aijo'mo na mompolee' mae nu aha sa'anakan i Korah.

TO MIA-MIAN KOPIAN 17:8

Panyo uuka aiya ia nompala'imo kota aijo' ka' nambamo nolio tampat kajojoongan sangga'at. Ia namba aijo' sinonso'mo hi laigan i Mikha i daerah nu bungkutnyo daerah nu aha Efraim.

1 SAMUEL 1:1

Daagi ko samian na mo'ane sanggonyo i Elkana minsoop tulunan nu bansa Efraim. Ia jojoong i kota Rama i da'erah Efraim anu mabungkut. I Elkana anak i Yeroham, makumpu mae i Elihu. Ia monsoop poto'utusan mae i Tohu, gampanyo mae nu aha tulunan i Zuf.

1 SAMUEL 9:4

Lantas i Saul tiba posaihonnyo nambamo nonsongkohi daerah anu i bungkutnyo nu Efraim ka' tano' Salisa, panyo madi' ihumpak na binatang haha aijo'. Lapas aijo' aha sabole-bolemo i lumajang namba i tano' Sahalim, panyo keledai haha aijo' madi' ahi' i humpak.

2 SAMUEL 20:21

Aijo' misa' tanga'an mami. Panyo samian na boune sanggonyo i Seba anak i Bikri, anu lengkat mae i daerah nu bungkutnyo Efraim, na nombaumo gau' ma'idek hi Tomundo Daud. Bee'mo mae na ia da ku pala'imo na kota' aiya.” Boune aijo' notatae, “Ubak nu boune aijo' olumbu'akonje mami mae hi belento Tuan lengkat mae aiya i pagan mesen.”

1 TOMU-TOMUNDO' 4:8

Aha sampulu' ka' ohua' na kapala da'erah aijo', samian na gubernur na mongkapalai. Aiya na sanggo nu to kapa-kapala da'erah haha aijo' ka' da'erah anu nu kuasai nu aha: I Ben-Hur: da'erah nu bungkutnyo Efraim I Ben-Deker: kota Makas, Saalbim, Bet-Semes, Elon, Bet-Hanan I Ben-Hesed: kota Arubot, Sokho, ka' songko-songko na da'erah Hefer. I Ben-Abinadab, langkai' i Tafat anak boune i Salomo: songko-songko na da'erah Dor. I Baana anak i Ahilud: kota Taanakh, Megido ka' songko-songko na da'erah koko Bet-Sean, koko kota Sartan i sasu selatan kota Yizreel sampe toka-toka mokiijo' i kota Abel-Mehola ka' kota Yokmeam. I Ben-Geber: kota Ramot i Gilead, to kampu-kampung i Gilead anu nu aha mae mian nu Yair lee' mae i Manasye, da'erah Argob i Basan; iwi-iwi' 60 na kota daka' anu pinohoson nu benteng ka' pinaha supatan nu tambaga I sabatannyo toto daka-daka' I Ahinadab anak i Ido: da'erah Mahanaim I Ahimaas, langkai' i Basmat anak boune i Salomo: da'erah Naftali I Baana anak i Husai: da'erah Asyer, kota Alot I Yosafat anak i Paruah: da'erah Isakhar I Simei anak i Ela: da'erah Benyamin I Geber anak i Uri: da'erah Gilead, anu naipuan mae nu kuasai i Sihon tomundo' nu aha Amori ka' i Og tomundo' nu Basan.

2 TOMU-TOMUNDO' 5:22

“Ampun Tuan aku pinokau mae mompoto'i hi belento Tuan, tukoonyo ko nabi ua'aha daagi' olitau sala'je tinoka lengkat mae i da'erah bungkutnyo Efraim. O Tuan, ku poita da belento Tuan mombee'i mae 3.000 na doi salaka ka' baju' anu ma'ima' ohua' na paan da obee' hi nabi anu ua'aha kiijo'.”

TO MIA-MIAN KOPIAN 18:13

Lengkat ikiijo' aha i lumajangmo lau-laus namba i da'erah bungkutnyo nu Efraim lantas tinokamo ilaigan hi Mikha.

EZRA 7:5

i Abisua i Pinehas i Eleazar i Imam Daka' Harun.