YOSUA 24:19 - KITAB NU TUMPU ALLA LELE MA'IMAI'

^19-20 Lantas i Yosua notataemo, “Panyo belemiu kugantang madi' moko ala palesaya ka' mohongo-hongo Tumpu, kalana Ia Tumpu Allah anu susi'. Anu Ola Sa'a-sa'angu'nyomo. Ia madi' mongka'oho' ko anu mongkakanai. De belemiu mompala'imo Ia ka' palesayamo ka' mohongo-hongomo hi to pilo-pilogot sangga'at, Ia madi'mo mongampuni dosa' nu belemiu. Panyo ola ahi', Ia mongewamo ka' mohukum belemiu. Ia mompateimo belemiu, maumo naipuan mae Ia nanonongmo hi belemiu.”

YOSUA 24:19 ပူးပေါင်းရင်းမြစ်များ

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 99:3

Bakas da aha mompuji' anu talalo hondo oholomati. Ia talalo hondo susi'!

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

MAZMUR 99:9

Oholomati ka' opopodaka' na Tumpunto, ka' sombahmo na Ia i Puge'-Nyo anu Ia na tumpu'nyo ka' anu susi' hondo, kalana susi' hondo na Tumpunto.

NOSABATMO 20:5

Boli monsombah patong anu sumo aijo' kalana Akumo na Tumpu Allah nu belemiu, ka' Aku madi' mongka'oho' opokakanakon tiba maumo pa' apaa. To mia-mian anu mongka'ideki Aku, Ku hukum toka-toka i lee' ko totolu'nyo ka' ko opatnyo.

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

NOSABATMO 34:14

Boli monsombah pilogot sangga'at, kalana Aku, Tumpu, te Tumpu Allah anu madi' mongka'oho' opokakanakon tiba mau mule' pa' apaa.

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

YESAYA 2:9

Toto samian o'alumo ka' opopo ambangmo. Boli mongampuni aha o Tumpu!

YESAYA 27:11

De to panga-panga'nyo manggasmo ka' mopato'mo tokamo mae nu ala nu to bou-boune da bau kau' anu oposun. Bansa aijo' madi' ko anu nu pisumbu-sumbu', sahingga Tumpu anu nompotimbalimo ia madi'mo daagi' mongkalibosi aha.

YESAYA 30:11

Lako'mo bolimo mamba mae hi kami, pongalamo jalan sangga'at. Bolimo mae sola' mongganggu kami tiba Tumpu Israel anu susi'.”

YESAYA 30:15

Tumpu Anu Matangkas na Kuasanyo, Tumpu nu Israel anu susi', nompoto'imo hi mian anu palesayamo hi Ia, “Balatobatmo ka' potataap na kinyonyoa da belemiu Ku posalamat. Palesaya mae na Aku nu kinyonyoa anu madi' mimpio-pio' da belemiu Ku bee'ije kahosonan.” Panyo belemiu madi' ahi mongka'oho'!

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

IMAMAT 20:7

O inau' da belemiu tataap susi', kalana Akumo na Tumpu Allah nu belemiu.

NAHUM 1:2

Tumpu madi' mongka'oho' ko anu molingkudui, mian anu molawan Ia tionyo mohumpak hukuman. Kalana talalomo pinusa, Ia nombalosimo kasala'an nu aha.

HABAKUK 1:13

Panyo mosia na Belento ka' moko ala montoa mian haha aijo' anu ma'idek na kinyonyoanyo ka' anu buhingison aijo'? Temisa' Belento na talalo ahi' susi' na montoa palabuatan ma'idek haha aijo'? Temisa Belento na mongoa'i ahi' monguahi na montoa palabuatan anu madi' adin? Jadi kadaka' Belento ola momohokot salatan montoa mian anu palesaya ohansunimo nu mian anu palaganta?

MATIUS 6:24

“Madi' ko samian pe'e timbali mokalaja hi ohua' na tuan. Kalana ia lebe mongkalibosi samian molingkudui anu sangga'at. Kabai ia lebe mohongo-hongo hi tuan samian molingkudui sangga'at. Sumo aitu suele na komiu. Komiu madi' timbali mokalaja bau kapentingan nu Tumpu ka' bau kapentingan suele i halata'.

YOSUA 24:18

Ka' salatan kita ninsoopmo i lipu' aiya Tumpu nolaa'mo mian nu Amori iwi-iwi' anu jojoong i aiya. Jadi kami palesayamo ka' mohongo-hongomo Tumpu, kalana Iamo na Tumpu Allah-nto.”

YOSUA 24:23

“Desumo aijo' yo alinmo na to pilo-pilogot nu to bansa-bansa sangga'at anu daagi' itina' hi belemiu na,” koonyo i Yosua, “ka' balajanji'mo saba' belemiu mohongo-hongomo Tumpu, Tumpu Allah nu Israel.”

I RUT 1:15

Notataemo na i Na'omi hi ia, “Rut, Toa aijo'! Dawok nu beleyum ninsusule'mo hi bansanyo ka' hi to pilo-pilogotnyo. Lako'mo na beleyum suele, anaku batukimo na ia ninsusule'mo!”

1 SAMUEL 3:14

Kalana aijo' Ku sumpa'akonmo na aha salaigan i Eli, saba' dosa' nu aha anu talalomo hondo manjoo' aijo' madi'mo opoko ala o'ampuni nu koloban kabai pa' apaa na anu osombahkon sampe toka sidu-sidutu'.”

1 SAMUEL 6:20

Lantas aha mian nu Bet-Semes notataemo, “Ihe na moko ala tuminjo i ahop nu Tumpu, Tumpu Allah Anu Susi' aijo'? Iya na pomboan Peti' aijo' da majo'on lengkat hi kita?”