YOSUA 24:17 - KITAB NU TUMPU ALLA LELE MA'IMAI'

¹⁷ Tumpu Allah-nto na nompobebasmo to mompo-mompolee'to tiba kita da madi'mo binotuanan kiijo' mae i Mesir. Kita nontoamo anu okabangangi binau nu Tumpu. Saja' Tumpu nonjagai kita iyayamae na anu ilajangantomo iwi-iwi', notulu hi iwi-iwi' na lipu' nu mian anu i salipu'an.

YOSUA 24:17 ပူးပေါင်းရင်းမြစ်များ

2 TAWARIKH 13:10

Kami tataap palesaya hi Tumpu Allah mami ka' madi' o hiku mami na Ia. To ima-imam mami tataap lee' mae i Harun, ka' to mia-mian nu Lewi tataap montulungi aha.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 19:4

“Tinoamo nu belemiu apaa na anu binaung-Kumo hi mian nu Mesir ka' mosia na Aku nomboamo mae belemiu hi beleng-Ku i tampat aiya nu kuasa anu daka' hondo sumomo tomonsi' bonyia' momboa soma'nyo aita' i polipiknyo.

YESAYA 46:4

Aku tataap Tumpu nu beleyum sampe belemiu langkai'mo ka' bengkele'mo; ka' tataap monjagai belemiu sampe belemiu uanonmo. Aku na nompotimbalimo belemiu ka' tataap ahi' mompotuu' belemiu. Aku na montulungi ka' momposalamat belemiu.

PO'ULE' INGULIT 29:2

I Musa nompokaumo aha Mian nu Israel iwi-iwi' da sihuk, lantas notataemo hi aha, “Pinosi toamo nu belemiu apaa na anu binaumo nu Tumpu hi tomundo nu aha Mesir, batu-batu anu ko pangkatnyo ka' songko-songko na lipu'nyo.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.

YOSUA 24:16

Sahingga aha mian nu Israel haha aijo' nontaamimo, “Kami madi' hondo-hondo mompala'i Tumpu lantas mompalesayamo ka' mohongo-hongomo to pilo-pilogot sangga'at!

YOSUA 24:18

Ka' salatan kita ninsoopmo i lipu' aiya Tumpu nolaa'mo mian nu Amori iwi-iwi' anu jojoong i aiya. Jadi kami palesayamo ka' mohongo-hongomo Tumpu, kalana Iamo na Tumpu Allah-nto.”