YOSUA 24:15 - KITAB NU TUMPU ALLA LELE MA'IMAI'

¹⁵ De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

YOSUA 24:15 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

1 TOMU-TOMUNDO' 18:21

Lantas i Elia nokiijo'mo hi mian da'isan ka' notatae, “Sampe toka hipian na tempo'nyo belemiu daagi' sabole-bole tataap mompo'ohua' kinyonyoa? De Tumpu aijo', Tumpu Allah, osombah na Tumpu! De Baal aijo' Tumpu Allah, osombah na Baal!” Mian da'isan anu sinilimu' i kiijo' ola nomohokot.

1 TAWARIKH 1:14

I Kana'an suele mompolee' mae nu aha mian Yebusi, Amori, Girgasi

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

MAZMUR 119:106

Anu jinanji'kumo ka' sinumpa'mo tionyo ku ganapi, bau pintoongan i kaputusan nu Belento anu adin.

NOSABATMO 23:2

Boli mombaya'i mian da'isan de aha mombau sala' kabai monggeo-geo'akon atulan ka' mombee'i katalangan anu madi' totu'u.

NOSABATMO 23:24

Boli monsombah patong anu monjagai aha ka' boli montiho mosia na aha monsombah. Idei na patong haha aijo' anu monjagai aha ka' hobo'akon na ohi' batu haha aijo' anu nupake nu aha monsombah.

NOSABATMO 34:15

Boli mombau palajanjian tiba bansa nu lipu' aijo' kalana de aha monsombahmo ka' monsombahkonmo koloban hi to pilo-pilogot nu aha, aha mongendeimo belemiu, ka' obatukimo nu belemiu.

YEHEZKIEL 20:39

Tumpu Anu Matangkas na Kuasanyo notataemo, “O, to mia-mian nu Israel, uuka aiya yayamo belemiu. Saboleh-bolehmo ahi' pombau dosa' monsombahmo pilogot nu belemiu haha atina'! Panyo jaga lapas mae na atina' belemiu tionyo ahi' montulutimo Aku ka' madi'mo ahi' daagi' mohumimi'i sanggong-Ku anu susi' kalana momboamo palasombahan hi pilogot nu belemiu haha atina'.

DANIEL 3:18

Panyo de bisuanyo Ia madi' ahi' mombau yo da osumbu' nu belento Tuanku kami madi' ahi' monsombah pilogot nu belento Tuanku ka' madi' ahi' suele monsombah patong mosoni' anu pipinotinjomo nu belento Tuanku aijo'.”

IMAMAT 14:42

Lantas batu haha aijo' anu ingalinakonmo tionyo ahi' obolosi nu batu anu toto bu'ou-bu'ou. Iwi-iwi' na mesen nu laigan aijo' tionyo ahi' olapisimo nu pelester anu bu'ou.

MIKHA 4:5

Iwi-iwi na bansa i dunia aiya monsombahmo ka' tulu-tulutanmo hi posi pilogot nu aha. Panyo kita na montuluti ahi' Tumpunto ka' monsombah Ia sampe toka sidu-sidutu'.

SISIKON NU TO RASUL-RASUL 11:23

Ka' salatan i Barnabas tinokamo kiijo' mae, ka' nontoa mosia na Tumpu nombalakatimo to mia-mian aijo', ia ilame' hondo. Lantas ia nompoita da aha totu-totu'u mohongo-hongo Tumpu nu iwi-iwi' na kinyonyoa.

PO'ULE' INGULIT 29:18

Jadi obala'ingati boli sampe daagi' ko samian atina' hi belemiu mo'ane kabai boune, Utus miu kabai tulunan nu bansa anu tinuminjo i aiya, tolo sule'mo mohikumo Tumpu Allah-nto ka' monsombahmo to pilo-pilogot nu bansa sangga'at. Palabuatan aijo' sumomo bakat anu tumuu' timbalimo kau' mapakat ka' kolasungnyo.

YOSUA 24:16

Sahingga aha mian nu Israel haha aijo' nontaamimo, “Kami madi' hondo-hondo mompala'i Tumpu lantas mompalesayamo ka' mohongo-hongomo to pilo-pilogot sangga'at!

TO MIA-MIAN KOPIAN 6:10

Pinoto'ing-Kumo hi belemiu tukoong-Ku Akumo na Tumpu Allah nu belemiu, ka' tukoong-Ku belemiu madi'mo timbali monsombah to pilo-pilogot nu bansa Amori anu jinojoonganmo miu na lipu' nu aha tempo' uuka aiya. Panyo belemiu madi'mo nohongo-hongo anu pinalentahkon-Kumo.’ ”