YOSUA 24:14 - KITAB NU TUMPU ALLA LELE MA'IMAI'

¹⁴ “Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

YOSUA 24:14 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 35:2

Lantas pinoto'imo i Yakub hi aha sa'anakan ka' hi iwi-iwi' na mian anu galu-galum tiba ia, “Kita mambamo lengkat i aiya ka' mokiijo'mo i Betel. Ikiijo' mae aku mompotinjomo mezbah ponsomban Tumpu Allah anu nontulungimo mae aku tempo'nyo aku kinasusa'anmo ka' anu nonjagaimo mae aku iyaya na kinalambananku. Jadi alin na patong nu to pilo-pilogot anu lengkat mae i salipu'an anu daagi' hi komiu; bau na adat pompobelesi butong ka' pusok na baju' anu belesi'.”

2 TOMU-TOMUNDO' 20:3

“O Tumpu, inau'akon mae na aku aiya anu nokalajamo ma'i-ma'ima' hi belento, ka' aku madi' lewa' tinageo' na kinyonyoa.”

EZRA 9:11

anu binee'mo nu Belento hi kami, pipinoto'imo mae nu to nabi-nabi to posa-posaihon nu Belento. Aha nompoto'imo hi kami tukoonyo tano' anu kahanda'mo o joongi mami aijo' madi'mo sinusi' kalana iwi-iwi' na mian anu monjoongi lengkat pe'e i pusnyo sa'angu' toka i pusnyo sa'angu' nombaumo anu mahumimi' ka' nahenyumo.

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 119:1

Mohumpak ka'ima'an na mian anu kantumuu'annyo madi' ko kasala'annyo ka' tulu-tulutan hi atulan iwi-iwi' nu Tumpu.

MAZMUR 119:80

O' amalakon da kinyonyoangku madi' mosele mompala'i atulan nu Belento, da aku madi' ma'ambang.

MAZMUR 130:4

Panyo Belento mongampunimo ahi', da mian montulutimo ahi Belento.

MAZMUR 81:10

Boli ko anu atina' hi belemiu daagi' ko anu palesaya hi pilogot sangga'at, boli monsombah pilogot nu aha mian anu i salipu'an.

YEHEZKIEL 20:18

Ka' mule' to ana-anak nu aha anu daagi' to oli-olitau ka' to lalangkoyang aijo' hi aha pinokinde'an-Kumo sumo uuka, ‘Bolimo daagi' montuluti atulan-atulan anu binau nu mompolee' nu belemiu. Bolimo daagi' mombau kabiasa'an nu aha ka' suele bolimo daagi' mohumimi'i butong nu belemiu monsombahmo pilogot nu aha haha aijo'.

YEHEZKIEL 23:3

Daagi' aha lalangkoyang aha jinojoong i Mesir. Ikiijo' mae aha madi'mo pinarawan, lantas aha tinimbalimo anu saja' masala'.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

LUKAS 8:15

Bine' anu nanabu' i tano' anu ma'omuk, sumomo mian anu mohongo lele aijo', lantas monguna' i kinyonyoa anu ma'ima' ka' hodi'. Aha moko ala sabaan sampe mohasinakon bua'.”

SISIKON NU TO RASUL-RASUL 9:31

Sahingga jama'at i songko-songko na Yudea, Galilea ka' i Samaria madi'mo binata-bata. Roh nu Tumpu na nontulungi da nabuhuk hi Tumpu, sahingga to jama-jama'at aijo' nompaka majumo ka' nompaka da'isanmo.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

EFESUS 6:24

O amalakon da Tumpu mombalakati kita Utus iwi-iwi' anu mongkalibosi Tumpunto i Yesus Kristus, nu kalibosan anu madi' ko kapopoho'annyo. Tabea' mami, I Paulus

PO'ULE' INGULIT 10:12

“Uuka aiya to Utu-utus, palahatikan apaa na anu nupoita nu Tumpu Allah nu belemiu hi belemiu: O'adati na Tumpu Allah nu belemiu ka' baumo iwi-iwi' na palentah-Nyo.

PO'ULE' INGULIT 18:13

Jadi tionyo ahi' belemiu mohongo-hongo Tumpu Allah nu belemiu nu kinyonyoa anu totu-totu'u.”

PO'ULE' INGULIT 6:13

O adati na Tumpu, Tumpu Allah nu belemiu, ka' ola Ia na osombah, ka' de belemiu basumpa', aijo' obau ka' ola sanggo-Nyo na sanggo.

FILIPI 1:10

Tiba jalan anu sumo aijo' komiu monsumbu'mo mompile'i apaa na anu talalo ma'ima', ka' kantumuu'an miu belesi'mo i kasala'an kabai maumo pa'apaa na posala' opokona hi komiu, i sinaanyo de i Kristus mompo'ule'mo toka.

YOSUA 24:2

Lapas aijo' i Yosua notataemo hi aha iwi-iwi', “Potombihing mae apaa na anu pinoto'imo nu Tumpu, Tumpu Allah nu Israel hi belemiu, ‘Naipuan mae mompolee' nu belemiu jinojoongmo i santoa nu Kaunyo Efrat, ka' nonsombahmo to pilo-pilogot. Samian anu aijo' hi aha aijo'mo i Terah, tuuma i Abraham ka' i Nahor.

YOSUA 24:23

“Desumo aijo' yo alinmo na to pilo-pilogot nu to bansa-bansa sangga'at anu daagi' itina' hi belemiu na,” koonyo i Yosua, “ka' balajanji'mo saba' belemiu mohongo-hongomo Tumpu, Tumpu Allah nu Israel.”

1 SAMUEL 12:14

Higahiakon na belemiu de belemiu mongadatimo Tumpu ka palesayamo hi-Ia, ka' mule' mompotombihingmo ka' mohongo-hongomo palentah-Nyo, apaa mule' de belemiu tiba tomundo' nu belemiu aijo' sabole-bole ahi' tulu-tulutan hi Tumpu Allah nu belemiu.

1 SAMUEL 12:24

O adati na Tumpu ka' otuluti na Ia, ka' ohongo-hongo ka' okinyonyoai ahi' nu belemiu totu-totu'u. Sabole-bole o inau' na hahan anu daka' anu binaumo nu Tumpu hi belemiu.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”