YOSUA 23:6 - KITAB NU TUMPU ALLA LELE MA'IMAI'

⁶ Kalana aijo', opokopiani da belemiu saja' montuluti ka' mombau iwi-iwi' apaa na anu tinulismo i uno nu Kitab Atulan i Musa. Mau ola sa'angu' madi' timbali olanggai na atulan haha aijo'.

YOSUA 23:6 ပူးပေါင်းရင်းမြစ်များ

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

MAZMUR 101:3

kalakuan anu ma'idek madi'mo ola ku pojohok. Ku ka'idekimo na palabuatan nu mian anu moteba'mo na kapalesaya'annyo, ka' madi'mo moninggalo' hi aha.

MAZMUR 119:102

Aku madi' mongkolilimi atulan nu Belento, kalana Belentomo na nompogulu' aku.

YEREMIA 9:3

ka' saja' balaniat da baleko'. Isongko-songko na lipu' palabuatan anu totu'u madi'mo balakuasa, pakalaus kinyonyoa anu madi'mo hodi' jinadimo iyaya mae. Tumpu notatae, “Mian anu palesayamo hi beleng-Ku nombaumo palabuatan anu ma'idek madi'mo kinokabelentiannyo, aha madi'mo nongakui Aku salaku Tumpu Allah nu aha.”

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 17:20

De ia saja' mombasa' saba ia madi' monsangka butongnyo na lebe ma'ima' molingkudui to mia-mian sangko bansanyo, ka' madi' molanggai palentah nu Tumpu mau mule' pa' mosiamo. Lantas ia ka' lee'nyo mompalentahmo bansanyo opotulu-tulunakon.”

PO'ULE' INGULIT 28:14

Panyo boli hondo-hondo mongkolilimi palentah haha aijo' mau mule' pa' mosiamo. Ka' boli mule' monsombah ka' mompalesaya to pilo-pilogot sangga'at.”

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”