YOSUA 23:15 - KITAB NU TUMPU ALLA LELE MA'IMAI'

¹⁵ Panyo susumo Ia nombaumo batu-batu anu jinanji'-Nyomo hi belemiu, sumo aitu mule' na Ia sabole-bole mombau batu-batu anu tinanga'an-Nyomo mombaya'i belemiu.

YOSUA 23:15 ပူးပေါင်းရင်းမြစ်များ

1 TOMU-TOMUNDO' 14:15

Tumpu mohukumo Israel sahingga gayu'anmo susumo kau' anu totototon i uee. Nu sabatakonmo nu Tumpu na mian nu Israel ilipu' anu ma'ima' aiya anu binee'-Nyomo hi mompolee' nu aha. Nu ga'a ga'atakonmo na aha mamba i sasu Kaunyo nu Efrat, kalana aha nonsaduakonmo da ia notambuha' kalana aha lewa'mo nombau patong nu Asyera.

1 TOMU-TOMUNDO' 8:56

“O puji' na Tumpu anu nombee'imo mae ka'amanan hi mian anu pinalesayamo hi ia susumo anu jinanji'-Nyomo hi Musa posaihon-Nyo. Iwi-iwi' na anu ma'ima' anu jinanji'-Nyomo ginanapan-Nyomo.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YEREMIA 32:24

To mia-mian nu Babel nombau pagan mesen da bau pontumbuhian iduhu-duhuk na kota' da timbali opoko ala na kota' aijo' ka' uuka aiya aha nontumbuhimo. Pahampatean, kasusa'an i anu okaan, tiba panyakit anu molele na monsaduakonmo kota aiya matundu'mo hi lima nu aha Babel.

YEREMIA 32:42

Susumo Aku nompotokamo mae balaa' hi aha bansa aiya, sumo aijo'mo na Aku mombee'mo iwi-iwi' na anu ma'ima jijinanji'-Kumo hi aha.

YEREMIA 35:17

Kalana aijo' Aku, Tumpu Anu Mahakuasa, Tumpu Allah Israel, mompotokamo mae aiya hi belemiu – mian nu Yehuda tiba Yerusalem – iwi-iwi' na balaa' anu tinantukan-Kumo mongkona belemiu, susumo anu pinoto'ing-Kumo. Han aijo' Ku baumo kalana belemiu madi' mongka'oho' mohongo-hongo de Ku poto'imo hi belemiu, ka' belemiu madi' mongka'oho' montaami salatan Ku lagamo na belemiu.”

IMAMAT 26:3

De belemiu tumuu' ka' montuluti atulan-Ku haha aiya ka' mule' montuluti palentang-Ku haha aiya.

1 TESALONIKA 2:16

Ka' aha nontewa'mo kami mompolele hi aha to bansa-bansa anu misa' Yahudi, lele anu timbali momposalamat bansa haha aijo'. Tiba jalan anu sumo aijo' komiu mian nu Yahudi aijo' saja'mo montuangi to dosa-dosa' nu aha sampe konjoo'nyo sampa'mo. Ahennyo uuka aiya aha nu konaimo nu tambuha' nu Tumpu.

TO MIA-MIAN KOPIAN 13:1

Mian nu Israel nompo'ule'mo binaladosa' hi Tumpu, lantas Tumpu nompojohokmo mian nu Filistin nongkuasai aha kinopinnyo pinatompulu' na taun.

TO MIA-MIAN KOPIAN 3:12

Aha mian nu Israel po'ule' mule' binaladosa' hi Tumpu, sahingga pinohosonmo nu Tumpu na i Eglon tomundo nu aha Moab, nolingkuduimo Israel.

TO MIA-MIAN KOPIAN 3:8

Sahingga Tumpu nontambuha'imo aha mian nu Israel, ka' nompojohokmo aha pinatundu' i Tomundo Kusyan-Risyataim anu nolengkat mae i Mesopotamia. Ualu' na taun na kinopinnyo na tomundo aijo' nompalentah aha.

TO MIA-MIAN KOPIAN 6:1

Po'ule' mule' mian nu Israel binalado'a hi Tumpu, sahingga Ia nombee'mo hi bansa Midian da kinuasan nu aha pinopitu' na taun na kinopinnyo.