YOSUA 23:13 - KITAB NU TUMPU ALLA LELE MA'IMAI'

¹³ bala'ingati, kalana Tumpu Allah nu belemiu totu-totu'u madi'mo molaa' bansa haha aijo' de mompala'imo belemiu. Panyo ola ahi', ahamo na monsilakai belemiu, kalana aha timbalimo susumo so'o kabai bau pohakop belemiu. Ahamo na monsaduakon belemiu da sansala hondo; kalana aha timbalimo susumo bau pondoke i tundun miu kabai susumo hii' i uno nu mata miu. Belemiu saja'mo mongoa'i sansala sahingga maumo ola samian anu atina' hi belemiu madi'mo ko anu jojoong i lipu' anu ma'ima' aiya anu binee'mo nu Tumpu Allah nu belemiu hi belemiu.

YOSUA 23:13 ပူးပေါင်းရင်းမြစ်များ

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

2 TOMU-TOMUNDO' 17:18

sahingga Tumpu pinusamo hondo hi aha, ka' madi'mo daagi' nonginau' aha. Ingalinnyomo na aha da madi'mo jojoong i tano' anu binee'-Nyomo hi aha, anu daagi' tinontuha' me kalaja'an Yehuda.

2 TOMU-TOMUNDO' 17:20

sahingga Tumpu madi'mo daagi' nongakui iwi-iwi' na mian nu Israel. I hukum-Nyomo na aha ka' binee'-Nyomo hi anu monsampo bali' aha anu toto ue-uesan. Ia madi'mo daagi' monginau' aha, panyo ingalin-Nyomo na aha da madi'mo jojoong i tano' anu binee'-Nyomo hi aha.

2 TOMU-TOMUNDO' 25:21

i da'erah Hamat. I kiijo' mae aha sinakisamo ka' pinateanmo. Sumo aijo' na mian nu Yehuda haha aijo' binoa lengkat mae i lipu' nu aha namba i lipu' anu pinompojoongan aha.

2 TOMU-TOMUNDO' 25:26

Sahingga iwi-iwi' na mian da'isan nu Yehuda anu kaya kabai kasiasi hingga-hinggat tiba suludadu anu toto tangka-tangkas na pangkatnyo nalaimo namba i Mesir kalana nabuhukmo hi mian nu Babel.

MAZMUR 69:22

Pakalaus mule' aku pinokanaannyomo mae nu aha lasung; salatan inegotmo aku binee'annyomo mae suka da o'inum.

NOSABATMO 10:7

Singkapmo notatae na aha anu ko pangkatnyo hi tomundo, “Sampe toka hipian na kopinnyo na mian aijo' saja' mae momposusa' kita? Pobee'mo iwi-iwi' na mian nu Israel haha aijo' mamba monsombah Tumpu, Tumpu Allah nu aha. Toa lipu' to aiya na'idekmo!”

NOSABATMO 23:33

Boli mompobee' mian haha aijo' jojoong i lipu' nu belemiu da belemiu boli monsombah to pilo-pilogot nu aha, ka' baladosa'mo hi beleng-Ku. De belemiu monsombahmo pilogot nu aha haha aijo', belemiu nukonamo nu ponggoda nu aha sahingga belemiu silakamo.”

NOSABATMO 34:12

Boli mombau palajanjian tiba to mia-mian i lipu' anu olambani miu, kalana han aijo' timbalimo monsaduakon sahingga belemiu mohumpak kasilakaan.

NOSABATMO 34:16

De to ana-anak nu belemiu mo'osoamo tiba to bou-boune anu i salipu'an, aha nusale'imo nu boune haha aijo' da opala'imo na Aku ka' monsombahmo pilogot haha aijo' nu aha.

YEHEZKIEL 28:24

Tumpu notatae, “Iwi-iwi na lipu' anu mompaha ohani anu madi' toho' nompopo ise' Israel madi'mo daagi' sumo unok tiba hii' anu monsakiti Israel. Aha mangalati'mo taalu' Akumo ahi' na Tumpu Anu Matangkas na Kuasanyo.”

NOMBILANGMO 33:55

Panyo de anu jojoong i lipu' aijo' madi' o laa' nu belemiu mian haha aijo' anu sabole-bole jojoong ikiijo' saidi' mae momposusa'mo belemiu sumomo bone' i mata nu belemiu kabai hii' i tengke nu belemiu. Saidi' mae ahamo na mompahampateakon belemiu.

LUKAS 21:24

Daagi' ko anu opatei nu bajak, daagi' mule' ko anu oboa salaku anu i hakop, oboa i lipu-lipu' nu mian; ka' to mia-mian anu madi' monsumbu' Tumpu, mompeja-peja'mo i Yerusalem sampe mingkot na tempo' anu tinantukanmo nu Tumpu hi aha.”

PO'ULE' INGULIT 29:28

Pusa nu Tumpu hi aha i lubatakon-Nyomo hondo-hondo ka' pusa-Nyo anu taha-tahahumo aijo' Ia nonsabatakonmo bansa Israel da mompala'imo tano' nu aha ka' nongalinmo aha namba i lipu' nu mian anu i salipu'an sahingga aha kiijo'mo mae.’

PO'ULE' INGULIT 30:18

tantu belemiu osilakaimo ka' umun nu belemiu kodo'mo i lipu' anu madi'mo daagi' pin kajojoonganmo nu belemiu. O inau'! Kalana han aijo' pinoto'ingkumo hi belemiu sinaa aiya.

PO'ULE' INGULIT 4:26

Langit ka' tano' na timbali sakisi sinaa aiya de maluannyo belemiu madi' tulu-tulutan hi belengku, belemiu malia-lia' sampa mate i tano' anu o jojoongi miu i santoa nu Kaunyo Yordan aijo'. Belemiu madi' pin na jojoong ikiijo', belemiu opateimo ingko-ingkot.

PO'ULE' INGULIT 7:16

Batu-batu bansa anu nubee'mo nu Tumpu Allah nu belemiu da okuasaimo nu belemiu tionyo ahi' opateimo nu belemiu; boli mompotoa kalibosan hi aha. Boli monsombah to pilo-pilogot nu aha, kalana kalakuan anu sumo aijo' mompotoka mae balaa' hi belemiu.

2 TIMOTIUS 2:26

Tiba jalan anu sumo aijo' aha po'ule'mo sinsumbu' ka' nolapasmo i ponggoda'an nu Ibilis anu nonsale'imo aha ka' nompakisamo aha mombatuki pongka'oho'nyo.

TO MIA-MIAN KOPIAN 2:21

Uuka aiya Aku madi'mo mongka'oho' molaa', maumo pa' bansa apaa anu daagi' i lipu' aiya de i Yosua silakamo.