YOSUA 23:12 - KITAB NU TUMPU ALLA LELE MA'IMAI'

¹² De belemiu madi' mohongo-hongo ka' belemiu maninggalo'mo tiba to bansa-bansa anu daagi' jojoong atina' hi belemiu, ka' belemiu mongosoaimo aha,

YOSUA 23:12 ပူးပေါင်းရင်းမြစ်များ

KAJADIAN 2:24

Mokonyo aijo' mo'ane mompala'imo tuuma ka' tinanyo ka' mosa'angu'mo tiba bengkele'nyo, lantas ua-ua'aha timbalimo sa'asa'angu'.

KAJADIAN 34:3

Panyo ia talalomo hondo nongkamilui i Dina, sahingga kina'ima'annyomo na ia ka' noliomo jalan da langkoyang aijo' suele mongka'ima'i ia.

1 TOMU-TOMUNDO' 11:2

Pinalentahkonmo nu Tumpu tukoo-Nyo mian nu Israel madi' timbali mo osoa mogogalo'an tiba bansa haha aijo', dumo aha saidi' mae monsaduakonmo mian nu Israel monsombahmo to pilo-pilogot sangga'at. Maumo sumo aijo' i Salomo nongosoaimo mule' ahi' aha to bou-boune mian anu isalipu'an.

1 TOMU-TOMUNDO' 11:4

sahingga ia salatan ilangkai'mo pinoko alamo nu aha na pagala nonsale'i sahingga ia nonsombahmo to pilo-pilogot sangga'at. I Daud tuuma i Salomo montuluti hondo Tumpu, Tumpu Allahnyo panyo i Salomo madi'mo sumo tuumanyo.

MAZMUR 125:5

Panyo mian anu tageo' na kinyonyoanyo sahanyo nu hukumo nu Tumpu hingga-hinggat tiba mian anu ma'idek na kinyonyoanyo. O' amalakon da mian anu palesayamo hi Belento mohumpak kantumuu'an ma'ima'!

MAZMUR 36:3

Ia monsangka butongnyo ihebatmo hondo, sahingga madi'mo nu oa'i na kasala'annyo ka' madi' ahi' nu ka'ideki na palabuatannyo.

YESAYA 1:4

Silakamo na belemiu bansa anu binaladosa', to mia-mian anu palalente ka' mian anu ma'idek na kinyonyoanyo! Belemiu inanabu'mo kalana-binaladosa'mo na belemiu. Belemiu madi'mo nonsumbu' Tumpu ka' nohikuhakonmo Tumpu anu Talalo hondo susi' anu tionyo ahi' osombah nu belemiu.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

ZEFANYA 1:6

Ku pateimo na aha anu madi' toka hi beleng-Ku kabai madi' momoita pangajalan-Ku, ka' mule' anu mompala'imo Aku ka' madi'mo daagi mongka'oho' mombatuki Aku.”

MATIUS 12:45

Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

YOHANES 6:66

Lengkat pe'e tempo' aijo' manjoo' na anu saja' mombatuki Ia nompala'imo Ia, ka' madi'mo nongka'oho' po'ule' mombatuki Ia.

ROMA 12:9

Kalibosi nu kinyonyoa sanang. Opimpali na anu ma'idek, ka' mintoong i anu ma'ima'.

PO'ULE' INGULIT 6:15

De belemiu monsombahmo to pilo-pilogot sangga'at, saba' belemiu mohumpakmo tambuha' hi Tumpu Allah nu belemiu ka' Nu pateimo iwi-iwi', kalana Tumpu Allah nu belemiu anu aiya hi belemiu madi' mongka'oho' opokakanakon tiba pa' apaa.

PO'ULE' INGULIT 7:3

Belemiu madi' timbali mongosoai aha, ka' boli mompobee' to ana-anak miu mo'osoa ka' aha,

PO'ULE' INGULIT 7:4

da boli nupojo'on nu aha na to ana-anak nu belemiu hi Tumpu ka' monsombahmo to pilo-pilogot sangga'at. De belemiu monsombahmo to pilo-pilogot sangga'at nutambuha'imo nu Tumpu ka' belemiu Nu pateimo.

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.

1 YOHANES 2:9

Mian anu motatae tukoonyo ia kiijo'mo i uno nu jingka, panyo mian aijo' daagi' mongka'ideki utusnyo, mian aijo' daagi' i uno nu kapintungan sampe tempo' uuka aiya.

TO MIA-MIAN KOPIAN 14:3

Panyo tuumanyo tiba tinanyo notatae, “Kadaka' tionyo mamba hi aha mian nu Filistin na pohumpakan bengkele', yo aitu aha madi' minsoop mian anu pinalesayamo hi Tumpu? Te madi' ko anu aiya hi bubu' kita kabai anu hi bansanto iwi-iwi' na madi' ko samian na langkoyang anu mompahakona?” Tinaaman i Simson hi tuumanyo, “Panyo langkoyang nu Filistin aijo'mo na anu ku ka'ima'i. Ka' ku taha'imanimo na belento tuumangku mompokilawakonmo ia da ku alamo.”

TO MIA-MIAN KOPIAN 3:6

Aha mian nu Israel nompaha oso-osoaimo bansa haha aijo' ka' suele nonsombahmo to pilo-pilogot nu aha.