YOSUA 23:11 - KITAB NU TUMPU ALLA LELE MA'IMAI'

¹¹ Kalana aijo', o inau' ka' saja' mongkalibosi Tumpu Allah nu belemiu.

YOSUA 23:11 ပူးပေါင်းရင်းမြစ်များ

NOSABATMO 20:6

Panyo Ku potoa na kalibosan-Ku hi mada-madala na lee' nu to mia-mian anu mongkanonongi Aku ka' tulu-tulutan hi Palentah-ngKu.

AMSAL 4:23

Ojagai na kinyonyoa nu beleyum ima-ima', kalana kinyonyoa nu beleyum na montantukan jalan nu kantumuu'an nu beleyum.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 16:22

Mian anu madi' mongkalibosi Tumpu, nukutuki nu Tumpu na ia! Maranatha – Tumpu mami, tinokamo!

1 KORINTUS 8:3

Panyo anu totu-totu'u mongkalibosi Tumpu, ia nusumbu' nu Tumpu.

EFESUS 5:15

Mokonyo aijo', opokopiani ima-ima' na gau' nu kantumuu'an miu. Boli tumuu' sumo to mia-mian ponga'; tumuu'mo sumo to mia-mian anu pande.

PO'ULE' INGULIT 30:16

Sinaa aiya ku palentahmo na belemiu da mongkanonongimo Tumpu Allah nu belemiu ka' tulu-tulutanmo hi Ia ka' mule' mombaumo apaa na koonyo nu atulan-Nyo iwi-iwi' ka' palentah-Nyo da mongoa'imo kasanangan ka' timbalimo bansa anu daka'. Tumpu Allah nu belemiu mombalakatimo belemiu i lipu' anu madi'mo daagi' pin baumo kajojoongan nu belemiu.

PO'ULE' INGULIT 30:20

Kanonongi na Tumpu Allah nu belemiu, otuluti na Ia ka' obau apaa na anu pinoto'i-Nyomo. Sahingga belemiu ka' lee' nu belemiu mantan na umun i lipu' anu jinanji'mo nu Tumpu hi mompolee' nu belemiu, hi Abraham, hi Ishak ka' hi Yakub.”

PO'ULE' INGULIT 4:15

“Tutugi ima-ima'! Tempo'nyo Tumpu notatae hi belemiu i uno nu apu kiijo' mae i Bungkutnyo nu Sinai, madi' ko apa-apaa na anu tinoa nu belemiu.

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

YOSUA 22:5

Ka' sabole-bole o inau' da belemiu saja' montuluti atulan anu pinalentahkonmo i Musa hi belemiu, aijo'mo kalibosi na Tumpu Allah nu belemiu, otuluti na pongka'oho'-Nyo, o hongo-hongo na palentah-Nyo iwi-iwi' boli panggagah hi Ia, ka' palesaya na Ia nu kinyonyoa totu-totu'u.”

YOSUA 23:10

Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

YOSUA 23:12

De belemiu madi' mohongo-hongo ka' belemiu maninggalo'mo tiba to bansa-bansa anu daagi' jojoong atina' hi belemiu, ka' belemiu mongosoaimo aha,