YOSUA 23:10 - KITAB NU TUMPU ALLA LELE MA'IMAI'

¹⁰ Toto samian atina' hi belemiu moko ala mompatundu' momada-madala na mian, kalana Tumpu Allah nu belemiu na mahampate monsangaja'i belemiu susumo anu jinanji'-Nyomo.

YOSUA 23:10 ပူးပေါင်းရင်းမြစ်များ

2 SAMUEL 23:8

Aiya na sanggo nu to sulu-suludadu i Daud anu talasanggo hondo: Anu momona aijo'mo i Ishbaal mian nu Hakhmoni, anu mongkapalai, “Tompukan ko Totolu'nyo” (Triwira). Daagi kinominsan ia nahampate nongewa aha walu'atu na mian ka' nompateimo aha iwi-iwi' nu talombo'nyo.

1 TAWARIKH 5:20

Suludadu haha aijo' palesaya hi Tumpu Allah ka' nomoitamo tulung hi Ia, sahingga pinopoi'mo nu Tumpu na anu pinoita nu aha ka' nombee'imo ka'untungan nahampate na aha mian nu Hagri haha aijo' tiba anu nonsangaja'imo aha.

MAZMUR 35:1

Mazmur i Daud. O Tumpu, ewa na mian anu mongewamo mae aku, pahampateakon na mian anu mompahampateakonmo mae aku.

MAZMUR 46:7

Tumpu notataemo mae susumo gohung na onyi'nyo, sahingga tano' nohintutumo; to bansa-bansa kinalangkabutmo, to kara-karaja'an nahungku'mo.

NOSABATMO 14:14

Tumpu na mahampate monjagai belemiu, ka' belemiu boli mombau apa-apaa.”

YESAYA 30:17

Samadala na mian saidi' mae ola mopalai de montoamo samian na sampobali' montumbuhimo mae belemiu, ka' de ahamo olima' na montumbuhi mae belemiu iwi-iwi' mopalaimo. Anu sanggombu na suludadu nu belemiu me totahan sangkau na tiang nu bandela' aita' ipuge'nyo.

IMAMAT 26:7

Belemiu moko alamo mompatundu' anu monsampobali' belemiu;

IMAMAT 26:8

aha olima' na belemiu moko alamo mompatundu' sa'atu na mian, ka' aha sa'atu na mian, belemiu moko mompatundu' sa'atu na madala na mian.

ZAKHARIA 12:8

I sinaa aijo' Ku jagaimo na mian anu jojoong i Yerusalem; ka' anu madi' mahoson aijo' hi aha timbalimo mahoson susumo i Daud. Aha lewa'mo nu potiju' nu lee' mae i Daud susumo anu lewa' binau nu malaekat-Ku, ka' mule' susumo anu lewa' binaung-Ku.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 20:3

‘To utu-utus soba potombihing mae! Sinaa aiya belemiu mambamo mahampate. Boli mabuhuk kabai hente na kinyonyoa kabai bata-bata!

PO'ULE' INGULIT 20:4

Nusangaluije nu Tumpu Allah na belemiu ka' montulungi belemiu, ka' nu bee'je hi belemiu na ka'untungan de mahampate.’

PO'ULE' INGULIT 28:7

De belemiu otumbuhimo, Tumpuje na mohungku'i sampobali' nu belemiu. Mau tangatunmo ka' mahosonmo na aha montumbuhi mae, panyo aha malai ka' mosubali.

PO'ULE' INGULIT 3:22

Boli okabuhuk na aha, kalana Tumpu Allah nu beleyum na mahampate monsangaja'i belemiu.”

PO'ULE' INGULIT 32:20

Ia notatae, ‘Aku madi'mo montulungi aha; pojohok Ku toaje pa' mosia na ka ahenannyo mae na aha. Kalana bansa aijo' talalo hondo panggaga ka' madi' hondo mohongo-hongo.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

YOSUA 10:42

Ola minsan na nahampate, i Yosua nohungku'imo tomundo haha aijo' iwi-iwi' ka' nompatundu'mo da'erah iwi-iwi' anu nu kuasai nu aha, kalana Tumpu, Tumpu Allah nu Israel nahampatemo nonsangalui Israel.

YOSUA 23:11

Kalana aijo', o inau' ka' saja' mongkalibosi Tumpu Allah nu belemiu.

YOSUA 23:3

Belemiu nontoamo iwi-iwi' apaa na anu binaumo nu Tumpu Allah nu belemiu kona hi bansa iwi-iwi' i aiya kalana montutugi belemiu. Aha nahampate monsangaja'i belemiu aijo'mo Tumpu Allah nu belemiu.

TO MIA-MIAN KOPIAN 15:15

Lapas aijo' ia nohumpakmo sa'angu' na aje nu keledai anu daagi' bu'ou. Tinoluknyo na bukunyo aijo', ka' bau pinompahantutukakonnyo 1.000 na mian sahingga i nate.

TO MIA-MIAN KOPIAN 3:31

Polaya' anu suele aiya mule', aijo'mo i Sangar anak i Anat. Ia suele nontinjohakonmo ka' nompobebasmo mian nu Israel. Tiba tokonnyo anu bau pola'i sapi' de olaya'mo, aijo'mo na bau pinompateinyo 600 na aha mian nu Filistin.

1 SAMUEL 14:6

Sahingga notataemo na i Yonatan hi olitau aijo', “Imbo' da olambanintomo mokiijo' i ponjaga'an nu aha mian Filistin anu daagi halipulu aijo'. Ihe na monsumbu' nu tulungi mae nu Tumpu na kita. Kalana Tumpu moko ala mombee'i mae ka untungan mahampate mau da'isan na mian maumo ola sangkiding na mian.”