YOSUA 22:4 - KITAB NU TUMPU ALLA LELE MA'IMAI'

⁴ Sahingga susumo anu jinanji'-Nyomo, Tumpu Allah nu belemiu nombee'imo ka'amanan hi to utu-utus nu belemiu, mian nu Israel sangga'at. Jadi, uuka aiya pinsusule'mo i posi da'erah nu belemiu i sasu kabete'an Kaunyo nu Yordan aijo' anu binee'mo i Musa hi belemiu u'utu mae.

YOSUA 22:4 ပူးပေါင်းရင်းမြစ်များ

1 TAWARIKH 22:18

Ia notatae, “Tumpu Allah nu belemiu montulungimo belemiu ka' nombee'imo kadamean ka' ka'amanan i songko-songko na lipu'. Ia nombee'imo kahosonan aku sahingga noko alamo nompatundu' iwi-iwi' bansa anu naipuan mae jinojoong i lipu' aiya. Tempo' uuka aha tinundu'mo hi beleyum ka' hi Tumpu.

NOSABATMO 33:14

Tumpu notatae, “Belemiu Ku jagaije da mohumpak tano' anu jinanji'-Kumo.”

NOMBILANGMO 32:18

Kami madi' minsusule' i laigan mami de ma'isa pe'e iwi-iwi' mian nu aha Israel mohumpak tano' bau pusaka' nu aha.

PO'ULE' INGULIT 12:9

kalana belemiu ma'isa ninsoop i lipu' anu binee'mo nu Tumpu Allah nu belemiu hi belemiu, tampat anu tataapmo na kajojoongan nu belemiu, ka' madi'mo ko anu mompoposia.

PO'ULE' INGULIT 29:8

Tano' nu aha ingalantomo ka' binee'tomo bau bagi nu aha tulunan nu bansa Ruben, Gad ka' sambahagian anu nu tulunan nu bansa Manasye.

PO'ULE' INGULIT 3:20

Tulungi na to mia-mian bubuu' bansa miu sahingga aha monjojoongimo tano' anu nubee'je nu Tumpu Allah miu hi aha, i sasu kinsoban Kaunyo nu Yordan, ka' sahingga Tumpu nonsitujuimo aha tinumuu' ka' na'ima'mo kiijo' mae, susumo anu binau-Nyomo hi belemiu i aiya. Lapasje aitu ka' belemiu timbali minsusule' i tano' nu belemiu anu binee'kumo hi belemiu.

IBRANI 4:8

De bisuannyo i Yosua nombee'imo mian haha aijo' da mingkain sumo jinanji'mo nu Tumpu, saba' Tumpu madi'mo daagi' notatae mongkona sinaa sangga'at.

YOSUA 1:15

Belemiu tionyo ahi' montulungi aha sahingga aha jojoongmo i tano' sasu kinsoban Kaunyo nu Yordan aijo' anu binee'mo nu Tumpu Allah nu belemiu hi aha. De nubee'imo nu Tumpu ka'amanan ka' madi'mo ko anu mompoposia aha iwi-iwi' bansa Israel, atina'je ka' belemiu timbali minsusule' i posi tano' nu belemiu anu i sasu kabete'an nu Yordan aiya. Anu binee'mo i Musa posaihon nu Tumpu aijo' hi belemiu.”

YOSUA 12:6

Aijo'mo na tomundo ua'aha anu pinatundu'mo i Musa hingga-hinggat tiba bansa Israel, tano' nu tomundo' haha aijo' binee'mo i Musa, posaihon nu Tumpu aijo' hi tulunan i Ruben, i Gad ka' sambahagian na tulunan nu bansa Manasye, da ahamo na tumpunyo nu tano' aijo'.

YOSUA 13:15

Sambahagian na tano' anu jinanji'mo nu Tumpu hi aha mian nu Israel aijo' binee'mo i Musa hi to utu-utus nu aha tulunan nu bansa Ruben, da timbalimo aha na tumpunyo.

YOSUA 13:8

Tulunan nu bansa Ruben ka' Gad ka' sambagian na tulunan nu bansa Manasye mohumpakmo tano' anu binee'mo i Musa, posaihon nu Tumpu, aijo'mo tano' anu i sasu kabete'an Kaunyo nu Yordan.

YOSUA 22:3

Sumo uukamo na kopinnyo madi' toho' belemiu nompojohok to utu-utus nu belemiu, mian nu Israel sangga'at, mosi pahampate. Belemiu nontulutimo totu-totu'u iwi-iwi' na palentah nu Tumpu Allah nu belemiu.