YOSUA 22:34 - KITAB NU TUMPU ALLA LELE MA'IMAI'

³⁴ Ahennyo tulunan nu bansa Ruben tiba Gad haha aijo' notataemo, “Mezbah aiya timbalimo sakisinto iwi-iwi' saba' Tumpu aijo'mo na Tumpu Allah.” Sahingga sinanggohanmo nu aha na mezbah aijo' “Sakikisi”.

YOSUA 22:34 ပူးပေါင်းရင်းမြစ်များ

KAJADIAN 31:47

I Laban nonsanggohimo tambunan nu batu aijo' Yegar-Sahaduta, panyo i Yakub nonsanggohi Galed.

KAJADIAN 31:48

Notataemo na i Laban hi Yakub, “Tambunan nu batu aiya timbalimo tanda hi kita ohua'.” Mokonyo aijo' tampat aijo' sinanggohanmo Galed.

1 TOMU-TOMUNDO' 18:39

Salatan tinoamo nu mian da'isan apa-apaa na jinadimo aijo' aha tinolodadupumo i tano' ka' notatae, “Tumpu, memang Tumpu Allah! Totu-totu'u Tumpu aijo', memang Tumpu Allah!”

YESAYA 19:19

Tempo'nyo aijo' ipuso nu lipu' Mesir daagi'mo ko sa'angu' na mezbah bau ponsomban Tumpu, ka' ipotempasannyo sa'angu' na ohi' batu anu salaku bau tanda monginau' Tumpu.

YESAYA 43:10

O, mian anu palesayamo hi beleng-Ku, belemiumo na to sakisi-sakising-Ku, belemiu pinile'an-Kumo da baumo to posa-posaihon-Ku da monsumbu' mae Aku ka' mule' palesaya mae hi beleng-Ku, ka' mangalati'mo taalu' Akumo ahi' na Tumpu. Akumo na Tumpu Anu Sa'a-sa'angu'nyomo madi'mo daagi' ko sangga'atnyo mau ma'isa pe'e ko Akunyo kabai mau daagi'mo ko Akunyo aiya.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

YOSUA 22:27

panyo da timbali tanda hi kita, sambiha' ka' sambiha' ka' hi lee'to sinaimihinyo mae, taalu' kami aiya totu-totu'u monsombah Tumpu i Kemah anu katokaan-Nyo kalana momboamo koloban anu opotunu, palasombahan-palasombahan ka' koloban bau pompodame. Tiba jalan anu sumo aijo' lee' nu belemiu madi'mo montaloakon tukoonyo lee' mami madi' palesaya hi Tumpu.

YOSUA 24:27

Lapas aijo' notataemo na i Yosua hi aha mian iwi-iwi' anu ikiijo', “Batu aiya na timbali sakisinto. Iwi-iwi' na potatae anu tinaloakonmo nu Tumpu hi kita, tinaloakonmo i ahop nu batu aiya. Jadi, batumo aiya na timbali sakisi hi belemiu da mompo'ingat belemiu da boli panggaga hi Tumpu hi Tumpu Allah nu belemiu.”